Marc 1:24 - New Testament in Mitsogo

²⁴ ?Jésus môsi Nazareth ôbé nayee n’asô? ?Omaviga gôédimbanéda we‐a? Me tsabômu mbe éwe te Muana Amatsimamani ômakudégu na Nzambé.

Marc 1:24 Iomraidhean Croise

Matthieu 2:23

Amadigaa wangô gô mbôka étetu mbe Nazareth. Va mbeego môpandôédi amatasa maNzambé amabeenda mbe: Angatetuku mbe môsi Nazareth.

Matthieu 8:29

Amôgôôe ane amaadôngana mbe: ?Ewe Muana ANzambé ôbé nayee n’asô? ?Tambô ôvigi gôésiséda we ndéône madeo ésibuéa‐a?

Marc 1:23

Tsina na tsina gô eba agéwanyéô gômeengéa mômôgôô andé na gédidi gébévani. Amaadôngana mbe:

Marc 1:25

Jésus amadékéda sangô mbe: Kôda vane. Kusa gôndé môma nône.

Marc 10:47

Vamookô Bartimée mbe ône ootini te Jésus môsi Nazareth, amamôbambéa mbe: Ewe Jésus, Muana aDavid eena me ngeba.

Marc 14:67

Ameena Pierre andé digaa gôéôkô épiô. Amamôbono na nzôô. Amavovo n’edi mbe: N’ewe ômabaka na Jésus, mômôgôône agô Nazareth.

Marc 16:6

Mômane amabeenda ahngô mbe: Nôneena gomo. Anye nôbuta Jésus môsi Nazareth, ône akomediôkô va gésumu sowa. Akundugi. Asabadô éva. Bononi. Aanakani tungune égunyiôkô angô.

Marc 5:7

Amavovo n’ogi agô ngongo mbe: ?Obé nayee n’ami, éwe Jésus Muana ANzambé ône amôbô na môbô? Nagôgondo ti na kokoo gô ina aNzambé, ôneetsa me tsôgôô.

LUC TSANGO EAMOSOBA EMATENDA 1:35

Môsi g’ôba amamôaabéa mbe: Gédidi SaNzambé géngaviga na gôndé éwe na ngudi yaNzambé dingapika éwe ga ôbôngé. T’ebandô muanee angabôtewe angatetu mbe, One amatômu na Nzambé, na dota Muana ANzambé.

LUC TSANGO EAMOSOBA EMATENDA 24:19

Jésus angô mbe: ?Ene yebégô ndé? Ahngô amamônigôa mbe: Ebégôe te éne éaJésus, môsi Nazareth. Amabaka môpandôédi amatasa maNzambé na amayanzaka mabégô mamisôba va mbene aNzambé na va mbene oma.

LUC TSANGO EAMOSOBA EMATENDA 4:34

?Ah Jésus môsi Nazareth ôbé nayee n’aso? ?Omaviga gôédimbanéda wea? Me tsabômu mbe éwe te Muana Amatsimamani ômatômu na Nzambé.

LUC TSANGO EAMOSOBA EMATENDA 8:28

Vameenangô Jésus amaamugana na amagudama va makôdô medi. Amavovo n’ogie agô ngongo mbe: ?Obé nayee n’ami? éwe Jésus muana ANzambé, kumu épôni ag’ôba. Nagôgondo, kokoo yewe ômbieetsa me tsôgôô.

LUC TSANGO EAMOSOBA EMATENDA 8:37

Vane oma muetso asi tsengene éaGérgéséne amookô gomo na amagondo Jésus mbe: Nôtoga gô tsenge éasô. Jésus amapeka gô mbôngône mbe akiaka.

Jean 6:69

We tômani éena mbe éwe te ône amasevou na Nzambé na amatômu n’edi na gô tsina. We tômani égôétsa mitéma miasô.

Mayanzame 2:27

Gôébégô éwe Nzambé, ôsangeeba gédidi sami gô tsenge éane amawani. Osangasinga mbe ôtôe amômane woo amatsimamani ôboo.

Mayanzame 24:5

?Oeni mômôgôône ôdôô-a? Angô te môma agéyoongi. Aseendô gôéyungéda Ajuif muetso gô tsengeye yetso yava tsina. Angô te pene agéômbé sAjuif gééndô mbe Nazaréen.

Mayanzame 3:14

Anye nômatôna ône amatsimamani agébé n’oési mbe ayôhu. Nômaduka Pilate môsi môkôbé mbe anzeegedu.

Mayanzame 4:27

Ah Nzambé, te gô môsenge ôdôô mbe Hérode na Ponce Pilate amavanga gépangô na mavo mongo na mabôta metso maIsraël. Amavangéa gépangô gôndé Jésus, môyanzi oo amatsimamani, ône amasevoa éwe.

Jacques 2:19

Ewe mbe: Nzambéne te épo. Buéyé édidi ébévani ésabômu mbe Nzambé te épo. Na édidie éangô étatéa Nzambé.

I Jean 2:20

Géé ti gôndé anye, nômeengéô na Gédidi SaNzambé géne gémapika Christ gôndé anye. T’ebandô anye muetso nôsabômu mane mapie.

Gétsutsuéô 3:7

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Philadelphie. Oôkéôni ndongiye divovo ône andé Amatsimamani, te angô Kumu amabégô metso mapie. Na angô te asumbéda môsapie aDavid môtômi atsenge. Angô Amatsimamani akukua na gôsaba môma angôôkukégani. Angô abandéka na gôsaba môma angôôkukégani.