Marc 16:1 - New Testament in Mitsogo

¹ Vamoota nyee edunda aAjuif, Marie môsi Magdala na Salomé, na Marie yeene éaJacques amasômba madi mamôyombo gôékea gôésôga mangô g’ôtô aJésus.

Marc 16:1 Iomraidhean Croise

Marc 14:3

Jésus amabaka gô Béthanie gô eba aSimon môsi ébeea éagega. Vamabakangô digaa gô aakaga gômeengéa môgeto. Angô amaviga na gévaa gémapakôni setaé étetu mbe albâtre. Gévaa gémayôa na môyombo amôsôba ôtetu mbe nard. Te môyombo osunu ôvôni. Amakitsa gémenoge sagévaage na ameetéa môyomboe gô môtsé aJésus gôémôneegeda.

Marc 14:8

Môgeto noo eendéyi me éne ébaki n’edi gôéendéa me. Amani ésôga me môyombo gôékônza ôtô ami, ti me madeo tsigunyu gô ngii.

Marc 15:40

Avo ageto ahmabaka vangô ahmabono ahndé gôdagôda. Va gatse aô gômabaka Salomé na Marie môsi Magdala, na Marie yeene aJoses na aJacque ône amabaka mônzambu.

Marc 15:42

Nyee ômabaka te ômeeda. Te pitsine ékônza Ajuif éômee éaô éasueti. Nyee ôdundaka Ajuif ômabaka madeo ôsigiia.

Marc 15:47

Marie môsi Magdala na Marie yeene aJoses, ahmakea ahmanyôngéô éena gôgunyu nzumbine.

Marc 16:2

Nyaa tsono n’ongôngôe wetso vapambôga nyee, agetoe ahmakea na gô ngii.

Marc 16:8

Ageto ahmakusa ahmabusuga pita na gôdagôda na ngiine. Muetso ahmatatéa n’onzenze. Na gomo ômookô ahngô asibeendé môma éne émeenahngô. [

LUC TSANGO EAMOSOBA EMATENDA 23:54

Ebégô éangô émabuéa te gô pitsine ékônza Ajuif mabégô masueti. Nyee edunda Ajuif ômahbuéa.

LUC TSANGO EAMOSOBA EMATENDA 23:56

Vamanika agetoe na gô yeba yaô amakônza madi na miyombo mingasôgahngô nzumbine. Na ahmadunda gô nyee edunda gamatômu ahngô gô mitôma miaNzambé.

LUC TSANGO EAMOSOBA EMATENDA 24:1

Vamageeô manyaa tsono ageto amakea na gô pesi. Amatsua miyombo mimakônzahngô.

Jean 19:25

Avo agetoe amatema va tsina agésumuge gémabôkédu Jésus. Môvo môgeto te yeedi, môvo dôta te mônône ayeedi. Môvo te Marie môgaya aClopas, na mavo Marie te môsi Magdala.

Jean 19:31

Gôndé Ajuif nyee edunda te nyee ôvôni. One aPâque ootéa éneegedu, t’ebandô Ajuif asinyôngéô mbe nzumbiye ditatô didigaa v’esumue éaô nyee edunda. Avo amakea gôéduka Pilate mbe: Bôkôéda makôdôme maane andé gô ésumue buta mbe ayavôga éwa. Potoéda nzumbiye dine.