Marc 10:1 - New Testament in Mitsogo

¹ Jésus amatimôga gômabakangô. Amakea na gô tsenge éaJudée. Amaabôga na gô dipo tsényé yaJourdain. Eômbé éyékani émaviga na vandé angô. Jésus ameekéda ahngô geekédangô na mbeego.

Marc 10:1 Iomraidhean Croise

Matthieu 26:55

Jésus amavovo na géômbége mbe: Anye nôviga gôétsôpa me na mabaga na péndé. ?Nômenya mbe me môsi môkôbé‐a? pitsi yetso namabaka n’anyô gô eba aNzambé gôéékéda anye, n’anye nôsitsôpé me. Tambô me, kaka môsi môkôbé.

Matthieu 4:23

Jésus amakénga gô Galilée nyetso. Ameekéda gô yeba yewanyéô. Ameekéda Tsangô Eamôsôba éokumu aNzambé. Amadôngéda oma amabaka na mabeea maminongo mietso.

Marc 1:21

Ahmakea na gô môsenge ôéndô mbe Capernaüm. Gô nyee edunda Jésus asidingé ékea na gô eba agéwanyéô sAjuif. Gômeengéa angô, ameekéda.

Marc 10:2

Avo Apharisien ahmawesea na vandé Jésus gôémôtambéa pagô na nyivôye gôémôkubéda. Ahngô mbe: ?Gô mige mimakitsô mbe mômôgôô géyôhé yômba‐a?

Marc 12:35

Vameekéda Jésus gô eba aNzambé amabambéa nyivône éne. Angô mbe: ?Nayee anigôi amige miaNzambé avovo mbe Christ te Muana aDavid?

Marc 14:49

Pitsi yetso namabaka n’anyô gô eba aNzambé gôéékéda anye. N’anye nôsitsôpé me. Tambô me kaka môsi môkôbé. Mabégôme metso éma te mane mookanô gô Matendeo MaNzambé mbe éngaba te nane.

Marc 2:13

Jésus amoomba ékea na gô kôbangô amubu. Géômbége setso gémaviga na gôndé angô. Na Jésus ameekéda ahngô.

Marc 4:2

Ameekéda ahngô pingô yamabégô gô tsava.

Marc 6:2

Gô nyee edunda ameekéda gô eba agéwanyéô sAjuif. Ayekani amookôni amasôbasôbana mbe: ?Oô mômôgôô aviga gôni na ôô mônongo amabégô? ?Oô môma amenya mane mabégô vita nayee? ?Ngudiye ditsigéda mabégôme manyônganéôni masoongôa môma énigôa, dindé nayee?

Marc 6:34

Vamasutuméa Jésus gô mbôngône ameena géômbége géndé na ndaanda. Jésus ameena ahngô ngeba. Ameena ahngô ga mandombo masaba na môkeneyi. Na ameekéda ahngô mabégô mayekani.

Marc 6:6

Jésus amasôbasôbana mbe: ?Omeaa agétsumaka me paga nane nayee? Vane Jésus amakea éékéda gô dipo mbôka yagô kôbangô.

Jean 10:40

Jésus amakea na gô dipo tsényé yambéne ééndô mbe Jourdain. Te tungune émabatésa Jean oma va mbeego. Jésus amadigaa wangô.

Jean 11:7

Vane amavovo n’aneengi edi mbe: Okani. Tônikéni na gô Judée.

Jean 18:20

Jésus amamônigôa mbe: Mane mameekéda me, namamavovo v’ekanga va mbene oma muetso. Nameekéda mangô kuka yetso gô yeba yewanyéô na gô yeba yaNzambé gôwanya Ajuif muetso. Me tsivové éav’esooe.