Marc 1:31 - New Testament in Mitsogo

³¹ Vamawesea Jésus na vandé angô amamôtsôpa g’ôgogoe. Amamôtimôa. Tsina na tsina môgeto nône amadônga na amaambéa ahngô.

Marc 1:31 Iomraidhean Croise

Matthieu 27:55

Gômadenganô n’avo ageto ahndé gôdagôda ahmabono Jésus. Ahngô muetso ahmakea na Jésus géômbé gévo bandôa gô Galilée gôéyanzéa angô.

Marc 1:30

Jésus amabeendu mbe: Ogoyi aSimon ogeto te angône andé yama na beeagane, ookô nzônzônzô.

Marc 1:32

Na dikoo kômbéne émapénda, abeeyie muetso n’oma ahmatômu na édidi ébévani ahmatsuaô na gôndé Jésus.

Marc 15:41

Ahngô muetso ahmakea na Jésus géômbé gévo, bandôa vamabakangô gô Galilée gôémôyanzéa. Na gômabaka ageto ayekani ahngô dôta ahmakea n’edi na gô Jérusalem, ahmadenganô va tungune éagésumuge sowa.

Marc 5:41

Jésus amatsôpa muanee g’ôgogoe na ameenda angô mbe: Talitha Koum. Evéndégéô mbe muana, me nagôénda mbe: Timôga.

Mayanzame 9:41

Pierre amamôtsôpa g’ôgogo na amamôwedéa gôétema môtie. Pierre amabambéa ane ameetsa Jésus mitémamie mbe: Ingéani. Nôeni gôkundugi môkanyô.