Marc 1:27 - New Testament in Mitsogo

²⁷ Oma muetso ahmasôbasôbana na ahmeevôana mbe: ?Eyéni‐éé? ?Odôô te wene mônongo ameekédu‐a? Atômaka ti n’edidi ébévani n’enyanga évôni na éangô dôta émôgobeda. Weniô.

Marc 1:27 Iomraidhean Croise

Matthieu 15:31

Oma amatsapéô vameenahngô asi dibôbô avovo, na asi dipôpéa aka na ngudi, n’ekonzo akea anguene, n’asi pogu eena. Muetso amakuméda Nzambé, môkenene aIsraël.

Matthieu 8:9

Me dôta nandé gô tsina otômu apeyami. Na me, nandé na migode g’ôtômue wami. Natôma môvo mbe: Kiaka. Akea. Natôma môvo mbe: Viga. Aviga. Natôma môvanzi ami mbe: Inda nani. Angô eenda.

Matthieu 9:33

Vamapatsa Jésus gédidige géne, môsi ôbôbô amabandôa évovo. Géômbége setso gémasôbasôbana mbe: We gô tsengene nyetso éaIsraël, madeo tôsiena nani.

Marc 1:26

Sangô gémaginya môma nône ga môma abeea tsiiga. Gédidige gémaamugana môndônga na gémakusa.

Marc 1:28

Tsina na tsina tsangô éenyangedi ématsanzabana gô Galilée nyetso.

Marc 10:24

Aneengie amatsapéô gô mavovia mema. Na Jésus amapandôéda mbe: Anami, éndé ti édagani gôndé môma eetsa môtémedi g’ôkitie gôéengéa g’ôkumu aNzambé.

Marc 10:32

Jésus n’ane amabaka n’edi ahmakea gô nzéa étsiga na gô Jérusalem. Jésus amoota gô mbene. N’aneengi edi ahmakebanganakani ahmaviga gô ngima. N’avo ahmabaka va ngima aô ahmookô gomo asinyôngéô émôévôa nivyô. Jésus amoomba éweseda aneengi edi nzima n’abaé gôévovo n’ahngô mane mangabuéa gôndé amuene Jésus.

Marc 16:5

Ahmeengéa na gô ngiine éamôdungutu. Wangô ahmeena môma andé ga mônzambu andé digaa géeyo gémôgôô, aata gédénga savee. Agetoe ahmookô mangongo ahmakuadima.

Marc 16:6

Mômane amabeenda ahngô mbe: Nôneena gomo. Anye nôbuta Jésus môsi Nazareth, ône akomediôkô va gésumu sowa. Akundugi. Asabadô éva. Bononi. Aanakani tungune égunyiôkô angô.

Marc 7:37

Oma ahmasôbasôbana ti sôbasôbana. Amavovo mbe: Metso meendangô, mandé ti mamisôba. Akukua ndiba na môma ookô. Anôtôa n’obôbô na môma avovo.

LUC TSANGO EAMOSOBA EMATENDA 4:36

Muetso amatsapéô na ameevôana anguene n’anguene mbe: ?O te wene mônongo ameekédu-a? Mômane ôdôô atôma édidi ébévani ti n’enyangee na ngudiye, na éangô te kusaga.

LUC TSANGO EAMOSOBA EMATENDA 9:1

Jésus amakôkanganéda aneengi edi nzima n’abaé. Ameetsa ahngô ényanga na ngudi gôétôma édidi ébévani. Ameetsa ahngô na ngudi gôédôngéda mabeea metso.

Mayanzame 17:19

Amakea na Paul na gô gétunge saô gémeendô mbe Aréopage gômadigaa peeye yambôka gôékônza mabégô maô. Ameevôa Paul mbe: Nigôani we mane mamanza meekédewe ?makegea nayee?