Marc 8:35 - New Testament in Mitsogo

³⁵ One akebangana ôwa angô angawa. One asabusuga ôwa gô inami na gô Tsangô Eami Eamôsôba andé na monyo.

Marc 8:35 Iomraidhean Croise

Matthieu 10:22

Oma muetso ahngavinga anye gôébégô nôndéké omami. One angasipa gô gékuanô ngu na v’ekôdéô, angoobou.

Matthieu 10:39

One anyôngéô ékenea monyoe wedi amuene, angaôdimbanéda. Ivô ône adimbanéda monyo edi gô inami angaôdenga.

Matthieu 16:25

One akebangana ôwa, angô angawa. One asabusuga ôwa gô inami te angô adengi monyo.

Matthieu 19:29

Menyani mbe muetso ane atsika yeba yaô, n’anayaô, na tétee yaô na iyee yaô, n’anaô, na tsaga yaô, atsika yangô gô inami angootéa édiia gô mbene. Gô éôma éetso ématsikangô, gô gévo angakôndégu môkama, môkama. Na dôta angaba na monyo ôsakôdéakani.

Marc 8:36

?Tsoongo ndé ôkô môma adiia éôma éetso éava tsina na adimbanéda monyoe wedi apie‐a?

LUC TSANGO EAMOSOBA EMATENDA 17:33

One anyôngéô ékenea monyoe wedi amuene, angaôdimbanéda. Ivô ône adimbanéda monyoe wedi, angaôdenga.

LUC TSANGO EAMOSOBA EMATENDA 9:24

One angakebangana ôwa angô angawa. One asangabusuga ôwa gô inami, te angô angadenga monyo.

Mayanzame 20:24

Ivô tsabono monyoe wami mbe te sôma sami satsoongo. Ene ébuta me gô monyo ôdôô te mbe nabuéa v’ekôdéô na gényônga ga môma akea tsaé. Na mbe namangôa éyanzee émeetsô me na Kumu Jésus. Eyanzee, te gôétsua na gôénigôa Tsangô Eamôsôba éangeba dimatôenanô na Nzambé.

Mayanzame 21:13

Ivô Paul amakékôa ôgie wasô mbe: ?Anye nôdéa ndé? ?Nayee nôyungéda me môtéma mbe kabaga tsakea-a? Memuene nandé na môtéma ômasumani gôékea, kaka gôékatô ésengo étévo, buéyé na gôéyôhu gô mabégô maKumu Jésus gô Jérusalem me tseena panda.

Mayanzame 9:16

Memuene nangamôtubéda éetso éngeenangô maguga gô inami.

I Corinthiens 9:23

Metso mane, neenda mangô te gôétsigéda Tsangô Eamôsôba gôndé oma muetso na gôékasôgéda môtémami vasinga oma Jésus.

II Corinthiens 12:10

T’ebandô natsôkéa ôpôpée wami, na matokime maakasô na pandaye n’ekuanôe éetso, na magugame metso meena me gôndé me môsi Jésus‐Christ. Vandéké me vipôpéa te gaka me na ngudi.

II Timothée 1:8

Nigôa na bôkédé ômbanza aKumu Jésus, gébé na tsoyi. Ombieena tsoyi, tsangô mbe me Paul nandé gô tsôgôô gô inedi. Ene éôtéa ényepani te mbe n’ewe muetso ôsinga magugame matubédu éwe gô Tsangô Eamôsôba éaJésus‐Christ. Amuene Nzambé angagôétsa ngudi gôésipa.

Hébreux 11:35

Gômabaka ageto ameetsa Nzambé mitéma miaô mietso gétsumé ngudi yedi paga. N’ahngô ameena omee waô ahkunduga g’ôwa gôénikéa édigaa n’ahngô. Oma ayekani amayôhu gômavambangô môtémovo na Nzambé. Adudeoe waô amatséva n’ahngô gatséva nzotsi na tanga, ivô oma aNzambé asinzeegede ina aNzambé buta mbe akusédu gô panda. Amasinga gôéyôhu mbe akea na gô wene monyo amôsôba.

Gétsutsuéô 12:11

Na ana a Tétee n’asô n’anyô ahmadiia gô ébadie émagenyahngô. Ahmadiia te gô ngudi yanzina yaMôpaga Endombo na gô ngudi yamabégô mapie mameekédangô. N’ahngô asikiné éétsa mionyo miaô gôéwa.

Gétsutsuéô 2:10

Nômbieena gomo gô mane mangeenanye mapanda. Oôkôni édué. Avo va gatse anyô nôngeengédu gô eba atsôgôô gébé n’ebégô. Menyani mbe te yabédé akanéga anye. Gône nôngeena panda gô nzima apitsi. Sindédani na mavôma buéyé mbe na g’ôwa. Na me nanganôétsa môsenda te gépôkôdô sokumaka amonyo ôsakôdéakani.

Gétsutsuéô 7:14

Me namamôaabéa mbe: Me tsamenya téta, ômuene ôsabômu beenda me. Na payi nene amanigôa me mbe: Ahngô te ane amabaka gô tsina agékuanô gévôni. Ahmoovôa mikanda miaô gôéminyepeda na vee te gô nzina yaMôpaga.