Marc 10:14 - New Testament in Mitsogo

¹⁴ Vamookô Jésus nane asiene buedi na amavovo n’aneengie mbe: Tsikani anee avigéké na gôndé me. Nômbioobma édékéda ahngô. Okumu aNzambé ôndéké gôndé muetso andé mônongo ône.

Marc 10:14 Iomraidhean Croise

Matthieu 18:10

Nôwema kabaga nôbévéda muana, buéyé mbe agébaka môgemôge. Muana na muana andé na môsi g’ôba môyanzi aNzambé gôésungéa angô na pitsi n’omanda va mbene aTéta, ône andé g’ôba. [

Matthieu 18:4

Pene ag’ôkumu aNzambé te ône aasugéda amuene gébé na bôpeeo gôéba ga muanéngé.

Matthieu 19:14

Jésus amavovo mbe: Tsiikani anee avigéké na gôndé me. Nômbioomba édékéda ahngô. Okumu aNzambé ôndéké gôndé muetso andéké g’anéngé adua.

Matthieu 5:10

Ti gô gényônga géndé n’anye nôtubédu gékuanô veendanye éne ényôngéô Nzambé. Okumu aNzambé ôndéké gôndé anye.

Matthieu 5:3

Ti gô gényônga géndé n’anye nôsabômu mbe mitéma mianyô mindé g’ôsuga. Okumu aNzambé ôndéké gôndé anye.

Marc 3:5

Te vane Jésus amabono ahngô n’opisa. Ameena panda gô disôba yamitéma miaô. Amavovo na gékonzoge mbe: Konyoko ôgogoe woo. Amookonyo na ômadônga.

Marc 8:33

Ivô Jésus amanikéda misome na gôndé aneengie muetso. Amakangéa Pierre mbe: Nôtôga na gôdagoda n’ami, Satan. Ewe ôsatasa éne ényôngéô Nzambé. Otasa te éne ényôngéô oma.

Jean 3:3

Jésus amasiia n’edi mbe: Nagôbeenda na gô pie mbe, ôkô môma asibôtu ôbôtu amôbaé, ône aGédidi SaNzambé, asangoongôa émenya mbe ôkumu aNzambé ôndéké.

Jean 3:5

Jésus amamônikéda mbe: Me nagôbeenda na gô pie mbe: ôkô môma asibôtu na meba, na Gédidi SaNzambé, asangatsôkéa ôtômue aNzambé na mateme medi.

Mayanzame 2:39

Menyani mbe vamavanga Nzambé gôétôétsa Gédidi sedi amavanga gôndé wa n’anyô na gôndé ana asô n’anyô, na gôndé muetso adigaa gô tsenge ditongoni. Endé gôndé muetso angabambéôni na Kumu éasô n’anyô Nzambé.

Mayanzame 3:25

Divangaye yamisôba dimavanga Nzambé na wa n’anyô g’ôgi apandôédi amatasa medi dindéké gôndé anye. N’anye nôndé dôta gô évamba émavambéda Nzambé na peeye yasô n’anyô vamavanganangô n’Abraham mbe: Nangeetsa mate gôndé mongome metso mava tsina te gô ina éanoo.

Romains 11:16

Okô gébéndéké samôpemba gépanga ékitsôni gédeekedu na gôndé Nzambé, tambô na môpembee wetso ôkitsiôni ta aNzambé. Okô mitambamie miegéétété mideekedu na gondé Nzambé, tambô na mitabémie mietso te miaNzambé.

Romains 11:28

Gôénôyuua g’ôpisa aNzambé gô ndéô nedué, Ajuif aka adudeo aNzambé gôébégô amakina Tsangô éedi Eamôsôba. Ivô gô ngudi yatétee yaô, Nzambé anyôngéô Ajuif na amasevoa ahngô.

I Corinthiens 14:20

Ana aTéta n’ami gô mabégô mema nômbiaba gandé anéngé asamenya éne éénda ahngô. Gô mabégô mabévani bakani g’anéngé asamenya évanga mangô. Géé gô mane mamisôba bakani oma oodini gôéénda mangô.

I Corinthiens 7:14

Ekegea te nane. Mômôgôône asivambé na Jésus awesedu na gôndé Nzambé gôétsimamédu n’edi gô vitoone éndé angô na môgayedi, môma aChrist. Na môgetone asivambé na Nzambé awesedu na gôndé Nzambé gôétsimamédu n’edi te gô vitoone éndé angô na mômiedi, môma aChrist. Mbeka mbe nane anaô mbe andé gôdagôda na Nzambé, tambô na anaô andé atsimamédu na Nzambé.

Ephésiens 4:26

Okô nôôkô ôpisa nôwema kabaga nôkuésédu na angô gô mabégô mabévani. Nômbiadigaa n’opisa môsee amôbongo.

II Timothée 1:5

Natanganéda gameetsewe Nzambé môtémee woo wetso gémôtsumé paga. Mônongovo gamadeekeda yoo Eunice na yeene ayoo Loïs, mitéma miaô na mbeego. Tsabômu mbe anye n’ahngô, mabégô maNzambé mandéké gô mitéma mianyô te mônongovo.

II Timothée 3:15

Bandôa g’ôanéngée woo ômeekédu Matendeo MaNzambé na te mangô mandé na ngudi gôétsa éodo évôni. Eodoe éne ébuéda môma gô géobogeo gédiiangô veetsangô Jésus‐Christ môtémedi wetso gémôtsumé paga.

I Pierre 2:2

Ganyôngéô muana av’ebene anyôngéô ôbuba, anye nyôngéôni mônongovo mabégô maNzambé metsimama gômbe vanganyua anye mangô nôngavunda gô géôbogeo.

Gétsutsuéô 14:5

Gôndé ahngô madeo gôsiôkanô éoboe. Ahsaba n’oési ta n’ovo.