Marc 8:34 - New Testament in Mitsogo

³⁴ Na Jésus amabambéa géômbége n’aneengie na amavovo mbe: Okô môma anyôngéô ékea nzéepo n’ami, aviié mane maamuene ngima. Atsué gésumuge sedi sowa na akéé géômbé gévo n’ami.

Marc 8:34 Iomraidhean Croise

Matthieu 10:38

One asatsua gésumuge sedi sowa na akea nzéepo n’ami, angô asangatetu mbe, mômami.

Matthieu 16:24

Vane Jésus amavovo n’aneengie muetso mbe: Okô môma anyôngéô ékea nzéepo n’ami, aviié mane maamuene ngima. Atsué gésumuge sedi sowa na akéé geômbé gévo n’ami.

Matthieu 27:32

Vamakeahngô amawanya gô nzéa na môsi Cyrène, inedi Simon. Migodemie ahmamôtindéga gôétsua gésumuge géngayôhu Jésus.

Marc 10:21

Jésus amamôbono na gényônga. Angô mbe: Gôndé éwe gôsanéyi ébégô évo. Kiaka sômbédé éetso éndé n’ewe. Bonge dodeye ôkekabanéa misuga. N’ewe ôngaba n’okiti g’ôba. Na vane ôviga. Oka nzéepo n’ami.

Marc 7:14

Na va mbene amane Jésus amoomba ébambéa géômbége. Angô mbe: Oôkôni me anye muetso vôtanganôni édué.

LUC TSANGO EAMOSOBA EMATENDA 13:24

Gényôgani gôéengéa g’ômbee ôgeôge. Menyani na gô pie mbe ayekani anganyôngéô éengéa gô angô ivô asangoongôa.

LUC TSANGO EAMOSOBA EMATENDA 14:33

Va vane Jésus amatimbôanéda mbe: Gôndé anye te mônongovo. Gôsaba môma angakea n’ami nzéepo gôéba môneengi ami, angô gékiné éetso éndé n’edi.

LUC TSANGO EAMOSOBA EMATENDA 18:22

Jésus n’eôkô nane, amamôtôma mbe: Gôndé éwe gôsanéyi ébégô évo. Kiaka sômbédé éetso éndé n’ewe. Obongo dodeye, ôkekabanéa na misuga. Na éwe ôngaba n’okiti g’ôba.

LUC TSANGO EAMOSOBA EMATENDA 20:45

Géômbége setso gémookô gamavovo Jésus n’aneengi edi mbe:

LUC TSANGO EAMOSOBA EMATENDA 9:23

Vane Jésus ameekéda muetso mbe: Okô môma anyôngéô ékea nzéepo n’ami, aviié mane maamuene ngima. Atsué gésumuge sedi sowa pitsi yetso na akee géômbé gévo n’ami.

Jean 10:27

Mandombo mami mookô ôgie wami. Me tsabômu mangô. Mangô dôta makea géômbé gévo n’ami.

Jean 19:17

Jésus amapénda gô mbôka atsua gésumuge géngakomedu angô. Amakea na gô tungu ééndô mbe kokoh amôtsé. (G’ôgi ahébreu te Golgotha.)

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Romains 6:6

Tônigôgéôni buedi édué. Mônongoe ômabaka n’asô n’anyô va mbeego ômakomedu na Christ kukepo gôéwa n’edi va gésumu sowa. Te gômbe mônongoe wasô n’anyô ôbévani ômadimbana. Na wa n’anyô tôsabadô g’ôvéga amabégô mabévani gôétômu na mangô.

Romains 8:17

Tôndéké ana apie aNzambé na tôngadiia mikuanyamie mimakôkéga angô gôndé omedi. Okitie wetso ômeetsangô Jésus-Christ, ôndé te asô n’anyô. Okô tôbé môvo n’edi gô maguga, tôngaba dôta môvo n’edi g’ôndômba.

I Corinthiens 15:31

Ana aTéta n’ami, me nanôbeenda mbe me Paul pitsi yetso navétsu n’owa. Nanônigôa gôébégô anye te anami atsôkéa me, na tôndéké monyo ôvo gô vitoone éndé wa n’anyô na Kumu asô n’anyô Jésus‐Christ.

I Corinthiens 8:13

T’ebandô ôkô môyakô ôndé na ngudi yebévéda muana aTétee, tsangadôaa nyamane kabaga nakuéséda muana aTétee n’ami gôéénda éne ébévani.

I Corinthiens 9:19

Me Paul tsidigé g’ôvéga. Tsaba môvéga amôma mbe natômu n’edi. Buéyé mbe nane nameengéa memuene g’ôvéga gôéba môvéga oma muetso gômbe vayanzéa me ahngô, nangaweseda ayekani na gôndé Nzambé.

Galatie 2:20

Nabéyee na monyo, monyoe ône ôsaba wami, te aChrist ayuéséda môtémami. Deo noo nandé na monyo g’ôtô ami, te gôétsa me Jésus môtémami wetso. Angô Muana ANzambé amanyôngéô me na amaadeekeda amuene amawa gôébégô éami.

Galatie 5:24

Ane andé na vitoo na Jésus‐Christ ameeséda anguene gôésiséda mitéma mimabôtu n’ahngô, na tsôvéye yetso dibévani na manyima metso mabévani.

Galatie 6:14

Gôndé me tsanyemôga gô éne ébégô buétsé te gésumuge sowa gémayôhu Kumu asô n’anyô Jésus‐Christ. Gôébégô éagésumu sedi sowa, éôma éetso éatsengene éndé ga sôma gémabooni gôndé me. Na gô mane matsengene, tsôvé yami dimawa gô mangô.

Philippiens 3:10

Me Paul tsabuta mabégô mayekani. Ena ébuta me, te gôémenya mabégô maChrist metso, na gôémenya ngudi yedi, dine dimakundua angô g’ôwa. Nanyôngéô égésangana gô magugame medi. Nanyôngéô égono n’edi g’ôwee wedi.

Philippiens 3:7

Ivô metso mane mamayanza me gôédiia monyo, me deo noo namaviia ngima mbe masaba tsoongo. Te gômani me éena mbe Jésus‐Christ to monyoe wami na tsoongone éami.

Colosses 1:24

Deo noo natsôkéa magugame meena me gôndé anye. Menyani mbe gô magugame meena ôtô ami, me nadugéda magugame mameena Christ gôéoboo ôtô edi. Otô edi te mbumu éaNzambé.

Colosses 3:5

Singani mbe metso mandé gô mitéma mianyô matsengene mayôhu ti yôhgu. Mangô te gésasô na matasa masagôsagô, na matasa mengéa gô gésasô na makusa te gô gésasô, na tsôvéye dibévani, na ônzôô okiti. G’ônzôô môma andé gôéneegeda ôkiti edi ganeegedu mbumba.

II Thessaloniciens 3:11

We tôvovo n’anye nane gômookô we mbe avo va gatse anyô adigaa na dakadaka gébandé éyanza. Ene ésabômu ahngô te gôéyungéda mane makaô.

Tite 2:12

Ngebaye yedi dine ditubéda we ganyôngéô Nzambé mbe tôviié ngima môdigédi asagô na tsôvé yetso yava tsina. Na ganyôngéô angô mbe tôdigéé na mavôma gô tsengene na ésima éamisôba ésapengana n’ene ényôngéô amuene.

Hébreux 13:13

Tambô ôkani tôkedenga angô gô kôbangô amôsenge, gôésindéa ékeengie émakeengu angô.

I Pierre 4:1

Christ ameena maguga g’ôtô, tambô n’anye dôta oodedani mitéma mianyô étasevo n’edi gôébibéda maguga. Gôébégô ône abibéda maguga g’ôtô aseena panda étsika mabégô mabévani.

I Pierre 4:13

Eébéyée nane tsôkéakani g’ôkabô ômadiia anye gô maguga mameena Christ. Mônongovo gangatsôkéanye na gényônga gémootéani vangatsutsuga ôbébayi ôtubéda ôndômba aJésus.

II Pierre 1:14

Gôébégô me tsabômu mbe nangatsika ôtôe ami ôdôô n’atsatsee. Buéyé Kumu Jésus‐Christ ameevéda me ébégôe éne.

I Jean 3:16

?Ene étubéda mbe tônyônganéôni yéndé? Jésus‐Christ ameetsa monyo edi gôéwa gôndé wa n’anyô. Tambô na wa n’anyô tôéndé mônongovo gôndé ana aTétee agô mbumu éaNzambé.

Gétsutsuéô 2:10

Nômbieena gomo gô mane mangeenanye mapanda. Oôkôni édué. Avo va gatse anyô nôngeengédu gô eba atsôgôô gébé n’ebégô. Menyani mbe te yabédé akanéga anye. Gône nôngeena panda gô nzima apitsi. Sindédani na mavôma buéyé mbe na g’ôwa. Na me nanganôétsa môsenda te gépôkôdô sokumaka amonyo ôsakôdéakani.