Marc 4:17 - New Testament in Mitsogo

¹⁷ Ivô agono na géétété gésaba na ngangi, ahngô asaba na môvinéne. Vaviga maguga na vabuéa gékuanô gô Mabégô MaNzambé ahngô Asasipa.

Marc 4:17 Iomraidhean Croise

Matthieu 11:6

Ti gô gényônga géndé n’ewe ômeetsa me môtémoo wetso, na ôsakuéa gékôba gôénika na gô ngima.

Matthieu 12:31

T’ebandô nanôevéda mbe oma muetso ahngasingéô kokoo gô mabégô maô metso mabévani na buéyé na dienza yamavovia maô. Ivô Nzambé asasinga kokoo gôndé ône eenza Gédidi Samuene Nzambé.

Matthieu 13:21

Ivô ahgono na géétété gésaba na ngangi. Ahngô asaba na môvinéné. Vaviga maguga na vabuéa gékuanô gô Mabégô MaNzambé, ahngô ahsasipa.

Marc 4:16

Mônongovo, avo agono na toto éamataé émaaga mibiemie. Ookô Mabégô MaNzambé na gényônga.

Marc 4:18

Avo te ane agono na tungu éndé kavangaye. Ahngô ane te ane ookô Mabégô MaNzambé.

LUC TSANGO EAMOSOBA EMATENDA 12:10

One eenza me Muana Amôma, andé na ngudi yesingéô kokoo. Géé ône eenza Gédidi SaNzambé asangasingéô kokoo.

Jean 8:31

Vane Jésus amavovo na Ajuif, ane amamôétsa mitémamie mbe: Okô nôgobedi meekédume mami gédundé gébé na buétsé, anye nôngaba aneengi ami apie.

Galatie 6:12

Ane ayanza mamisôba gô nyemo éanguene te ahngô anôtindéga gôégeetu. Angô eenda nane te gôbusugahngô gékuanô sowa aChrist ômawa angô gô gésumuge.

II Timothée 1:15

Omuene ôsabômu gamatsikô me n’asi mbumu éaNzambé adigaa gô Asie. Amatsika me gameenda akaô abaé Phygèle na Hermôgène.

II Timothée 4:10

Gôébégô Démas amatsika me. Angô amootéa ényôngéô mabégô matsengene, te gamakeangô na gô Thessalonique. Crescens dôta amakea na gô Galatie. Na Tite amakea na gô Dalmatie.

II Timothée 4:16

Vamanigôa me kukane éamapanga ébégôe éami gô eba amisoso, gôsibé ta na môma môvo gôésungéa me. Muetso amatsika me. Naduka Nzambé mbe: Ombiétsa ahngô ôési gô éne.

Hébreux 10:29

Tambô tasani gôndé ône eenza Jésus, Muana ANzambé. Tasani gôndé ône eenda mbe nzina dimaaga gôévambéda angô na Nzambé na gôégôgéda angô môtéma disaba na tsoongo. Na angô dôta adeta Gédidi sangeba yaNzambé. ?Gôndé angô éngaba nayee? Tôsabômu mbe tsôgôône yaô éngootéa na éne éandéô éaMoïse.

I Jean 2:19

Omeaa asibaké avo n’asô n’anyô t’ebandô amanôtôga gôndé we. Mbe amabaka avô n’asô n’anyô ahngô mbe andéké asô n’anyô. Ivô ahngô ahmanôtôga môvo na môvo anguene gôndé wa n’anyô gôémenyanganô mbe angô asaba wasô n’anyô.

Gétsutsuéô 2:10

Nômbieena gomo gô mane mangeenanye mapanda. Oôkôni édué. Avo va gatse anyô nôngeengédu gô eba atsôgôô gébé n’ebégô. Menyani mbe te yabédé akanéga anye. Gône nôngeena panda gô nzima apitsi. Sindédani na mavôma buéyé mbe na g’ôwa. Na me nanganôétsa môsenda te gépôkôdô sokumaka amonyo ôsakôdéakani.

Gétsutsuéô 2:13

Angô mbe: Me tsabômu gôdigaanye. Nôdigaa ti pidi gô mbôka éamuene Satan. Anye nôndéké môvo n’ami. Gô vitoone éndé anye n’ami nôsiagané n’ami buéyé gô ndéône édangi émayôhu môékédine wami eendô mbe Antipas. Amayôhu te gô mbôkane édigaa Satan.