Matthieu 12:10 - New Testament in Mitsogo

¹⁰ Amadenga wangô mômôgôô andé n’ogogo ômasombegani. Ane amadenganô vangô amasingégéda Jésus gôéena éne éngeendangô mbe ahmôeséda. T’ebandô ahmeevôa Jésus mbe: ?Gô mige mimatsikéô we mitôsingéa gôédôngéda môma nyee edunda‐a?

Matthieu 12:10 Iomraidhean Croise

Matthieu 12:2

Vameena Apharisien nane amavovo na Jésus mbe: Bonoko geenda aneengie woo éne émakitsô môge mbe gééndô nyee edunda.

Matthieu 19:3

Avo Apharisien ahmawesea na vandé Jésus gôémôtambéa pagô na nyivô gôémôkubéda. Ahngô mbe: ?Gô mige mimakitsô mbe mômôgôô géyôhé yômba gô pati yebégô‐a?

Marc 3:2

Muetso ahmabaka wangô ahmasingégéda Jésus gôémôbono mbe mavooe angadôngéda môma nyee edunda. Ahmeenda nane te gôémôsoseda.

LUC TSANGO EAMOSOBA EMATENDA 11:54

Nyivôye te pagô dimakanégahngô émôtambéa mbe mavooe Jésus angakuba gô mavoviame masangaba kuanakue.

LUC TSANGO EAMOSOBA EMATENDA 13:14

Tsesu eba agéwanyéô asinyôngéô gamayanza Jésus gô nyee edunda gôédôngéda môma. Tsesu amavovo na géômbége mbe: Môma ayanza te pitsi môtôba. Tambô vigani nôvidôngédu gô miôsaamie mine, kaka gô nyee edunda.

LUC TSANGO EAMOSOBA EMATENDA 20:22

Beenda we gookô éwe gô mitôma mimatsikéô we. ?Tôvanéa môtômi atsenge César, depune vo tôsavana-a?

LUC TSANGO EAMOSOBA EMATENDA 23:14

Nômaviga na gôndé me na mômôgôône ôdôô. Nômôsundi mbe: Abeenda oma gôékina mane mavovo môtômi atsenge. Nôeni, me namôtsundédi va mbene anyô. Na me tsimôena ta n’oési ôvo gô mane masundi anye angô.

LUC TSANGO EAMOSOBA EMATENDA 23:2

Amatsua môsunda na gôndé Pilate mbe: Tôdengi môma noo Jésus, adékéda oma mbe: Nômbienda mane mavovo môtômi atsenge. Ebakanéda oma gôéétsa môtômi atsenge César, depu. Na eenza Nzambé mbe: Me te Christ môtômine wanyô.

Jean 5:10

Peeye yAjuif amavovo na mômôgôô nône mbe: Deo noo te nyee edunda. Osabômu mbe te môge gôndé éwe gôétsua gétava.

Jean 5:3

Gô komuye dine gômayama abeeyi ayekani, asi pogu na ane avékumani, n’ane amagégésanéani. [Muetso ameenéaka mebame mapupédu.

Jean 7:23

Anye mbe: Tôsangoongôa ékékôa mige mimatsikéô we na Moïse. T’ebandô tôgeeta anamôgôô gô nyee edunda. Me dôta, nanôévôa mbe ?nôndé na me n’opisa vadôngédi me môma ôtôe wetso gô nyee edunda gôndé?

Jean 8:6

Ahmeevôa Jésus nane te gôémôkanéga mbe adiia ébégô gôndé amuene Jésus gôémôsunda. Ivô Jésus amakotomo na amatenda na môsavie wedi va tsina.

Jean 9:16

Avo Apharisien amavovo mbe: One amayanzéa éwe ébégôe éne, ka asiviga gôndé Nzambé. Mbe amatômuku na Nzambé angô mbe asikékôa môge anyee edunda. Avo dôta amavovo mbe: ?Angô mbe môma môbévani angoongôa éénda ébégô ényônganéôni esôbasôbana we nayee? Apharisien amasaganédana anguene te gô ébégôe éne.