Marc 9:26 - New Testament in Mitsogo

²⁶ Gédidi gébévani gémaamugana môndônga na tsiigane ématsôpa muanee na sangô gémakusa. Otô amuanee ômabaka na nyegôdani. Ayekani ahmavovo mbe: Awéyi.

Marc 9:26 Iomraidhean Croise

Matthieu 15:22

Gômabaka môgeto, môsi Canaan amadigaa g’ôgenda gô tsenge nene. Môgeto nône amaviga na gôndé Jésus gôémôgondo mbe: Môékédi, éwe Muana aDavid, eena me ngeba. Muanami amôgeto asaba buedi, andé na gédidi gébévani.

Marc 1:26

Sangô gémaginya môma nône ga môma abeea tsiiga. Gédidige gémaamugana môndônga na gémakusa.

Marc 9:18

Kuka yetso vatsôpu angô na sangô agunyéga na va tsina. Muanee te aka na magudé gô mônya, na agéa ngeko. Otôe wetso te ôka na sényényée. Me nabambéyi aneegie woo mbe: Kusédani muanee gédidige gébévani. Ivô ahngô asiôngôé égékuséda.

Marc 9:20

Amamôétsa muanee. Vameena gédidige gébévani géena Jésus, tsiigane ématsôpa muanee. Amamesegea na va tsina. Amabisongono na magudé gô mônya.

Marc 9:25

Jésus ameena oma ayekani ahviga pita na gôndé angô. Vane amakangéa gédidi gébévani mbe: Gédidi, éwe ôsasinga muanee gôévovo na gôéôkô, me nagôtôma mbe: Kusa gôndé muanee ôdôô. Ombianikea éengéa na gôndé angô.

Marc 9:27

Vane Jésus amamôtsôpa g’ôgogoe gôémôtimôa. Na muanee amatema môtie.

Gétsutsuéô 12:12

T’ebandô éwe ôba, tsôkéaka, n’anye nôndé g’ôba, tsôkéakani na gényônga gévôni. Ewe, tsinane na mubue déakani gô magugame. Endé te nane. Yabédé amasutumédu na gôndé anye tsina na mubu. N’angô amayôa n’opisa gôébégô asabômu mbe pitsi yedi disaba diyekani, disanéa ti yatangaga.