Marc 9:12 - New Testament in Mitsogo

¹² Jésus amaabéa mbe: Okô mbe éendéké gavovo anigôi amige mbe te Elie angapanga étsigani gôénikéa ékônza mabégô metso tambô ?nayee Matendeo MaNzambé mabeenda mbe me, Muana Amôma nangatubédu n’oma maguga mavôni na gékuanô?

Marc 9:12 Iomraidhean Croise

Matthieu 16:21

Bandôa nyoone Jésus amapandôéda aneengi edi na vede mbe: Engaba mbe me nangakea na gô Jérusalem gôngeena me maguga mamootéani. Peeye na tsesu yadeekedi adigondoku, n’anigôi amige miaNzambé angatseda me. Nangayôhu. Gô mbene apitsi dibaé, éne éamôtatô nangakunduga.

Matthieu 26:24

Na gô pie me, Muana Amôma nangawa mônongovo gamabeenda Matendeo MaNzambé mbe nangawa. Ivô ngeba épôni gô maguga mangeena ône angamôkabani. Mbe amabaka madeo asibôtu mbe émanyepa.

Marc 10:33

Angô mbe: Oôkôni édué. Wa n’anyô tôkea na gô Jérusalem. Te gône gôngakabô me Muana Amôma, na gôndé tsesu yadeekedi adigondoku n’anigôi amige miaNzambé. Nangeesédu gôéyôhu. Nangadeekedu na gôndé oma ahsavamba na Nzambé.

Marc 9:13

Buéyé mbe nane, nanôbeenda mbe Elie amani étsiga. Oma amamôénda gamanyôngéô ahngô. Te gabeenda matendeo MaNzambé gôndé Elie.

Marc 9:31

Gôébégô angô amabaka gôénigôa aneengie mbe: Me, Muana Amôma nangakabô na gô mogo moma angayôha me. Nangawa. Gô mbene apitsi dibaé, éne éamôtatô nangakunduga.

LUC TSANGO EAMOSOBA EMATENDA 1:76

N’ewe muanami, ôngatetu mbe môpandôédi amatasa maNzambé, ône aMôbô na Môbô ootéa muetso. N’ewe ôngoobégéa gô mbene aKumu éoo gômôbea nzéane.

LUC TSANGO EAMOSOBA EMATENDA 23:11

Hérode na migode miedi amamôénza na amamôseka. Gô dienza yaô amamôaatéda ngoyi éokumaka na amanikéda émôkudéga na gôndé Pilate.

LUC TSANGO EAMOSOBA EMATENDA 23:39

Môsi môkôbé môvo amakomeduni amamôdeta mbe: ?Ewe, kaka te Christ-a? Nôtôga ômuene gô gésumuge na ônôtôa dôta we.

Mayanzame 1:6

Nyovo ane amadenganô na Jésus amamôévôa mbe: Kumu ?ndéône ébuéyi-a? ?Ene éngakôkanganéda éwe oma aIsraël g’ôkumue waô-a?

Mayanzame 4:11

Matendeo MaNzambé matônigôa ébégô éaJésus mbe: Etaé émakina anye assayi eba Te éango évumbu v’epandaka gôésipa ebee wetso.