Marc 9:9 - New Testament in Mitsogo

⁹ Vamasutuméa ahngô gô môkôdi ône, Jésus amavovo n’aneengie mbe: Nômbiabeenda môma ta na môvo éne éeni anye. Nôngabeenda te vangakunduga me, Muana Amôma g’ôwa.

Marc 9:9 Iomraidhean Croise

Matthieu 12:19

Asangatsumana paga na môma. Asangavovo n’ogi akangégangé. Asangookanô anigôa mabégô gô nzéa yagô misenge.

Matthieu 12:40

Mônongovo gamadigaa Jonas miôsa mitatô na pitsi ditatô gô ébuyi éanyama éagô mbéyi, te mônongovo me Muana Amôma nangamana miôsa mitatô na pitsi ditatô gô gatse atsinane.

Matthieu 16:21

Bandôa nyoone Jésus amapandôéda aneengi edi na vede mbe: Engaba mbe me nangakea na gô Jérusalem gôngeena me maguga mamootéani. Peeye na tsesu yadeekedi adigondoku, n’anigôi amige miaNzambé angatseda me. Nangayôhu. Gô mbene apitsi dibaé, éne éamôtatô nangakunduga.

Matthieu 27:63

Ahngô mbe: Môtômi asô, we tôbangôa gamavovo môpatine ôdôô vamabakangô agédôngaka. Amavovo mbe: Vangoota pitsi ditaô me nangakunduga.

Matthieu 8:4

Na vane Jésus amamôdékéda mbe: Ombiabeenda ta na môma môvo. Na amamôtôma mbe: Kiaka, ôkétubéda ôtôe woo gôndé môdeekedi adigondoku. Oétsa ôgondoku ômatôma Moïse mbe oma angamenya mbe, ôdôngi.

Marc 5:43

Jésus amadékéda ahngô mbe: Nômbiayeega ébeenda môma. Na angô mbe: Itsani muana môyakô.

Marc 7:36

Jésus amavovo na muetso mbe: Nômbiabeenda môma. Vamoomba Jésus édékéda ahngô mbe: Nômbiabeenda oma, ahsiôkô. Amabeenda muetso.

Marc 9:10

Ahmakuya ébégôe éne gô mitéma miaô. Ivô ahmeevôana anguene n’anguene mbe: ?Ebégô évovi Jésus angô gôékunduga g’ôwa ékegea nayee?

Marc 9:8

Vane aneengie amageengageengana na ahsienedô môma buétsé te Jésus môtévo andé n’ahngô.

LUC TSANGO EAMOSOBA EMATENDA 24:46

Amanigôa ahngô mbe: Oôkôni éne ématenduni. Ematendu mbe: Christ, ône angasevou na Nzambé angeena maguga na angakunduga g’ôwa pitsine éamôtatô.

LUC TSANGO EAMOSOBA EMATENDA 9:36

Vamayusuméda ôgie évovo, gôsienanôdô môma buétsé te Jésus amuene. Aneengie asiôngôé évovo. Na gô ndéô nene asinigôé môma éne émeenahngô.