Marc 16:16 - New Testament in Mitsogo

¹⁶ One eetsa môtémedi na eetsô bateme, te angô angoobouni. Ivô ône aseetsa môtémedi angeesédu na g’ôwa.

Marc 16:16 Iomraidhean Croise

Matthieu 28:19

Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie.

Marc 1:15

Amavovo mbe: Ndéône ébuéyi. Okumu aNzambé ôka gôpégôpé gôénôoboo. Koani mitéma mianyô gôéba wene mônongo oma. Itsani mitéma mianyô gô Tsangône Eamôsôba édué.

LUC TSANGO EAMOSOBA EMATENDA 8:12

Mine mimaaga gô nzéa te gandé oma ookôni. Ivô yabédé aviga gôéwata gô mitéma miaô éne éôkiô ahngô kabaga anigôgéô na kabaga ahdiia monyo.

Jean 20:31

Ivô mane mamatenduni éma, mamatendu gômbe anye nôngamenya na gô pie, mbe Jésus te Christ Muana ANzambé. Na veetsanye Jésus mitéma mianyô mietso, nôndé na monyo apie.

Jean 3:36

One eetsa môtémedi wetso na gôndé Jésus, Muana ANzambé, andé na monyo amôbô na môbô. One aseetsa môtémedi wetso na gôndé Jésus asaba na monyoe ône ta na pesu na Nzambé amôena ôpisa.

Jean 3:5

Jésus amamônikéda mbe: Me nagôbeenda na gô pie mbe: ôkô môma asibôtu na meba, na Gédidi SaNzambé, asangatsôkéa ôtômue aNzambé na mateme medi.

Jean 5:24

Jésus amavovo mbe: One ookô mane mavovo me na eetsa môtémedi wetso na gôndé Nzambé, ône amatôma me, andé na monyo amôbô na môbô. Namani émôyuua gô môtsundu. Anôtôgi g’ôwa, aka na monyo.

Jean 6:29

Jésus amanigôa ahngô mbe: Eyanza évôni ényôngéô Nzambé mbe nôyanza éangô te mbe nôétsa mitéma mianyô na gôndé ône amatôma angô na gô tsina.

Jean 6:35

Jésus amapandôéda angô mbe: Me te môpemba ôétsa môma monyo. One aviga na gôndé me asangadôôkô nzaa. One eetsa me môtémedi asangadôôkô sôé.

Jean 6:40

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

Jean 8:24

T’ebandô nanôéndi mbe: Anye nôngawa te gô tsina amabégô manyô mabévani. Nôngawa gô mangô te gôtsumanye me paga vanigôa me anye gômaviga me, na gôkea me, na gandéké me.

Mayanzame 10:43

Apandôédi muetso amatasa maNzambé amanigôa mane maJésus. Amanigôa mbe: Okô môma eetsa angô môtémedi wetso, gétsumé angô paga, angasingéô kokoo gô ébévee éedi gô ngudi yaina aJésus.

Mayanzame 13:46

Paul na Barnabas amavovo gébé na gomo mbe: Nzambé amanyôngéô mbe anye Ajuif nôpanga éékédu Mane Mamavovo amuene. Ivô anye nôkékôa mangô. N’anye nôeeséda anyene veendanye mbe: We tôsabuta monyo amôbô na môbô. Tambô, menyani mbe we tônôtôgi gôndé anye. Tôkea na gôndé ane asaba Ajuif.

Mayanzame 2:38

Pierre amanigôa ahngô mbe: Koani mitéma mianyô gôéba wene mônongo oma. Buedi mbe môma na môma abatésu gô ina aJésus-Christ, gômbe ébévee éanyô ésingéô na Nzambé kokoo. Vane Nzambé anganôétsa Gédidi sedi, ôbiia.

Mayanzame 2:41

Tambô ane amasingaka mabégô mamavovo Pierre ameetsô bateme. Gô nyoone, mbumu éaNzambé émoomba ékôndama mitônisa mitatô mioma.

Mayanzame 22:16

Tambô ômbiadinga. ?Oenéa ndé? Timôga. Buedi mbe ôétsô bateme na ôbambéa ina aKumu Jésus gôégôgédu ébévee éoo.

Romains 3:6

Ivô me nanôbeenda mbe, kaka nane. Nzambé mbe asaba na mitayi ?nayee angoongôa étsundéda oma muetso ava tsina-a?

Romains 4:24

Ebégôe éne ématendu na gôndé wa n’anyô te mbe na we tôenanô na Nzambé ti eembe tôsaba n’oési. Gôébégô we tômeetsa mitéma miasô n’anyô gétsumé ngudi yaNzambé paga. Angô amakundua Kumu asô n’anyô Jésus g’ôwa.

II Thessaloniciens 1:8

Asi g’ôba angavigédu na Nzambé atsiga na soto géyôani gôésiséda ane asineegede Nzambé n’ane asigobede Tsangô Eamôsôba éaKumu asô n’anyô Jésus‐Christ.

II Thessaloniciens 2:12

Vane muetso ane asiitsé mitéma miaô gô mane mapie, ivô ameena gényônga gôétsôkéa mane mabévani, angakea gôébungana.

I Pierre 1:21

Gô ina aJésus‐Christ, mitéma mianyô misatsuma Nzambé paga, ône amakundua Jésus va gatse oma amawani. Na amamôétsa ôkumaka n’ondômba gômbe mitéma mianyô na tsoongone éanyô éngaba gôndé amuene Nzambé gébé na buétsé.

I Pierre 3:21

Mebame mane mamabaka gémébégéa sabateme éne éagéobogeo sasô n’anyô deo noo. Bateme, kaka gégôgédéô sevindo éotô. Ivô bateme te môma adeekeda muanga amôtémedi na gôndé Nzambé mbe amôgôgéda. Deo noo batemene yangô éoboo wa n’anyô gô ngudi yagékundugéô saJésus‐Christ.

Gétsutsuéô 20:15

One asangadenganô inedi ématendu gô miganda miamonyo angagunyu na gô mungu asoto.

Gétsutsuéô 21:8

Géé gôndé asi mitéma mideedani, n’ane asa sipani, n’oma asagô na ayôhani, n’asi matasame meengéa gô gésasô na makusa gô gésasô, na eendi amaganga, na aneegedi ambumba yegoni, na asi diboe, gétunguge saô te gô mungu asoto géyôa na mbônga ébévani, sangô te ôwa amôbaé.