Marc 9:29 - New Testament in Mitsogo

²⁹ Jésus angô mbe: Mônongo agédidi ône ôkusédu te gô ngudi yosambô.

Marc 9:29 Iomraidhean Croise

Matthieu 12:45

Vane gédidige géne gékea gôéwanyéda évo édidi tsambué éôtéa ébéva na géne samapanga. Eviga muetso géômbé na éengéa gôédigaa wangô. T’ebandô ébévee éamôma nône éôtéa n’ebévee éedi éamapanga. Endé te nane gôndé asi pitsi yedi oma abévani.

Matthieu 17:20

Jésus amaabéa angô mbe: Paga yanyô dipoo. Nanônigôa ébégô édué éapie. Okô nôétsi mitémamie, pengo vi pesu, évundee ga môbie apivi, nôngayanza mabégô mavôni. Nôngatôma môkôdi mbe: Nôtôga éva, kea na vane. Na môkôdie ônganôtôga. Nôsangadagéô ébégô. [

Matthieu 17:21

Jésus mbe: Mônongo agédidi ône ôkusédu te gô ngudi yadisambô na gô gékinéô samôyakô gôévovo na Nzambé.]

Marc 9:28

Jésus n’aneengie ahmeengéa agô eba. Gôsibaké muene môma. Aneengie ahngô mbe: ?Ebégô ndé ésiôngôa we ékuséda gédidige géne?

Marc 9:30

Ahmatimôga gône amoota tsengene nyetso éaGalilée te ootaga. Jésus asinyôngéô émenyanganô mbe andé va tungu éasimbe.

LUC TSANGO EAMOSOBA EMATENDA 11:26

Vane gédidige géne gékea gôéwanyéda évo édidi tsambué éôtéa ébéva na amuene géné samapanga. Eviga muetso géômbé na éengéa gôédigaa wangô. Vane ébévee éamôma nône éôtéa n’ebévee éedi éamapanga.

Mayanzame 14:23

Go tunguye yetso dimawanya asi mbumu éaNzambé, Paul na Barnabas amasevoéa ahngô peeye dingatômani. Ahmadigaa amakina môyakô gôévovo na Nzambé na vane ahmadeekeda ahngô na gô mogo maKumu, ône ameetsahngô mitémamie.

I Corinthiens 9:27

Natôma ôtôe wami gôéyanzéda angô ganyôngéô me gôéekaganédu angô. Neenda nane kabaga me môékédi aNzambé, nakuba gô mane meekédi me anye mbe: Nôwema, nômbiakuba gô mangô.

II Corinthiens 11:27

Namayanzédu mayanza madagani. Nameena maguga mamootéani. Pitsi diyekani oma asisingé me neeboga vio. Namookô nzaa na sôé. Kuka diyekani oma asidugédu me môyakô. Namookô sodi na tsibé na mikanda.

II Corinthiens 12:8

Kuka ditatô namaduka Kumu Jésus gô ébégôe édué mbe adôngéda me na akuséda me gô panda yedi.

II Corinthiens 6:5

Tômabitô na mibitô na tômeengédu na gô eba atsôgôô. Oma amatuba n’asô misoso miagébé n’ebandô. Tômayanzédu tsôgôô we gébé n’oési. Oma asienede we éso avio, na asiitsé we môyakô amookedu we nzaa.

Ephésiens 6:18

Aatani ékeeyi éetso éne, nôndé gôéduka Nzambé g’ôsambô mbe anôwedéa. Vovoni na Nzambé ndéô yetso gangatévédu anye na Gédidi sedi. Bakani misiki gôésambéda gédundé. Vovoni dôta na Nzambé gôndé asi mbumu éedi muetso.

Jacques 5:15

One eetsa Nzambé môtémedi wetso gétsumé ngudi yedi paga vadukangô, môduké wedi ôdôngéda môbeeyi. Kumu atimôa angô na ébévee éedi ésingéô kokoo.