Marc 12:43 - New Testament in Mitsogo

⁴³ Jésus amabambéa aneengi edi. Na amavovo n’ahngô mbe: Nanôbeenda na gô pie mbe môkuée ôdôô, éne ékuyi angô gô gégaa sadibiia, éôtéa éne éakedi muetso.

Marc 12:43 Iomraidhean Croise

Matthieu 10:42

Nanôbeenda ébégô édué éapie mbe, ône eetsa gébungu sameba masodi na gôndé môvo va gatse aneengie ami, gôndé angô mômami, môétsine angadiia misenda.

Marc 12:42

Môkué amôgeto ômabaka n’osuga amaviga na amakuya tôdode tôbaé takunga tosunu asuda dibaé.

Marc 12:44

Muetso akuyi te ôkabô okitie waô ôsaba n’eyanza évôni gôndé ahngô. Ahsikuya wetso. Géé ti môgeto noo, g’ôsugee wedi akuyi ti éetso. Asisanéa na sôma.

Jean 8:20

Jésus amavovo mabégô mema andé gôéékéda gô eba aNzambé. Amabaka va kôbangô eegaa émakuyu dode yadibiia. Gôsibé môma amamôtsôpani gôébégô ndéône yedi émabaka madeo ésibuéa.

Mayanzame 11:29

Aneengie amavangana anguene gôéwedéa akaô. Angô mbe: We muetso, môma na môma tôngeetsa éne éndéké n’asô gôékudégéa ana aTéta asi mbumu éaNzambé adigaa gô Judée.

II Corinthiens 8:12

Okô môma eetsa géenza gébé na ninga, Nzambé asinga géne géetsiôni. Nzambé asabono éne ésaba na môma gôéétsa. Abono te éne éndé na môma mbe eetsa éangô.

II Corinthiens 8:2

Asi mbumu éaNzambé gô Macédoine amakanégu na maguga mameenahngô. Ivô gô tsina amaguga maô andé na gényônga gévôni, na ahkaba éne éaô éetso gébé na guma, buéyé mbe gandé ahngô misuga.