Marc 12:24 - New Testament in Mitsogo

²⁴ Jésus amaabéa angô mbe: Anye nôbômu. ?Gôébégô ndé me navovi mbe anye nôbômu‐a? Te gôébégô anye nôsamenya Matendeo MaNzambé. Buéyé na ngudi yaNzambé nôsamenya yangô.

Marc 12:24 Iomraidhean Croise

Matthieu 22:29

Jésus amaabéa ahngô mbe: Anye nôbômu te gôsamenyanye Matendeo maNzambé na gôsamenyanye ngudi yaNzambé.

Marc 10:27

Jésus amabono ahngô. Amavovo n’ahngô mbe: Gô ngudi yamôma amuene gôédiia géobogeo, géndégégé. Buétsé te gô ndugi yaNzambé. Amuene Nzambé asadagéô ta n’ebégô évo.

Marc 12:23

Gô nyee ôngakunduga ane amawani ?môgeto nône angaba waanda? Bonoko, muetso tsambué ahmamana émôbaa.

Marc 12:25

Bangôani mbe vangakunduga ane amawani amôgôô n’ageto gôsangabadô yômba. Angadigaa gadigaa asi g’ôba ayanzi aNzambé.

LUC TSANGO EAMOSOBA EMATENDA 1:37

Bangôa mbe gôndé Nzambé gôsaba ébégô ésangeendégégéani.

Jean 20:9

(Emabaka te aneengie aJésus madeo asinigôgéô éne évovo Matendeo MaNzambé mbe: Jésus angakunduga g’ôwa.)

Jean 5:39

Anye nôvasa Matendeo MaNzambé, nôbuta édiia monyoe amôbô na môbô ôtasanye mbe ôndé gô mangô. Tambô mangô te mbangi énigôa gôndé me.

Mayanzame 17:11

Mitéma miasi Bérée misibaké gandé mine miasi Thessalonique. Asi Bérée amanyôngéô éôkô Mane Mamavovo Nzambé, ti nyôngéô. Pitsi yetso amavasa Matendeo MaNzambé gôéwanyeda meekédume maPaul na mane mamatendu na mbeego, ôkô mbe mandé te kuanakue.

Romains 15:4

Metso matôtanga gô Matendeo MaNzambé mamatendu mbeego gôétôékéda. Gômbe tôngaténdéda na môvinéné mane mookô we gô Matendeome. Mangô makasôgéda we.

Ephésiens 1:19

Na mbe nôngeena ngudi yedi dimootéani disaba n’okana dindéké deo noo gôndé wa n’anyô tôsatsuma angô paga. Ngudiye yaNzambé dine,

Philippiens 3:21

Angakoa yôtô yasô n’anyô yava tsina disaba na tsoongo mbe digono na ône wedi ondômba ôndé na tsoongo. Angadikoa gô ényangee éndé n’edi. Enyangee éne te éne émasugédangô éôma yetso na gô tsina amatambé medi.