Marc 7:21 - New Testament in Mitsogo

²¹ Ti gô gatse, gô môtéma amôma gôkusa matasa mabévani matindéga môma gôéénda éne ébévani; eesua, ayôha, akea gésasô,

Marc 7:21 Iomraidhean Croise

Matthieu 15:19

Mangô matubéda matasa mabévani makeda môma gôéyôha môkedi, na mbe akea gésasô, na adigaa sagôsagô, na eesua, na apata, na atsuava akedi.

Matthieu 9:4

Jésus amamenya mane mamatasahngô gô mitéma miaô na ameevôa ahngô mbe: ?Anye nayee nôndé na mônongo amatasa mabévani?

Marc 7:20

Amoomba mbe: Te éne ékusa gô môtéma amôma ékoa angô aka asigôgéni.

Marc 7:22

anyima éaanga éôma, abévéda akedi, apata, adigaa ga môma avétsi môkambô. Obonedi abengôa, atsuava akedi, andé na bôpeeo, andé n’odungé.

LUC TSANGO EAMOSOBA EMATENDA 16:15

Jésus amavovo n’ahngô mbe: Anye te nôenanô n’oma mbe nôndé oma amisôba tambô Nzambé abono te môtéma amôma na asabômu mine mianyô. Menyani mbe éne étanganéda môma mbe ébégô évôni, va miso maNzambé ésaba na tsoongo.

Mayanzame 5:4

Tsagane madeo ôsisômbéda yangô émabaka te yoo. Gômasômbédewe yangô, dodeye dibaki te yoo. ?Nayee ôvangi gô môtémoo mbe: Me nangeenda te nane? Osipatéa môma. Opatéyi te Nzambé.

Mayanzame 8:22

Tambô koa môtémee woo. Duka Kumu Nzambé gôégôsingéa kokoo gô étasa ébévani éndéké n’ewe. Mavooe angagôene ngeba.

Romains 7:5

Endé te nane. Vamadigaanye gô ésimee éanyô éambeego gôédugéda mane mabévani mamanyima yôtô yanyô, nômayanza te mane mamadékéda Nzambé mbe: Nômbienda. Nôsiôngôé ékina mane mabévani makeda môma na g’ôwa.

Romains 7:8

Vamookô me môge ône, ébéva éámôtémami émayungéda me gôényima sôma sagébé sami. Ebéva éamôtémami éndé ga nzumbi gébé na ngudi, buétsé te édékédu na mige.

Colosses 3:5

Singani mbe metso mandé gô mitéma mianyô matsengene mayôhu ti yôhgu. Mangô te gésasô na matasa masagôsagô, na matasa mengéa gô gésasô na makusa te gô gésasô, na tsôvéye dibévani, na ônzôô okiti. G’ônzôô môma andé gôéneegeda ôkiti edi ganeegedu mbumba.

Tite 3:3

Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we.

Jacques 2:4

?Osaba gôétatôa oma‐a? Na vabono éwe ahngô matasa moo masaba kuanakue.