Matthieu 1:1 - New Testament in Mitsogo

¹ Oô te bôkudue aJésus‐Christ ebôtee éedi. Jésus‐Christ to muana aDavid. Na David dôta te muana aAbraham.

Matthieu 1:1 Iomraidhean Croise

Matthieu 1:18

Nôeni gamabôtu Jésus‐Christ. Yeedi Marie amateteduku na Joseph mbe: Nangamôbaa. Angô amabaka madeo asigésangana, Marie amatsua émé gô ngudi yaGédidi SaNzambé.

Matthieu 1:2

Abraham amabôta Isaac. Isaac amabôta Jacob. Jacob amabôta Juda n’avo anamôgôô.

Matthieu 15:22

Gômabaka môgeto, môsi Canaan amadigaa g’ôgenda gô tsenge nene. Môgeto nône amaviga na gôndé Jésus gôémôgondo mbe: Môékédi, éwe Muana aDavid, eena me ngeba. Muanami amôgeto asaba buedi, andé na gédidi gébévani.

Matthieu 3:16

Vamabatésu Jésus, amakusa gô mbéyi. Na vane, ôbee ômatatôga na Jean ameena Gédidi SaNzambé gésuma ga ménga na vandé Jésus.

Matthieu 9:27

Jésus amanôtôga wangô gôékea na gô nyene tungu. Gômakeangô asi pogu abaé amaanda angô va ngima na amaadôngana mbe: Ewe, Muana aDavid eena we ngeba.

LUC TSANGO EAMOSOBA EMATENDA 1:33

Angatôma omedi asi éongo éaIsraël môbô na môbô. Otômue wedi ôsangaba n’ekôdéô.

Jean 7:42

Matendeo MaNzambé matônigôa mbe: One eendô mbe Christ, angaba muana agô ébôta éaDavid. Angaviga gô Bethléhem, te môsenge ômadigaa David.

Mayanzame 2:30

David amabaka môpandôédi amatasa maNzambé. Asibômuku mbe Nzambé amamôsongéa mbe: Môvo va gatse anee woo angagôaandani angadigaa g’ôkumakee ôdigaa éwe gôéviagana ényangee éôô.

Romains 1:3

Tsangône te éne éaMuana ANzambé, kumu asô n’anyô Jésus-Christ. Bôkudue wedi gôndé oma tétedi te David, môtômi môvôni atsenge.

Romains 4:13

Nzambé amavangana n’Abraham mbe: Ewe n’anoo, tsinane nyetso te mikuanya mianyô. Ovangee ône, Nzambé asiôvangé ne Abraham tsangô mbe Abraham agobeda ndongi na mige na mitôma miaNzambé. Amavangana gôébégô Nzambé ameena Abraham ti eembe asibé n’oési va mbene edi gômeetsangô Nzambé môtémedi gébé na buétsé.

Romains 9:5

Peeye yaô te Abraham na Isaac na Jacob na Moïse n’avo oma avôni. Buéyé na Jésus-Christ, ône andé gôétôma na ngudiye yetso, amabôtu gô tsengene te gô éongoe yaô. Tôkumédéni Nzambé môbô na môbô. Amen.

Galatie 3:16

Endé te nane. Nzambé amavangana n’Abraham na muanedi ôvanga. Nzambé asivove n’Abraham mbe: Ovanga te gôndé éwe n’anoo. Ivô Nzambé amavovo n’Abraham mbe: Ovangee te gôndé éwe na muanoo. Evéndégéô mbe ôsaba gôndé oma ayekani. Ondé gôndé môvo. Môvo nône te amuene Christ.

I Timothée 2:5

Ebégô éapie te édué. Gôndéké Nzambé épo na koo. Na va gatse oma na Nzambé gôndéké môsungéyi môvo na koo, te ône amakoga môma inedi Jésus‐Christ.

II Timothée 2:8

Ewe Timothée, kôngéda Jésus‐Christ, ône amakunduu na Nzambé g’ôwa gôéba na monyo. Angô te muana aDavid. Te gapandôéda Tsangô Eamôsoba, éne éékéda me oma.

Gétsutsuéô 22:16

Me Jésus navovoni, namavigéda môsi g’ôba, môyanzi ami na gôndé anye asi mbumu éaNzambé gôénôbeenda metso. Me navovoni te muana amabôtu na David. Me te mônanga ôtanani ava maageô.