Marc 10:33 - New Testament in Mitsogo

³³ Angô mbe: Oôkôni édué. Wa n’anyô tôkea na gô Jérusalem. Te gône gôngakabô me Muana Amôma, na gôndé tsesu yadeekedi adigondoku n’anigôi amige miaNzambé. Nangeesédu gôéyôhu. Nangadeekedu na gôndé oma ahsavamba na Nzambé.

Marc 10:33 Iomraidhean Croise

Matthieu 16:21

Bandôa nyoone Jésus amapandôéda aneengi edi na vede mbe: Engaba mbe me nangakea na gô Jérusalem gôngeena me maguga mamootéani. Peeye na tsesu yadeekedi adigondoku, n’anigôi amige miaNzambé angatseda me. Nangayôhu. Gô mbene apitsi dibaé, éne éamôtatô nangakunduga.

Matthieu 26:66

?Nônyôngéô nayee? Na muetso amaabéa mbe: G’ôési edi ôvôni awa te wakaga.

Matthieu 27:2

Amakata Jésus gésengo na amakea n’edi na gôndé Pilate môtômine atsenge.

Marc 14:64

Anye nôôkiô gaabéyi angô, eenza Nzambé. ?Nônyôngéô nayee? Na muetso amasinganéa mbe gô ôésie wedi ôvôni awa te wakaga.

Marc 15:1

N’ongôngôe wetso, tsesuye yadeekedi adigondoku amaduga tungu épo na peeye, n’anigôi amige, n’asi kundu épôni éAjuif gôésevoa môsônda gôékatéda Jésus. Ahmakea n’edi gôéétsa angô gôndé Pilate, môtômi atsenge.

Marc 8:31

Na vane Jésus amabandôa éékéda aneengie mbe: Engaba mbe me, Muana Amôma nangeena maguga mamootéani. Peeye na tsesu yadeekedi adigondoku n’anigôi amige miaNzambé angatseda me. Nangayôhu. Gô mbene apitsi dibaé, éne éamôtatô nangakunduga.

Marc 9:12

Jésus amaabéa mbe: Okô mbe éendéké gavovo anigôi amige mbe te Elie angapanga étsigani gôénikéa ékônza mabégô metso tambô ?nayee Matendeo MaNzambé mabeenda mbe me, Muana Amôma nangatubédu n’oma maguga mavôni na gékuanô?

Marc 9:31

Gôébégô angô amabaka gôénigôa aneengie mbe: Me, Muana Amôma nangakabô na gô mogo moma angayôha me. Nangawa. Gô mbene apitsi dibaé, éne éamôtatô nangakunduga.

LUC TSANGO EAMOSOBA EMATENDA 23:21

Muetso amaadôngana mbe: Yôhani angô. Komedani angô gô gésumu sowa.

LUC TSANGO EAMOSOBA EMATENDA 9:22

Jésus amoomba mbe: Engaba mbe me, Muana Amôma nangeena maguga mamootéani. Peeye na tsesu yadeekedi adigondoku, n’anigôi amige miaNzambé angatseda me. Nangayôhu. Gô mbene apitsi dibaé, éne éamôtatô nangakunduga.

Jean 18:28

Oma amanôtôga na Jésus gô eba aCaïphe, pene adeekedi adigondoku. Amakea n’edi na gô eba amôtômine atsenge atsundéda oma. Emabaka n’ôngôngôe wetso. Ajuif asiengéé anguene gô ebee ône kabaga ookua mige na kabaga asabôngama gôéaa suetine éaPâque.

Jean 18:32

Gô ébégôe édué gômeenanô mavovia maJésus mamônongoe owa ôngawa angô.

Jean 19:11

Jésus amanigôa angô mbe: Mbeka Nzambé agôétsa ényanga éviga g’ôba, éwe mbe ôsoongôa étôma me. T’ebandô ône akabi me na gô mogo moo, ébévee éedi éotéa n’ene éoo.

Mayanzame 13:27

Te asi Jérusalem na peeye yaô ahsibangôé mbe Jésus ôdôô te ône amasevou na Nzambé. Asiôkô mabégô mamatenda apandôédi amatasa maNzambé. Tambô mabégôme mane te mangô matangôni gô pitsi yetso yedunda. Na mabégôme mamadugédu vameeséda ahngô Jésus mbe: Ayôhu te yôhgu.

Mayanzame 20:22

N’atsatsee me nakea na gô Jérusalem gatômu me na Gédidi SaNzambé mbe: Kea. Me tsamenya éne engadenga me gône.

Jacques 5:6

Nômeeséda ane asibé n’oési na nômayôha ahngô gébé n’oési. Ahngô ahsanôkina.