Marc 16:18 - New Testament in Mitsogo

¹⁸ Okô atsôpa nyogo édôngani na mogo maô asangeendô ébégô. Okô anyua môyobo asangeendô kôbi. Ahngatsakéga mogo maô gôndé abeeyi n’angô angadônga.

Marc 16:18 Iomraidhean Croise

Marc 5:23

Amaduka Jésus na maninganinga gôémôwedéa. Angô mbe: Muanami amôgeto atsikandéda ti tsikanéda. Viga ôvimôtsakéga mogome moo. Buta mbe adônga gôéba na gétabé.

LUC TSANGO EAMOSOBA EMATENDA 10:19

Oôkôni édué. Me nameetsa anye ngudi yeyeta nyogo na ngôtô, na gôébunza manyangame metso mamôdudeo. Anye nôsangookô pievia. Gôsaba sôma génganôbévédani.

Mayanzame 19:12

Oma amabanda ôtô aPaul na mibôtô na mikanda miaô. Vane amakea gôébanda abeeyie na miangô na ahmadôngédu mabeeame maô. Edidi ébévani dôta émakusa gôndé oma.

Mayanzame 3:12

Vameena Pierre géômbége, amavovo n’ahngô mbe: ?Anye oma aIsraël nôsôbasôbana ndé? ?Te gôdôngédiô gékonzoge egé-a? Nônabono we mbe tôdôngédi mômane ôdôô gô ngudi yawéene, na gô évambee éndé we na Nzambé.

Mayanzame 3:16

Inee éaJésus éne éndéké na ngudi. Gékonzoge gésabômu anye na géenanye egé, gédôngédiô te gô ngudi yaina aJésus ésitsumé angô paga. Gôétsi angô Jésus môtémee wetso gébe na paga, te gadôngédiô angô. Te geenanye angô nane.

Mayanzame 4:10

Vôtaganganôni ébégô édué anye nôévôi we. N’anye oma aIsraël muetso, vôtanganôni édué. Mômôgôône ôdôô atema môtie na makôdô medi va miso manyô te gô ina aJésus-Christ môsi Nazareth, ône amabôkédanye va gésumu sowa. Te ône amakunduu na Nzambé g’ôwa.

Mayanzame 4:22

Gékonzoge gémadôngédu gô ngudi yaNzambé disoongôa môma ésupua, gémabaka géka na nzima dinayi yamipuma.

Mayanzame 4:30

Konyo ôgogoe woo gômbe oma angadôngédu. Na mbe émbégéa éngeendôni na mabégô manyônganéôni masoongôa môma ésupua mangeenanô. Singa mabégô mema meendô gô ina aJésus môyanzi oo amatsimamani.

Mayanzame 9:34

Pierre amavovo n’edi mbe: Enée, menya mbe Jésus-Christ agôdôngédi. Timôgaka. Kônzaka ékokoe ébaki éwe. Tsina na tsina Enée amatimôga.

Romains 16:20

Tôsabômu mbe amuene Nzambé, môétsi agétabé, n’atsatsee angayetéda Satan gô makôdô manyô gôémôniga. Te mbe mate maKumu éasô nanyô Jésus mabaké gôndé anye.

I Corinthiens 12:9

Na Gédidige sangô dôta géétsa gôndé môma môvo môgôôe wedi te gôéba gétsumé ngudi yaNzambé paga gô éne ényôngéô Nzambé éyanza. Na gôndé môvo, Gédidi géétsa môgôô enyangee éédôngéda abeeyi.