Matthieu 10:22 - New Testament in Mitsogo

²² Oma muetso ahngavinga anye gôébégô nôndéké omami. One angasipa gô gékuanô ngu na v’ekôdéô, angoobou.

Matthieu 10:22 Iomraidhean Croise

Matthieu 10:39

One anyôngéô ékenea monyoe wedi amuene, angaôdimbanéda. Ivô ône adimbanéda monyo edi gô inami angaôdenga.

Matthieu 24:13

Ivô ône angasipa gô Mabégô MaNzambé ngu na v’ekôdéô, angagoobou.

Matthieu 24:9

Engaba mbe oma angakaba anye omami gôénôtubéda maguga na gôénôyôha. Muetso angavinga anye te gô inami.

Matthieu 5:11

To gô gényônga géndé n’anye vatokou anye na vakuanô anye na vapatéô anye mabégô mabévani gôndé anye né’vamba n’ami.

Marc 13:13

Oma muetso ahngavinga anye gôébégô nôndéké omami. One angasipa gô gékuanô ngu na v’ekôdéô, angoobou.

LUC TSANGO EAMOSOBA EMATENDA 21:17

Muetso angadudu anye te gôndé anye omami.

LUC TSANGO EAMOSOBA EMATENDA 21:19

Sipani gô mabégô mami. Nôngadiia monyoe wanyô te gô mangô.

LUC TSANGO EAMOSOBA EMATENDA 6:22

Ti gô gényônga géndé n’anye vadudanô anye n’oma gôébégô éami, me Muana Amôma. Tsôkéakani ôkô oma anôkina, na anôbuanya, na anôdeta mbe anye oma aJésus nôsanyepa.

LUC TSANGO EAMOSOBA EMATENDA 8:15

Mine mimaaga gô totone éamôsôba te ane ookô Mabégô MaNzambé na ahmakuya gô mitéma miaô miamisôba na mimavômani. Ahngô aka oma obibo na mitéma miaô mikuséda ésima éamisôba.

Jean 17:14

Nameetsa ahngô mabégô moo. Asi tsengene avinga ahngô to gôsabahngô n’evamba na mabégô matsengene, te mônongovo gandé me gébé n’evamba na mabégô matsengene.

Jean 7:7

Oma ava tsina asoongôa évinga anye. Ivô ahvinga te me. Gôébégô napandôéda ahngô mbe ésimee ééndahngô ésanyepa.

Mayanzame 9:16

Memuene nangamôtubéda éetso éngeenangô maguga gô inami.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

II Corinthiens 4:11

Pitsi yetso tôvétsu n’owa gôébégô éaJésus gômbe ngudi yamonyoe wedi dienanô gô yôtô yasô didôngani yava tsina.

Galatie 6:9

Va tôénda mane mamisôba tômbiavovo mbe: Tôgogi. Ogani enyepanéô ômbiatsika éoko madi na tsingô. Gôébégô mbe ôkô tôbé na môvinéné tôngadiia mamisôba vangabuéa ndéône.

Hébreux 3:14

Endé te nane. V’ebandô wa n’anyô tômavamba na Christ gébé na paga. Okô tôbé nane ngu na v’ekôdéô, tambô tôndé na gô pie n’evamba na vitoo na Christ.

Hébreux 6:11

We eekédi tônyôngéô mbe anye, môma na môma nôsanganzeegeda géviôviôge géne ngu na v’ekôdéô éamionyo mianyô. Buta mbe mane maténdéda anye nômadiia.

Jacques 1:12

One asipa n’obibo gô éne ékanégu angô atsôkéké. Gôébégô gôbibédi angô adiia monyo. Monyo ône te môsenda ômamema Nzambé mbe: Gôndé anye nônyôngéô me nôngadiia angô.

I Jean 3:13

Ana aTéta nômbiatsapéô gadudanô anye n’oma atsengene.

Gétsutsuéô 2:10

Nômbieena gomo gô mane mangeenanye mapanda. Oôkôni édué. Avo va gatse anyô nôngeengédu gô eba atsôgôô gébé n’ebégô. Menyani mbe te yabédé akanéga anye. Gône nôngeena panda gô nzima apitsi. Sindédani na mavôma buéyé mbe na g’ôwa. Na me nanganôétsa môsenda te gépôkôdô sokumaka amonyo ôsakôdéakani.

Gétsutsuéô 2:17

Okô mbe anye nôndé na matô ôôkôni môma na môma mane mavovo Gédidi SaNzambé na anye asi mbumu éaNzambé. Angô mbe: Gôndé ane adiiani gô ébadi égenyuni nangeetsa ahngô môyakô ôviga g’ôba ôsamenya muetso. Nangeetsa ahngô dôta étaé éavembo ématendu ina éatsatsee ésamenya muene môma buétsé te kumue éangô.

Gétsutsuéô 2:26

Gôndé anye nôdiia gô ébadie égenyuni, n’anye nôénda mane manyôngéô me géniké ngima ngu na vangaviga me, nanganôétsa ényanga. Te éne émeetsô me na Téta Nzambé. Nanganôétsa ényanga gôétôma tsengeye yetso. Nôngaditôma na môtunga amuahnga ôsaba na ngeba. Tsengeye dine dingapanzéga gabuéga mbéka éebôô pingô yatsesee. Nanganôétsa na mônanga ôtanani ava maageô.

Gétsutsuéô 2:3

Anye nôndé n’obibô gôéenea mane mangavigani. Gô mabégô mami nômeena maguga na nômasipa.

Gétsutsuéô 2:7

Okô mbe anye nôndé na matô, ôôkôni môma na môma mane mavovo Gédidi SaNzambé n’anye asi mbumu éaNzambé. Angô mbe: Gôndé ane adiiani gô ébadi égenyuni, me nangeetsa ahngô ôtômu gôéaa miônda miagéétété géétsa monyo géndéké gô gatse atsaga éaNzambé.

Gétsutsuéô 3:21

Gôndé ane adiia gô ébadi égenyuni, nangeetsa ényanga mbe ahdigaa n’ami gô gédigaa sami sokumaka. Mônongovo gamadiia me gô ébadi na me nadigaa vavo na Téta Nzambé gô gédigaa sedi sokumaka.