Marc 13:26 - New Testament in Mitsogo

²⁶ Vane nôngeena me, Muana Amôma natsutsuga va gatse adibôngé yag’ôba. Nangaviga na ngudi dipôni n’obébayi ondômbami.

Marc 13:26 Iomraidhean Croise

Matthieu 16:17

Jésus amanigôa angô mbe: Ti gô gényônga géndé na éwe Simon muana aJean gôébégô éne éapie ésupuyi éwe. Osibeendu éangô na môma. Otsigédiô éangô te na Téta, ône andé g’ôba.

Matthieu 16:27

Endé te nane. Me Muana Amôma nangaviga g’ôkumaka wetso aTéta na ayanzi edi asi g’ôba. Nangeetsa môma na môma ngu na éne émeenda angô gô monyoe wedi.

Matthieu 16:28

Nanôbeenda ébégô édué éapie mbe avo va gatse anye nôndé éva, nôsangawa ta madeo nôsiena me, Muana Amôma naviga n’okumaka gôétôma.

Matthieu 24:30

Vane gémbégéa samemuene Muana Amôma géngatsutsuga g’ôba. Asi mongo metso mava tsina angadéa na mindônga. Ahngeena me, Muana Amôma natsutsuga va gatse adibôngé yag’ôba na ngudi yetso na ôkumaka ondômbami.

Matthieu 25:31

Vangaviga Jésus Muana Amôma n’obébayi ondômbedi aviga n’asi gôba ayanzi aNzambé muetso, Muana Amôma angadigaa gô gédigaa sedi sokumaka.

Marc 14:62

Jésus amaabéa angô mbe: Ii, te me. Anye muetso nôngeena Muana Amôma andé digaa gô géeyo gémôgôô saNzambé, Kumu angudi yetso. Nôngeena dôta Muana Amôma aviga va gatse adibôngé yag’ôba.

Marc 8:38

Okô môma eena tsoyi gôndé me na mabégô mami va mbene oma andé n’edi ane anôtôga gôndé Nzambé gôémôviia ngima, na andé abévani; menyani mbe me, Muana Amôma nangeena tsoyi gôndé angô vangaviga me g’ôkumaka ondômbee a Téta Nzambé n’asi g’ôba ayanzie wedi.

Marc 9:1

Jésus amoomba évovo na géômbége n’aneengie mbe: Nanôbeenda ébégô édué éapie mbe avo va gatse anye nôndé éva nôsangawa ta madeo nôsiena ôkumu aNzambé ôviga na ngudi yedi.

LUC TSANGO EAMOSOBA EMATENDA 21:27

Vane nôngeena me Muana Amôma natsutsuga va gatse adibôngé yag’ôba. Nangaviga na ngudi yetso n’obébayi ôtubédu ôndômbee okumakee wami.

Mayanzame 1:11

Angô abaé amavovo n’aneengie mbe: ?Anye asi Galilée nôtema gôégébaméa g’ôba gôndé? Jésus ôdôô, atômbiô va gatse anyô gôékea na g’ôba, angô anganika mônongovo geeni anye angô abata.

1 Thessaloniciens 4:16

Gôngookanô mbeea enyanga. Te ôgi apene éasi g’ôba ayanzi aNzambé na gémbômba saNzambé géngatoonguni. Vane amuene Kumu Jésus angasuma g’ôba. Ane amawa andé n’edi na vitoo te ane angapanga ékundugani.

II Pierre 1:16

We eekédi tômamenyeda anye gamaviga Jésus na ngudi yedi dipôni na gô tsina. Tôsibeendu gô matangôtangô mavaka oma. Ivô wéene tômeena ôkumaka aJésus na miso masô na kiaa.

Gétsutsuéô 1:7

Bononi. Nôeni gavigangô va gatse obôngé. Oma muetso angamôena, buéyé n’ane amamôtuma n’ekongo. Asi mongo metso mava tsina angadéa na mindônga gôndé angô. Ii. ?Tôngeenda nayee? Engaba te nane. Amen.