Marc 4:20 - New Testament in Mitsogo

²⁰ Avo ahgono na toto éamôsôba. Te ahngô ahmookô Mabégô MaNzambé na ahkenea mangô, makuséda ésima éamisôba gô mitéma miaô. Môvo nzima ditatô. Môvo nzima môtôba. Môvo môkama.

Marc 4:20 Iomraidhean Croise

Matthieu 13:23

Avo ahgono na totone éamôsôba. Te ahngô amookô Mabégô NaNzambé na anigôgéô mangô, makuséda ésima éamisôba. Môvo môma te môkama, môvo nzima môtôba, na môvo te nzima ditatô.

Matthieu 13:8

Mivo mibie mimaago gô toto éamôsôba. Gévo géétété gémabôta kama na kama. Gévo te nzima môtôba. Gévo te nzima ditatô.

Marc 4:8

Mivo mibie mimaaga gô toto éamôsôba. Mimakanda na mimoongôga. Mimabôta, gévo géétété te nzima ditatô. Gévo te nzima môtôba. Gévo dôta kama na kama.

LUC TSANGO EAMOSOBA EMATENDA 8:15

Mine mimaaga gô totone éamôsôba te ane ookô Mabégô MaNzambé na ahmakuya gô mitéma miaô miamisôba na mimavômani. Ahngô aka oma obibo na mitéma miaô mikuséda ésima éamisôba.

Jean 15:16

Kaka anye nômasevoa me. Ivô me namanôsevoa na namanôtôma gôékea gôéyanza. Gabôta géétété miônda miedi miamisôba, mônongovo miônda mianyô miamisôba te gôéénda mane manyôngéô me. Na mane mangeendanye mangaba madingani. Vane Téta Nzambé anganôétsa éne édukanye gô inami.

Jean 15:2

Mitabémie mietso miami mine misabôta miônda, Kumu amiwanga. Na mitabémie mietso mibôta miônda akeeda miangô gômbe mingabôta miônda ga kaka miagétabé.

Romains 7:4

Gôndé anye te mônongovo ana aTétee. One amatôma anye va mbeego te mige miaNzambé. Ivô nômawa gô ôtô aChrist va gésumu sowa. Gômawa anye, évambee éanyô na mige miaNzambé ésabadô na ngudi gôénôtôma. Nôka môvo na ône amakundugani gômbé gô évambee éndé anye n’edi nôngayanza mane manyôngéô Nzambé.

Philippiens 1:11

Osambôe wami te mbe mônongoe wanyô ôbaké ga géétété samôsôba gébôta miônda miedi miamisôba. Te mbe Jésus‐Christ, ône andé gô mitéma mianyô atsigédé ésimee éedi éamisôba gô môdigédie wanyô. Vane Nzambé angakumédu na géneegage setso.

Colosses 1:10

Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.

1 Thessaloniciens 4:1

Ana aTétee asi mbumu éaNzambé, nômani émenya môdigédi na ésima éamisôba ényôngéô Nzambé. Na gô pie nôdigaa te gô angô. Ivô deo noo nanôtôma, na nanôgondo gô ina aKumu Jésus mbe, ombani ényepeda mônongoe wanyô.

II Pierre 1:8

Okô mabégôme metso mane mandé gôndé anye na mayekegea, mangô makoa anye nôka oma angudi, gôéyanzéa na gôémenya Kumu asô n’anyô Jésus‐Christ.