Matthieu 10:20 - New Testament in Mitsogo

²⁰ Esangavovo anye, éngavovo te gédidi SaTétanyô Nzambé géndé n’anyô.

Matthieu 10:20 Iomraidhean Croise

Matthieu 6:32

Te ane asavamba na Nzambé abuta yômee éne. Ivô anye, Tétanyô ône andé g’ôba amenya éetso ébutanye gôénôdôngéda gô tsina.

Marc 12:36

Amuene David amatévédu na Gédidi SaNzambé amavovo mbe: Kumu Nzambé amavovo na Kumu ami mbe: Ewe digaa gô géeyo sami gémôgôô. Na me nangagudaméda adudeoe woo Gô tsina amakôdô moo.

LUC TSANGO EAMOSOBA EMATENDA 11:13

Buéyé gandé anye abévie, nôsabômu eetsa anee wanyô éômee éamisôba. ?Tambô na tétanyô, ône andé g’ôba asanganôétsa Gédidi sedi-a? Angeetsa sangô te gôndé ane amôdukani.

LUC TSANGO EAMOSOBA EMATENDA 12:12

Vangaba anye va mbene atsundédi, nigôani te éne éngeetsô anye na Gédidi SaNzambé gôénigôa.

LUC TSANGO EAMOSOBA EMATENDA 21:15

Menyani mbe memuene nanganôétsa éodo évôni na mavovia mangudi. Vane buéyé n’adudeoe wanyô asangamenya ékitsanganéa anye na asangoongôa ésiia.

Mayanzame 13:9

Gédidi SaNzambé gémeengéa pepe gôndé Saul, ône amoogu dôta mbe Paul. Amabono Elymas na nzôô.

Mayanzame 2:4

Gédidi SaNzambé gémeengéa gô mitéma miaô na gémamiyuéséda na ngii. Omeaa amabandôa évovo yaanga yôgi disiikédu ahngô. Amavovo gamatévédu ahngô na Gédidi SaNzambé gôévovo.

Mayanzame 28:25

Ajuif amatimôga gôénika na gô yeba yaô andé gôétsumana paga. Paul amavovo n’ahngô mbe: Tambô na gô pie Gédidi SaNzambé gémabaka na mitayi vamavovo sangô na peeye yasô n’anyô go mônya aEsaïe môpandôédi amatasa maNzambé mbe:

Mayanzame 4:8

Vane Gédidi SaNzambé gémeengéa pepe gôndé Pierre na amasiia mbe: Anye peeye yami na atômi ami

Mayanzame 6:10

Amôgôôe ane ahsiôngôé émôbôméda na mavovia maô gôébégô Etienne amabika ameetsô na Gédidi SaNzambé éodo évôni.

II Corinthiens 13:3

Anye nôndé na paga mbe mane mavovo me kaka ôgi aJésus‐Christ, ivô nôngeena mbe na gô pie te ôgie wedi. ?Anye nômenya mbe Christ asaba na ngudi gôndé anye‐a? Christ kaka vipôpéa gôndé anye. Amani énôtubéda ngudiye yedi.

1 Thessaloniciens 2:13

Na gôndéké na yene ébégô ésatsika we ékuméda Nzambé gôndé anye. Vameekéda we anye Matendeo MaNzambé, nômookéô mangô na nômasinga mangô, ti pidi mbe ôgi aNzambé, kaka mavovia mamôma. Na mandéké te ôgi aNzambé. T’ebandô mandé na ngudi gô mitéma mianyô nosamatsuma paga.

I Pierre 1:12

Apandôédi amatasa maNzambé ahmamenyedu mangô kaka gôndé anguene, te na gôndé anye, buéyé mbe gamabaka ahngô eekédi amabégô mema. N’atsatsee anye nôékédiô mangô n’ane ahmeekéda Tsangô Eamôsôba gô éodo éaGédidi SaNzambé, géné gémasuma g’ôba. Buéyé asi g’ôba ayanzi aNzambé anyôngéô émenya mabégô mema.

II Pierre 1:21

Gôsaba évovia éaNzambé ta n’evo émaviga gô ngudi yamôma amuene. Mangô mamabundugana gô ngudi yaGédidi SaNzambé mbe môma avove mane manyôngéô Nzambé.