Matthieu 11:26 - New Testament in Mitsogo

²⁶ Na gô pie Téta, éndé te nane gôébégô ômuene ômanyôngéô te nane. Nagôkuméda gô éangô.

Matthieu 11:26 Iomraidhean Croise

LUC TSANGO EAMOSOBA EMATENDA 10:21

Gô ndéô nene, Jésus amatsôkéa na gényônga gévôni saGédidi SaNzambé, na amavovo na Nzambé mbe: Ah Téta, éwe Kumu atsina n’oba, nagôkuméda. Ewe ômatsutsuéda mabégô mavôni gôndé ana anéngé mbe amamenya. Géé gôndé oma eodo na oma agéneenga gévôni ômasuéga mangô. Na gô pie Téta, éndé te nane gôébégô ômuene ômanyôngéô te nane. Nagôkuméda gô éangô.

LUC TSANGO EAMOSOBA EMATENDA 22:42

Téta, ôkô ônyôngéô, nôtôa gébunguge samaguga egé. Ivô béyé mbe nane, kaka éne ényôngéô me ééndôni, ivô te éne ényôngéô éwe.

LUC TSANGO EAMOSOBA EMATENDA 23:34

Jésus amasambéda mbe: Téta, singéa ahngô kokoo. Ahsamenya éne ééndahngô. Migode mimatséva na nzéké gôésevoa éduani éaJésus énganyôngéô angô.

Jean 11:41

Etaé émakôngégu. Jésus amabôkaméa na g’ôba gôévovo na Nzambé mbe: Téta, nagôkuméda gôôkéyiô éwe me.

Jean 12:27

Jésus amavovo mbe: Môtémami ôdita te ditaga. ?Nangeenda nayee? ?Nangoongôa éénda mbe: Téta yuua me gô éne éka gô buéaga-a? Ka me, namaviga te gô éne. Namaviga te gôéengéa gô ndéô nedue éamaguga na gôéôta gô mangô.

Jean 12:28

Ah Téta mbe inee éoo éneegedu. Ogie ômookanô ôvovo g’ôba mbe: Namamana éétsa inee éami géneega sondômbee wetso. Na éngoomba ékumédu.

Romains 9:18

Vane tôena mbe Nzambé eena oma ngeba te ganyôngéô angô. Na oodeda mitéma miavo ganyôngéô amuene.

Ephésiens 1:11

Gô évambee éndé wa n’anyô na Jésus‐Christ, tômani édiia géôbogeo sasô n’anyô. Gôébégô wa n’anyô madeo tôsibôtu, Nzambé amapanga étôsevoa mbeego gamanyôngéô angô. Nzambé eenda ti metso ganyôngéô amuene na gavangangô mbe éngaba te nane.

Ephésiens 1:9

Amatômenyeda étasa émabaka n’edi ésinigôganéô na mbeego n’oma. Etasee te nzéane émanyôngéô angô ékônza gôndé wa n’anyô gô ngeba yedi gô ngudi yaChrist.

Ephésiens 3:11

Agésa ahngô gamanyôngéô Nzambé v’ebandô na gamakônzangô gô ngudi yaKumu asô n’anyô Jésus‐Christ.

II Timothée 1:9

One amooboo we na amabambéa we gôékoga omedi amatsimamani te Amuene Nzambé. Asatôoboo gô ngudi yamayanza masô n’anyô mamisôba. Atôoboo te gamatasa amuene mbe: Neendé te nane. Amatôoboo te ti gô ngeba yedi. V’ebandô na kaa, amatôena ngeba gô ina aJésus‐Christ.