Marc 2:16 - New Testament in Mitsogo

¹⁶ Anigôi amige miaNzambé gô géômbé sApharisien ahmeena Jésus andé gôéaa va tabudé épo n’oma abévani n’abongi adepu. Apharisien ahmeevôa aneengi aJésus mbe: ?Jésus aa n’omeaa vavo nayee?

Marc 2:16 Iomraidhean Croise

Matthieu 18:17

Okô angô akina dôta ôgi oma abaé, atatô, tsua ébégôe éne na gôndé asi mbumu éaNzambé. Okô akini ôgie asi mbumu éaNzambé, nômbiavamba n’edi. Andé te ga môma asavamba na Nzambé, andé te ga môbongi adepu.

Matthieu 5:46

Okô anye nônyôngéô ane anônyôngéôni ?nômenya mbe Nzambé anganôétsa môsenda‐a? Asanganôétsa. Buéyé n’abongi adepu anyôngéô akaô te nane.

Matthieu 9:11

Apharisien ameena gômaa Jésus na ahmeevôa aneengi edi mbe: ?Môékedine wanyô nayee angô aa tabudé épo n’abongi adepu na oma amookanô mbe abévani?

Marc 2:15

Jésus amabaka va tabudé gô eba aLévi gôéaa môyakô. Gômabaka va tabudé n’edi abongi adepu ayekani, n’oma aminongo mibévani, n’aneengi edi. Ti ahngô ayekani ahmaanda Jésus nzéepo.

Marc 2:7

?Môma noo, avovo vita nane nayee? Eenza Nzambé. ?One oongôa ésingéa oma kokoo gébé amuene Nzambé, indaa?

LUC TSANGO EAMOSOBA EMATENDA 18:11

Môpharisien amatema môtie gôévovo na Nzambé mbe: Ah Nzambé, me nagôkuméda mbe tsaba gandé avo oma eesuani, na asaba n’etsimama, na akea gésasô. Me dôta tsaba gandé môbongine adepu ôdôô.

LUC TSANGO EAMOSOBA EMATENDA 19:10

Me Muana Amôma namaviga gôébuta na gôéoboo ane amadimbanani.

LUC TSANGO EAMOSOBA EMATENDA 19:7

Muetso ane ameena ébégôe amagiangana mbe: ?Jésus akea akedigaa gô eba amômane môbévani ône nayee?

LUC TSANGO EAMOSOBA EMATENDA 5:30

Apharisien na géômbé sanigôi amige miaNzambé asinyôngéô gômeenahngô Jésus aa na omee ane vavo. Ameevôa aneengie aJésus mbe: ?Anye nôaa na nônyua vavo n’abongi adepu na oma amookanô mbe, abévani, nayee?

Mayanzame 23:9

Gô ésaganédee éaô, ôpisee ômakôndama ti kôndama. Avo Apharisien angô anigôi amige miaNzambé amatema mitie gôékitsa ébégôe mbe: We tôseena ôési ta n’ovo gôndé mômôgôône ôdôô. One amavovo n’edi, mavooe te gédidi, mavooe te môsi g’ôba amavigédu na Nzambé.

I Corinthiens 2:15

Okô mbe môma andé na Gédidi SaNzambé gô môtémedi te angô amenya ésevoa mabégôme mbe éma mandé mapie, na éma masaba mapie. Vane gôsaba môma angamôeesédani.

Hébreux 12:3

Gôndé anye, nômbiadôdigaa gô tsina amaguga, n’anye nôgôgini, nômabiadigaadô nane. Ivô kôngédani Jésus gamasipangô gô gékuanô gévôni gémakuanô angô n’oma abévani.