Matthieu 10:1 - New Testament in Mitsogo

¹ Jésus amasevoa nzima amôgôô n’amôgôô abaé gôéba aneengie edi. Ameetsa ahngô ényanga gôékuséda édidi ébévani gôndé oma na gôédôngéda mabeea metso na dipôpéa yetso.

Matthieu 10:1 Iomraidhean Croise

Matthieu 19:28

Jésus amanigôa mbe: Me nanôbeenda na gô pie mbe vangadigaa me, Muana Amôma gô gédigaa sami sokumaka gô tsenge éamanza, anye nzima n’aneengi abaé nôkea n’ami nzéepo, anye dôta nôngadigaa môma na môma gô sedi gédigaa sokumaka gôétsundéda nzima na mabôta mabaé meongo éaIsraël.

Matthieu 26:20

Vameeda nyee, Jésus n’aneengi edi ahmadigaa gôéaa.

Matthieu 26:47

Vamaba Jésus agévovoko, Judas amabuéa. Judas amabaka g’ôtangô anzima n’aneengie abaé. Ahmaviga na géômbé gévôni gématsua ékeeyi te makongo na mabaga na événzô. Ahngô muetso ahmatômu na tsesu yadeekedi adigondoku na peeye yAjuif.

Matthieu 4:23

Jésus amakénga gô Galilée nyetso. Ameekéda gô yeba yewanyéô. Ameekéda Tsangô Eamôsôba éokumu aNzambé. Amadôngéda oma amabaka na mabeea maminongo mietso.

Matthieu 6:13

Vakanégu we gôéénda mabégô mabévani, ômbiatsika we. [Ivô ooboo we tônôtôga gô ngudi yaSatan. Gôébégô ôkumu na ngudi na géneega éndé n’éwe môbô na môbô. Amen.]

Matthieu 9:35

Jésus amakea éva n’eva amoota gô mbôkaye yetso na gô misengemie mietso. Ameekéda gô yeba yaô yewanyéô na amanigôa Tsangô Eamôsôba éokumu aNzambé. Amadôngéda minongo mietso miamabeea na miadipôpéa.

Matthieu 9:38

Tambô dukani kumu atsagane mbe angakudéga ayanzi gôéengéda éne émagaabôkôni.

LUC TSANGO EAMOSOBA EMATENDA 10:19

Oôkôni édué. Me nameetsa anye ngudi yeyeta nyogo na ngôtô, na gôébunza manyangame metso mamôdudeo. Anye nôsangookô pievia. Gôsaba sôma génganôbévédani.

LUC TSANGO EAMOSOBA EMATENDA 21:15

Menyani mbe memuene nanganôétsa éodo évôni na mavovia mangudi. Vane buéyé n’adudeoe wanyô asangamenya ékitsanganéa anye na asangoongôa ésiia.

LUC TSANGO EAMOSOBA EMATENDA 24:49

Memuene nanganôkudégéa muene môwedi, ône amavanga Nzambé gôénôétsa géenza. Anye nômbianôtôga gô môsenge ôdôô buétsé te ngudi yone andé g’ôba dipanga ésutuméa na gôndé anye.

LUC TSANGO EAMOSOBA EMATENDA 6:13

Vamaagiia nyee amabambéa aneengie edi amasevoa nzima n’abaé. Amateta angô mbe, ane amasevouni na amatômuni.

Jean 17:2

Omani éétsa me ényanga gôétôma oma muetso, gômbe neetsa monyoe amôbô na môbô gôbdé ane amamana éwe ésevoa gôéétsa me.

Jean 3:27

Jean amaabéa ahngô mbe: Môma asoongôa éba na sôma, buétsé te Nzambé amôétsa sangô.

Jean 3:35

Téta Nzambé anyôngéô Muanedi na amadeekeda mabégô metso gô tsina otômu aMuanedi.

Jean 6:70

Jésus amanikéda ahngô mbe: Me namanôsevoa anye nzima n’abaé. Eébéyée nane, môvô vandé anye andé te yabédé.

Mayanzame 1:8

Menyani mbe anye nôngadiia ngudi vangaviga Gédidi SaNzambé na gôndé anye. Anye nôndéké mbangi yami na nôngatsua tsangô éami gô Jérusalem, na gô tsengeye yetso yaJudée, na yaSamarie, na ngu na tsengeye disibuéôkô na mbeego yagô makôdéô matsinane.

Mayanzame 19:15

Vamavovo ahngô nane, gédidi gébévani gémabika mbe: Me tsabômu Jésus. Tsabômu na Paul. ?Géé anye yandaa?

Gétsutsuéô 12:1

Gémbégéage gévôni gématsiga g’ôba. Te môgeto amadipô na ômandee gadipô môma na môkanda. Ngondene émabaka va makôdô medi. Na gô môtsé te gépôkôdô sokumaka géndé na nzima éaminanga na minanga mibaé.