Matthieu 10:15 - New Testament in Mitsogo

¹⁵ Nanôbeenda na gô pie mbe gô nyaa amôtsundu asi mbôka nene angasisédu. Na gésisédéôge saô géngootéa géne sasi Sodome na asi Gomorrhe.

Matthieu 10:15 Iomraidhean Croise

Matthieu 12:36

Nanôevéda mbe gô nyaa amôtsundu oma muetso anganigôa va mbene aNzambé metso mamavovo angô mabobo.

Matthieu 5:18

Me nanôbeenda na gô pie mbe ta na vibénda vivo viaMatendeo MaNzambé vingabusuni ngu na vangamangôa viangô éyanzee éedi, buétsé te tsina n’oba épanga éôta.

Matthieu 7:22

Gô nyee ône, ayekani angavovo n’ami mbe: Kumu, Kumu, gô inoo tômapandôéda ndongi dimeetsô we na Nzambé. Tômakuséda édidi ébévani gôndé oma te gô ngudi yainoo. Na dôta tômayanza émbégéa évôni na éyékani te gô ngudi yainoo.

Marc 6:11

Okô kumu yambôka asinôsingéa gôéengéa na asanyôngéô éôkô meekédu manyô, nôtôgani vane. Dumédani makôdôme ébisie. Te géevédéô saô mbe: Nôwema.

Jean 12:48

One akékôa me na mavovia mami, te mangô mangamôesédani. Meekédume mami mangeetsa môma ôési gô nyaa amôyusumédi.

Jean 6:39

Oôkôni éne ényôngéô ône amatôma me. Asanyôngéô mbe me nadimbanédana ta na môvo va gatse ane ameetsangô me. Anyôngéô mbe gô nyee amôyusumédu me nangakundua omami muetso g’ôwa.

Jean 6:40

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

Mayanzame 17:31

Endé te nane. Amamana ésevoa nyee ôngatsundéda angô ome muetso na môtsundu agépenganédé. Tôngatsundédu na ône amasevoa amuene gôéba môtsundédi. Ndémbone éamôtsundédine te éne émakunduu angô na Nzambé g’ôwa.

I Corinthiens 3:13

Mônongo na mônongo eyanza ôngeenanô gô nyee amôtsundu ôngatsutsuu mabégô metso. Endé te nane. Nyaa amôtsundu te nyaa asoto gékanéga éyanza éamôma na môma mbe éndé na tsoongo.

1 Thessaloniciens 5:4

Ivô anye asi mbumu éaNzambé nôsadigaadô gô évitsi. Génikéô saJésus nôsangagétsapéô ga gévigéô samuisui.

Hébreux 10:25

Tômbiatsika éwanyéa gô eba aNzambé. Tômbiaba gandé avo amadeka gésima sagévigé na gô eba aNzambé. Géé wa n’anyô buedi mbe tôdenganô gôékasôana wa n’anyôene. Tôôtéa éénda nana veena wa n’anyô mbe nyee agénikéô saKumu ôwesea.

II Pierre 2:6

Na buéyé misenge mibaé mivôni, Sodome na Gomorrhe, amamieséda amamiyôéda na soto. Te gémbégéa sene éngabuéa gôndé muetso abévani.

II Pierre 2:9

Kumu asabômu éoboo omedi gô éne ékanégu ahngô. Kumu asabômu ékenea oma abévani ngu na gô nyaa amôtsundu.

II Pierre 3:7

Ivô tsina n’oba éndé n’asô n’anyô deo noo, ékeneo te n’ogi aNzambé ône ngu na ndéône éngayôédu yangô na soto. Ekeneo ngu na gô nyaa amôtsundu ôngabunzu oma abévani.

I Jean 4:17

Nôeni éne étubéda mbe étondoe éndé gôndé wa n’anyô éndé gébé n’okana, te mbe gô nyaa amôtsundu wa n’anyô tôbaké n’ekasôga na mitéma mimasumani gétsumé Nzambé paga. Nyoone tôngaba n’ekasôga gôébégô mônongoe ômabaka Jésus‐Christ gô tsenge nedué te ône ôndé na wa n’anyô.

Jude 1:6

Bangôani dôta gameenda asi g’ôba ayanzi aNzambé. Avo asinyôngéô ényangee égege émeetsô angô. Amanôtôga gô gédigaage saô. Nzambé akenea angô gô tungu éevitsi éabangata édagani. Andé wangô katôgô môbô na môbô. Eenea nyaa ôvôni ôngatsundédu angô na Nzambé.

Jude 1:7

Bangôani dôta Sodome na Gomorrhe na mivo misenge mimabambana na miangô. Asi misengemie mine ameenda mônongovo gameenda asi g’ôba abévani ane. Ahmaahdeekeda anguene gôéyanza gésasô saminongo mietso na gôégésangana n’oma gô minongo misivangé Nzambé. Omee ane amasosédu na soto gésimékéni. Ene émabuéa gôndé ahngô te géevédéô sasô n’anyô deo noo.