Marc 5:23 - New Testament in Mitsogo

²³ Amaduka Jésus na maninganinga gôémôwedéa. Angô mbe: Muanami amôgeto atsikandéda ti tsikanéda. Viga ôvimôtsakéga mogome moo. Buta mbe adônga gôéba na gétabé.

Marc 5:23 Iomraidhean Croise

Matthieu 8:3

Jésus amakonyo ôgogo edi na amamôbanda. Amamôaabéa mbe: Nanyôngéô égôdôngéda. Odôngi. Tsina na tsina ébeea éedi éagega émadônga.

Marc 16:18

Okô atsôpa nyogo édôngani na mogo maô asangeendô ébégô. Okô anyua môyobo asangeendô kôbi. Ahngatsakéga mogo maô gôndé abeeyi n’angô angadônga.

Marc 5:24

Jésus amakea n’edi. N’oma ayekani ahmakea gôégôngana n’edi na gésa na gésa.

Marc 6:13

Ahmakuséda édidi éyekani ébévani gôndé oma. Ahmabanda madi na ahmatsakéga mogo maô gôndé abeeyi, n’ayekani ahmadônga.

Marc 7:32

Oma amatsuéa Jésus mômôgôô amabaka na ndiba na asiôngôé évovo na woo. Ahmagondo Jésus gôétsakéga mogo medi gôndé angô.

Marc 8:23

Jésus amasumbéda môsi pogu g’ôgogo gôékea n’edi na gô étumba éambôka. Vane amatuéa mate gô mogo medi na amabanda mogome va miso. Jésus amamôévôa mbe: ?Ewe te ôena sôma‐a?

LUC TSANGO EAMOSOBA EMATENDA 13:13

Jésus amamôtsakéga mogome. Tsina na tsina môgeto amakonyogo môkongoe. Amakuméda Nzambé.

LUC TSANGO EAMOSOBA EMATENDA 4:38

Jésus amanôtôga gô eba agéwanyéô gôékea na gô eba aSimon. Ogoyi aSimon, yeene amôgayedi, amabeea nzônzônzô. Amabambéa Jésus gôémôdôngéda.

LUC TSANGO EAMOSOBA EMATENDA 4:40

Na dikoo kômbéne émapénda, muetso ane amabaka n’abeeyi aô ahmatsua ahngô na gôndé Jésus. Jésus amatsakéga ahngô mogo, môvo môvo gôéahdôngéda.

LUC TSANGO EAMOSOBA EMATENDA 7:12

Vamabuéa ahngô v’etumba éambôka, v’ombaa amôgômba, amawanya na oma atsua nzumbi na gô pesi. Nzumbine te muana amômôgôô ékika amôkué amôgeto. Ayekani asi mbôkane amabaka wangô na môkué.

Jean 11:3

Marie na Marthe amakudéga ôgi na gôndé Jésus mbe: Kumu, weeoo abeea beeaga.

Mayanzame 28:8

Tétene éaPublius amabaka yama v’ekoko na beeagane. Amabeea nzonzozo na môvanzô anzina. Paul amakea gôémôena. Amavovo na Nzambé gôndé angô na amamôtsakéga mogome. Amadônga.

Mayanzame 6:6

Omeaa tsambué amatubédu na gôndé ane amatômukuni. Ahmatsakéga ahngô mogome na ahmavovo na Nzambé gôndé ahngô tsambué.

Mayanzame 8:17

Vane, Pierre na Jean amatsakéga ahngô mogo maô. Na Gédidi SaNzambé gémeengéa gôéyuéséda mitéma miaô.

Mayanzame 9:12

Gô ndotine émeenangô, ameena mômôgôô eendô mbe Ananias aviga gôétsakéga angô mogome mbe miso medi moomba éénéa.

Mayanzame 9:17

Vane Ananias amakea. Amatsiga gô eba aJudas na amatsakéga Saul mogome. Amavovo n’edi mbe: Saul, éwe te muana aTétee n’ami gô mbumu éaNzambé. Kumu Jésus, ône amatsutsuga gôndé éwe vamavigewe gô nzéa, atômi me na gôndé éwe, buta mbe misome moo mapôga na mbe Gédidi SaNzambé géyuéséda môtémee woo.