Marc 7:26 - New Testament in Mitsogo

²⁶ Môgeto nône amabaka môgenda, môsi éongo éAphenicie gô tsenge étetu mbe Syrie. Amagondo Jésus mbe: Kuséda gédidi gébévani gôndé muanami.

Marc 7:26 Iomraidhean Croise

Matthieu 15:22

Gômabaka môgeto, môsi Canaan amadigaa g’ôgenda gô tsenge nene. Môgeto nône amaviga na gôndé Jésus gôémôgondo mbe: Môékédi, éwe Muana aDavid, eena me ngeba. Muanami amôgeto asaba buedi, andé na gédidi gébévani.

Matthieu 4:24

Tsangô éedi émookanô gô tsenge nyetso éaSyrie. Oma amavigaka na gôndé Jésus n’abeeyi amabeeaka mabeea maminongo mietso. Avo amabaka na édidi ébévani. Avo amabeeaka tsiiga. Avo amabeeaka yôtô yaô dimakatani. Jésus amadôngéda ahngô.

Marc 7:25

Gômabaka môgeto môvo, muanedi amôgeto amabaka na gédidi gébévani. Môgeto amookô kumane éaJésus. Tsina na tsina amaviga na gôndé Jésus gôégudama va makôdô medi.

Marc 7:27

Ivô Jésus amavovo n’edi mbe: Esanyepa gôéwata ana môyakô gôépanga éétsa inzua. Tsika vita anee apanga éaa.

Galatie 3:28

Tambô gôsabadô ôkabô va gatse Ajuif n’ane ahsaba Ajuif, va gatse avéga n’ane asaba avéga, va gatse amôgôô n’ageto. Muetso tôndé môvo na vitoo na Jésus‐Christ.

Colosses 3:11

Vane oma asatatôu mbe Ajuif, n’ane asaba Ajuif, vo ane amageetuni n’ane asigeetuni, vo môma agéneega na môma abobo, vo avéga na ane asaba avéga. Gôébégô Christ, ône asaba n’ebandô na asaba n’ekôdéô andé gô mitéma mianyô.