Matthieu 10:16 - New Testament in Mitsogo

¹⁶ Jésus angô mbe: Oôkôni buedi. Me nanôkeda mônongovo ga mandombo mandé va gatse anzego. Tambô banaki n’ekena ga nyogo. Bakani dôta ga ménga gébé na mangônzô.

Matthieu 10:16 Iomraidhean Croise

Matthieu 24:25

Tambô anye ôôkôni. Namani énôévéda ébégôe madeo ésibuéa.

Matthieu 24:45

Môyanzi agobendani andé n’eodo ?eenda nayee? Angô eetsô éyanza na môtômine wedi mbe: Okenea ayanzi n’oo. Gô ndéô yetso ôkabéaka ahngô môyakôe.

Matthieu 25:2

Tômbô ditayi ahmabaka n’eodo. Ditayi dôta ahsibaké n’eodo.

Matthieu 25:4

Ane ahmabaka n’eodo ahmatsua dambiye yaô na ahmatsua na pitidodi.

Matthieu 25:9

Ane ahmabaka n’eodo amaabéa mbe: Aé. Tôsangaduganéô wa n’anyô muetso. Kiakani gôésômba gôndé ane ahsômbédakani.

LUC TSANGO EAMOSOBA EMATENDA 10:3

Kiakani. Nanôkeda mônongovo ga mandombo mandé va gatse anzego.

LUC TSANGO EAMOSOBA EMATENDA 21:15

Menyani mbe memuene nanganôétsa éodo évôni na mavovia mangudi. Vane buéyé n’adudeoe wanyô asangamenya ékitsanganéa anye na asangoongôa ésiia.

Mayanzame 20:29

Me tsabômu éne éngabuéa gô ngimami. Gôngaviga avo amôgôô agono na émbungu étsongono va gatse amandombo. Na éangô éseena mandombo ngeba.

I Corinthiens 14:20

Ana aTéta n’ami gô mabégô mema nômbiaba gandé anéngé asamenya éne éénda ahngô. Gô mabégô mabévani bakani g’anéngé asamenya évanga mangô. Géé gô mane mamisôba bakani oma oodini gôéénda mangô.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

II Corinthiens 11:14

Tôsoongôa étsapéô gô mônongoe waô. Amuene Satan avéngôga aka ga môsi g’ôba n’obébayi ti eembe aNzambé, gôébôméda oma.

II Corinthiens 11:3

Me nandé na mikebanganô gôndé anye kabaga matasa manyô mabunzéga na kabaga nôgéngôga gôékina Jésus‐Christ na kabaga nôbômu gamabômédu Eve n’oboe ômapata nyogo.

II Corinthiens 8:20

Vatsua we dodeye diitsanye diyekani, tôkénga wa n’edi abaé kabaga oma atsuava me mbe asakondo ébongo gô yangô.

Philippiens 2:15

Vane nôngaba n’etsimama na nômagôgéani. Nôngamenyanganô mbe ana aNzambé agébé n’oési, nôdigaa va gatse oma abévani adiboe andé gô tsengene. Tanani ga minanga gô tsina evitsi.

Colosses 1:9

T’ebandô tôsadunda évovo na Nzambé gôndé anye bandôa nyee ômookô we tsangône yanyô. We tôduka Nzambé mbe Gédidi sedi génôétsa éodo éetso na ébagé éetso gôénômenyeda pepe nzéane émakônzangô gôndé anye.

Colosses 4:5

Digaakani na deede n’ekena va gatse ane madeo asineegeda Jésus‐Christ. Kuka yetso didenganô anye vavo n’ahngô, nômbiasinga ndéône éôta anye gévové éne éndé na tsoongo.

1 Thessaloniciens 2:10

Anyene te mbangiye yasô. Na amuene Nzambé te épo mbangi émeena mbe môdigédie wasô na mônongoe wasô ômabaka kuanakue na déédéké gébé na ôési va gatse anyô nômeetsa Nzambé mitémamie.

1 Thessaloniciens 5:22

Aaganani na mabégô metso mabévani.