Matthieu 11:23 - New Testament in Mitsogo

²³ N’anye asi Capernaüm, tambô anye nôabatéda anyene mbe we tôôtéa oma muetso, we tôsaba oma abévani. Anye nôngasugédu gôésisédu gô mungu asoto. Mayanza mami mamisôba mayanzi me va gatse anyô mbe namayanziki gôndé asi Sodome, ahngô na mbôkane éaô mbe andéké ngu na deo noo.

Matthieu 11:23 Iomraidhean Croise

Matthieu 10:15

Nanôbeenda na gô pie mbe gô nyaa amôtsundu asi mbôka nene angasisédu. Na gésisédéôge saô géngootéa géne sasi Sodome na asi Gomorrhe.

Matthieu 16:18

Me Jésus nagôpandôéda dôta mbe: Inee éoo te Pierre, événdégéô mbe étaé. Gô ngongo oboboe ône me nangasaa eba ôtetu mbe mbumu éami. Buéyé n’owa ôsangaba na ngudi gôébunganéda ebee ône.

Matthieu 17:24

Jésus n’aneengi edi amabuéa gô Capernaüm. Môbongi adepu évanôkô gô eba aNzambé amawesea na vandé Pierre gôémôévôa mbe: ?Tambô môékédine wanyô asavanaka depune eba aNzambé‐a?

Matthieu 4:13

Jésus amanôtôga gô Nazareth na amaviga gôédigaa gô môsenge ôtetu mbe Capernaüm, vapévapé na mubu ôtetu mbe Galilée éndé gô tsengeye diindô mbe Zabulon na Nephtali.

Matthieu 8:5

Vamatsiga Jésus gô Capernaüm, tsesu amôkama amigode amawesea na gôndé Jésus na amamônemba mbe:

LUC TSANGO EAMOSOBA EMATENDA 10:15

Na anye asi Capernaüm, tambô anye nôabatéda anyene mbe: We tôôtéa oma muetso we tôsaba oma abévani. Anye nôngasugédu gôésisédu gô mungu asoto.

LUC TSANGO EAMOSOBA EMATENDA 14:11

Endé te nane. One aabatéda amuene, angasugédu. Na ône aasugéda amuene angabatédu.

LUC TSANGO EAMOSOBA EMATENDA 16:23

Gô tungu oma amawani, gékitige amookô pievia épôni. Amabôkaméa misome na ameena Lazare andé va mbôma aAbraham. Andé gôdagôda.

LUC TSANGO EAMOSOBA EMATENDA 4:23

Jésus amaabéa ahngô mbe: Mavooe nôngagunya me tsava gatôvovo mbe: Môbôgine, panga éadôngéda ômuene. N’anye mavooe nôngeenda me mbe: Tômani éôkô metso mamayanzewe gô Capernaüm. Tambô indaka mangô mônogovo gô mbôkane yoo émabôtu éwe, tôena mangô.

Mayanzame 2:27

Gôébégô éwe Nzambé, ôsangeeba gédidi sami gô tsenge éane amawani. Osangasinga mbe ôtôe amômane woo amatsimamani ôboo.

Mayanzame 2:31

David amamenya ébégôe éangô madeo ésibuéa na ameevéda gékundugéô saChrist g’ôwa mbe te ône amatômu na Nzambé vamavovo angô mbe: Me tsangamôeeba gô tsenge éane amawani. Na ôtôe wedi ôsangaboo.

Jude 1:7

Bangôani dôta Sodome na Gomorrhe na mivo misenge mimabambana na miangô. Asi misengemie mine ameenda mônongovo gameenda asi g’ôba abévani ane. Ahmaahdeekeda anguene gôéyanza gésasô saminongo mietso na gôégésangana n’oma gô minongo misivangé Nzambé. Omee ane amasosédu na soto gésimékéni. Ene émabuéa gôndé ahngô te géevédéô sasô n’anyô deo noo.

Gétsutsuéô 1:18

Me te Kumu amonyo. Namawaaka, géé deo noo nandé na monyo ôsakôdéakani. Môsapie owa, na tsengene éowa ôndéké te n’ami.

Gétsutsuéô 11:8

Nzumbiye dibaé dine dingasanéa gô nzéa agô môsenge ôvôni ône ômakomedu Kumu yaô gô gésumu sowa. Môsengee ône ôtetu gô tsava mbe Sodome na Egypte.

Gétsutsuéô 20:13

Ane amwa gô mbéye ahndé wangô ahmanzeegedu na mbéye. Owa na tsenge éane amawani dimanzeegeda ane andé wangô. Muetso ahmatsundédu gô mane mameendahngô.

Gétsutsuéô 6:8

Namabono. Nameena cheval émabaka ôtôe na sabé g’eweyi. One amadigaaka gô yangô, inedi te ôwa. Amaandôkô va ngimedi na ône atômaka gô tsengene éane amawani. Ameetsô ôtômu gôéyôhéda oma agô vikabô viatsinane na mabaga, na nzaa, na mabeea, na nyama yadibaaga yava tsina. Vikabô vikegea mbe, gôndé oma anayi, amayôha te môvô.