Marc 1:15 - New Testament in Mitsogo

¹⁵ Amavovo mbe: Ndéône ébuéyi. Okumu aNzambé ôka gôpégôpé gôénôoboo. Koani mitéma mianyô gôéba wene mônongo oma. Itsani mitéma mianyô gô Tsangône Eamôsôba édué.

Marc 1:15 Iomraidhean Croise

Matthieu 10:7

Gôkeanye ikédani na nigôani mbe, ôkumu aNzambé ôweseyi na gôndé wa n’anyô.

Matthieu 3:2

Ameekéda mbe: Koani mitéma mianyô mbe nôngaba wene mônongo oma gôébégô ôkumu aNzambé ôweseyi na gôndé wa n’anyô.

Matthieu 4:17

Va géyénzage géne Jésus amabandôa éékéda. Amavovo mbe: Koani mitéma mianyô gôéba wene mônongo gôébégô ôkumu aNzambé ôweseyi na gôndé anye.

LUC TSANGO EAMOSOBA EMATENDA 10:11

Buéyé ébisi éatoto éambôkane éanyô, we tôduméda éangô gô makôdô masô. Ivô menyani mbe éébéyéé nane, ôkumu aNzambé ôweseyi na gôndé anye.

LUC TSANGO EAMOSOBA EMATENDA 10:9

Dôngédani ane angadenganye abeeani. Nigôani kumu yambôka mbe: Okumu aNzambé ôweseyi na gôndé anye.

LUC TSANGO EAMOSOBA EMATENDA 24:47

Tsangône éedi éngatsuaô na gô tsengeye yetso gôéékédu te gô ngudi yainedi, bandôa gô Jérusalem. Tsangône éedi te mbeea éazambé ébambéa angô oma gôékoa mitéma miaô na mônongoe waô, gôsingéô ahngô na Nzambé kokoo gô ébévee éaô.

Mayanzame 20:21

Namabambéa Ajuif na ane asaba Ajuif na mbeene éaNzambé mbe: Koani mitéma mianyô gôéba na wene mônongo. Géngôgani na gôndé Kumu Nzambé. Istani mitéma mianyô na gôndé Kumu Jésus-Christ gémôtsumé paga.

Romains 16:26

Ivô ndéô nedué ématsutsuu na v’ekanga va miso moma gô mane mamatenda apandôédi amatasa maNzambé. Na vane Nzambé Amôbô na Môbô ameetsa ôtômu mbe éne émavanga angô gôndé oma éngatsuaô na gô tsenge yetso gômbe oma muetso angookô na angeetsa mitéma miaô gôégôbeda Nzambé gémôtsumé paga.

Galatie 4:4

Ivô vamabuéa ndéône, Nzambé amavovo mbe: Muanami kiaka. Ongabôtu na môgeto. Ongagobeda mige migobeda Ajuif.

Ephésiens 1:10

Amuene Nzambé angadugéda v’ekôdéô atsinane étasee éndé n’edi. Etasee éedi na nzéane yedi te mbe: Nangakôkanganéda mane mag’ôba metso na mane magô tsina metso g’ôtômu amôsi ényangee môvo, te Christ.

I Timothée 2:6

Angô amadeekeda monyoe wedi amuene gôévana oma muetso mbe ahkusa g’ôvéga amane mabévani. Gô éne émeendangô gô ndéône émakônza Nzambé, tôena mbe Nzambé amanyôngéô ti na gô pie mbe akuséda oma g’ôvéga.

Tite 1:3

Gô ndéône émanyôngéô amuene amatsutsuéda wa n’anyô monyoe ône te gô ngudi yôgie wedi. Angô te meekédume manigôa me g’ôtômu aMooboyi asô n’anyô Nzambé.