Marc 12:29 - New Testament in Mitsogo

²⁹ Jésus amamôaabéa mbe: Oeni, môtôma ôôtéani te ôdôô. Oôkôni anye ana aIsraël. Kumu asô Nzambé, te Nzambé épo ésaba gégoni.

Marc 12:29 Iomraidhean Croise

Matthieu 10:37

One anyôngéô me, na angô ootéa ényôngéô yeedi na tétedi asaba kuanakue gôétetu mbe mômami. One anyôngéô me, na angô ootéa ényôngéô muanedi amômôgôô na muanedi amôgeto, angô kaka mômami.

Matthieu 23:9

Nônamekeda môma atsengene mbe: Téta, gôébégô nôsaba na nyene tétee. Tétanyô te ône andé g’ôba.

LUC TSANGO EAMOSOBA EMATENDA 10:27

Mômôgôô nône amaabéa Jésus mbe: Natangi mbe: Nyôngéô te Kumu Nzambé éoo na môtémoo wetso na matasa moo metso na ngudi yoo yetso na gédidi soo setso. Na dôta, nyôngéô môkoo ganyôngéô éwe ôtô omuene.

Romains 3:30

Gôébégô Nzambéne te épo na koo. Nzambé eena Ajuif ti eembe asaba n’oési te veetsahngô Jésus mitéma miaô gémôtsumé paga. Gôndé ane asaba Ajuif te mônongovo. Nzambé eena ahngô ti eembe asaba n’oési te veetsahngô Jésus mitéma miaô gémôtsumé paga.

I Corinthiens 8:4

Ebégôe étôbuta émenyani te éangôéé. Nyama émadeekedu mbumba ?wa n’anyô tôngoongôa éaa yangô‐a? Tôsabômu mbe mbumba ésaba sôma gédôngani sangudi gô tsengene. Gôndé te Nzambé épo na koo.

Galatie 3:20

We tôsabômu mbe Nzambé te môvo. Tambô môma môvo asabuta gékambi. Evéndégéô mbe Nzambé amabuta gékambi te gômabaka angô na ene.

I Timothée 1:5

Ene ébutu gô môtômee ôngatômewe ahngô te mbe ahngadigaa gô étondo éapie. Na éangô ékusa go môtéma ômagôgéani na môtémee ôseesédu na muangee wedi. Na étondo ékusa dôta go môtémee ôsatsuma Nzambé paga.

I Timothée 2:5

Ebégô éapie te édué. Gôndéké Nzambé épo na koo. Na va gatse oma na Nzambé gôndéké môsungéyi môvo na koo, te ône amakoga môma inedi Jésus‐Christ.

Jacques 2:19

Ewe mbe: Nzambéne te épo. Buéyé édidi ébévani ésabômu mbe Nzambé te épo. Na édidie éangô étatéa Nzambé.

Jude 1:25

Amuene te Nzambé asaba na gégoni. Ooboo wa n’anyô gô ngudi yaKumu asô n’anyô Jésus‐Christ. Ondômbee wetso na ôkumakee wetso na ngudiye, n’enyangee émabaka n’edi na mbeego, na éndéké n’edi deo noo na éngaba n’edi môbô na môbô gékôdéé. Amen.