Matthieu 11:11 - New Testament in Mitsogo

¹¹ Jésus amanigôa mbe: me nanôbeenda na gô pie mbe: Va gatse amuetso amabôtuni gôsaba môma ootéa môvôni ga Jean‐Baptiste. Eébéyée nane, ône eendô mbe môma abobo g’ôkumu aNzambé, angô ootéa môvôni na Jean‐Baptiste.

Matthieu 11:11 Iomraidhean Croise

Matthieu 11:10

Menyani mbe Jean te ône ameevéda Matendeo MaNzambé mbe: Nzambé amavovo mbe: Me natôma peegi ami gôégôkukuéa nzéane.

Matthieu 11:12

Bandôa gô ndéône émeekéda Jean‐Baptiste ngu na ndéô nedué oma agémbana gôéengéa g’ôkumu aNzambé. Oma angudi dôta anyôngéô éwata ôkumue gôndé anguene.

Matthieu 3:1

Gô ndéô nene Jean‐Baptiste amaviga eekéda gô tsenge émagasani éndé gô Judée.

Matthieu 3:11

Me nanôbatésa na meba gôétubéda mbe anye nôkoi mitéma mianyô. Ivô gô ngimami gôviga muene anganôbatésa na Gédidi SaNzambé na soto. Ngudi yedi diôtéa dine yami. Gétôkôtôkô ôgoeyee, géôté môtsé. Me te gétôkôtôkô. Angô te môtsé. Ivô tsaba pengo gétôkôtôkô. Nandé ti gô tsina asangô.

Matthieu 5:19

T’ebandô gôndé ône ookua môge ôvo buéyé mbe ôgeôge, na eekéda môkedi gôéôkua angô, angaba môma ameenzuni g’ôkumu aNzambé. Ivô ône akenea ndongi na mige miaNzambé na eekéda dôta akedi gôémikenea, angô angagobedu g’ôkumu aNzambé.

LUC TSANGO EAMOSOBA EMATENDA 1:15

Muanoo angaba môma môvôni va mbene aKumu Nzambé. Môsi g’ôba amamônigôa mbe: Muanee ône asanganyua maduku. Asanganyua ta na meba mavo meedangi. Angaba amayôa na Gédidi SaNzambé gô môtémedi bandôa g’ôbôtu edi.

LUC TSANGO EAMOSOBA EMATENDA 7:28

Jésus amanigôa mbe: Va gatse amuetso amabôtuni gôsaba môma ootéa môvôni ga Jean-Baptiste. Eébéyée nane, ône eendô mbe môma abobo g’ôkumu aNzambé angô ootéa môvôni na Jean-Baptiste.

LUC TSANGO EAMOSOBA EMATENDA 9:48

Jésus amanigôa aneengie mbe: One agobeda viana gandé évi gô inami, agobedi te na me. Na ône agobedi me eembe agobedi te na ône amatôma me. Menyani mbe va gatse anyô, ône ootéa éasugéda amuene, pene te angô.

Jean 1:15

Jean amanigôa ômbangie wedi mbe: Nôeni, te ône ameevéda me anye mbe me noota gô mbene, angô aviga gô ngima, tambô pene te angô. Me madeo tsibôtu te angô andéké.

Jean 1:27

Buéyé gooti me gô mbene edi, me te gétôkôtôkô, angô te môtsé. Gétôkôtôkô ôgoeye géote môtsé. Me tsaba pengo gétôkôtôkô, nandé gô tsina asangô.

Jean 10:41

Oma ayekani amaviga na gôndé ahngô. Amavovo anguene mbe: Amuene Jean asiyanza mabégô mavôni mamisôba masoongôa môma ésupua. Ivô mane mamanigôa angô mamômôgôô noo, asipaté.

Jean 3:30

Engaba mbe angô te ône ava ngenge angabateduni. Me nangasugédu nangaba va kôbangô ga gône.

Jean 5:35

Jean amagono na dambi ématumbuni na étanani. Anye nômasinga étsôkéa gévedege sedi gô pesu andéô.

Jean 7:39

Jésus amavovo nane gôépandôéda gangaviga Gédidi SaNzambé gôéengéa na gôndé ane eetsa Nzambé mitémamie miaô. Ivô gô ndéône ématemangô gôévovo, Gédidi SaNzambé gémabaka madeo gésisuma gôébégô amuene Jésus amabaka te madeo asikea na g’ôba gôndé Nzambé.

I Corinthiens 15:9

Va gatse ane amasevouni na amatômukuni na Jésus, môngimee na ngaa te me Paul. Buéyé vane tsaba kuanakue gôétetu mbe ône amatômu na Jésus gôébégô va mbeego namakuanaka pepe asi mbumu éaNzambé.

I Corinthiens 6:4

Te gatsapéô me Paul gôndé anye. Vandé anye n’ebégô éamonyo ôdôô gôékônza, anye nôkea nôkéwanyéda gévovi sane asamenya mabégô magô mbumu éaNzambé.

Ephésiens 2:3

Wa n’anyô muetso tômabaka gandé ane akékôani. Tômadigaa gadigaahngô gôédugéda manyima mabévani mamabôtu na yôtô yasô n’anyô. Tômayanza mane mamatômu we na yôtô yasô n’anyô na édidi éasô n’anyô éasagô. Vamabaka we tôgébaka gamabôtu we, tômabaka gô tsina opisa aNzambé gôésisédu n’edi gandé akasô, ane agébaka wangô.

Ephésiens 3:8

Va gatse asi mbumu éaNzambé muetso gô omee abobo, môyusumédue te me. Buéyé mbe nane, Nzambé amasevoa me gôénigôa Tsangô Eamôsôba gôndé ane asaba Ajuif. Tsangône te éokiti agétangégé ôtôdiia gôndé Jésus‐Christ.

II Timothée 1:10

Ivô ngebaye yedi dine amatôtsutsuéda yangô te pitsi yedi gômaviga Mooboyi asô n’anyô Jésus‐Christ na gôndé wa n’anyô. Menya mbe Jésus‐Christ amatseda ôtômue owa. Na, gô ngudi yaTsangô éedi Eamôsôba Jésus amatsigéda na v’ekanga ébégô éamonyo ôsakôdéakani.

Hébreux 11:40

Emabaka te nane gôébégô Nzambé amabaka na yene étasa éôtéa ényepani. Te mbe omeaa, ane amapanga émôétsa mitémamie, eenéa wa n’anyô mbe tôngadiia muetso kukepo.

I Pierre 1:10

Apandôédi amatsa maNzambé ahmavasa na môvinéné ôvôni gôébuta émenya gakegea géôbogeo. Géobogeoge géne te géne gémeetsô anye ôbiia na Nzambé.