Marc 2:17 - New Testament in Mitsogo

¹⁷ Vamookô Jésus ahvovo nane, amaabéa mbe: Ane ahsabeeani ahsookô tsôvé éamôbôgani. Te abeeyi amôôkô tsôvé. Me tsivigé gôébambéa ane anyepani ivô namaviga gôébambéa abévie gôékoa mitéma miaô.

Marc 2:17 Iomraidhean Croise

Matthieu 18:10

Nôwema kabaga nôbévéda muana, buéyé mbe agébaka môgemôge. Muana na muana andé na môsi g’ôba môyanzi aNzambé gôésungéa angô na pitsi n’omanda va mbene aTéta, ône andé g’ôba. [

LUC TSANGO EAMOSOBA EMATENDA 15:10

Jésus amatimbôanéda mbe: Nanôbeenda mbe asi g’ôba ayanzie aNzambé atsôkéa ti tsôkéa gôndé môma môbévani, buéyé mbe môvo akoa môtémedi gôéba wene mônongo.

LUC TSANGO EAMOSOBA EMATENDA 15:29

Ivô mônône amavovo na tétedi mbe: Aanakayee. Me namagôyanzéa ti mipuma miyekani. Mitômamie mioo mietso me namigobeda. N’ewe madeo ôsiitsa me ta na muana ataba mbe neenda môambô na wee yami.

LUC TSANGO EAMOSOBA EMATENDA 15:7

Jésus amatimbôanéda mbe: Te mônongovo gandé g’ôba gôndé Nzambé. ?Na môma môvo akoa môtémedi, na nzima ditenadinayi n’oma atenanayi asikoe mitéma miaô, ône amatsôkéôni indaa?

LUC TSANGO EAMOSOBA EMATENDA 16:15

Jésus amavovo n’ahngô mbe: Anye te nôenanô n’oma mbe nôndé oma amisôba tambô Nzambé abono te môtéma amôma na asabômu mine mianyô. Menyani mbe éne étanganéda môma mbe ébégô évôni, va miso maNzambé ésaba na tsoongo.

LUC TSANGO EAMOSOBA EMATENDA 19:10

Me Muana Amôma namaviga gôébuta na gôéoboo ane amadimbanani.

Jean 9:34

Apharisien amamôsemba mbe: Ti éwe. Ewe ôndé gô mabégô mabévani g’ebôtéô éwe. ?N’ewe ônyôngéô éba môékédine wasô? Amamôpatsa gô eba agéwanyéô.

Jean 9:40

Avo Apharisien amadenganô wangô amookô gamavovo Jésus. Amamôévôa mbe: ?Na we dôta te asi pogu-a?

Mayanzame 20:21

Namabambéa Ajuif na ane asaba Ajuif na mbeene éaNzambé mbe: Koani mitéma mianyô gôéba na wene mônongo. Géngôgani na gôndé Kumu Nzambé. Istani mitéma mianyô na gôndé Kumu Jésus-Christ gémôtsumé paga.

Mayanzame 26:20

Namapanga éékéda te asi Damas n’asi Jérusalem. Vane nameekéda na muetso gô tsenge ééndô mbe Judée, na dôta asi dipo tsenge. Nameekéda angô mbe: koani mitéma mianyô gôéba na wene mônongo amonyo. Géngôgani na gôndé Nzambé. Digaani na yanzani gôétubéda gakoyiô anye mitémamie.

Tite 2:14

Amaadeekeda amuene gôéwa gôndé wa n’anyô, gôéyuua we gô mabégô metso mabévani na gôégôgéda we mbe tôngaba omedi, asi évambevo n’edi. Na mbe tôngaba na gényônga na môvinéné gôéénda mane mamisôba.