Gétsutsuéô 1:9 - New Testament in Mitsogo

⁹ Oô te me, muana aTétee n’anyô Jean. Gôndé wa n’anyô môvo na Jésus, nawanya n’anye gô maguga meena wa n’anyô. Nandé môvo n’anyô dôta gôéenéa ôkumu aNzambé na môvinéné. Atômi atsenge amaaganéda me n’omami na mbôkami. Namakedu na gô nengé étetu mbe Patmos te gô tsôgôô émeetsô me gôébégô nameekéda Mane Mamavovo Nzambé, mangô mandé mapie mamatévédu me na Jésus.

Gétsutsuéô 1:9 Iomraidhean Croise

Matthieu 20:23

Jésus angô mbe: Ii, na gô pie nônganyua gébunguge géngangyua me. Ivô gôndé me gôénôsevôéa édigaa, vo géeyo gégeto vo géeyo gémôgôô, ésaba gôndé me. Tunguye dindé yane amakônzéô yangô na Nzambé.

Marc 10:39

N’ahngô ahmaabéa mbe: We tôngoongôa. Jésus angô mbe: Na gô pie anye nônganyua gébunguge génganyua me. Na nôngeenôô batemene éngeenôô me.

Jean 16:33

Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.

Mayanzame 1:15

Ovo enyaa ône ane ameetsa Jésus mitémamie amawanya vavo. Amabaka ôkana amôkama na nzima dibaé yoma. Pierre amatema va gatse aô. Amavovo n’ahngô mbe:

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Romains 8:17

Tôndéké ana apie aNzambé na tôngadiia mikuanyamie mimakôkéga angô gôndé omedi. Okitie wetso ômeetsangô Jésus-Christ, ôndé te asô n’anyô. Okô tôbé môvo n’edi gô maguga, tôngaba dôta môvo n’edi g’ôndômba.

Romains 8:25

Ivô vatôténdéda éne ésatôenani, tôenéa éangô na môvinéné.

II Corinthiens 1:7

Vane we tôndé ti na gényônga gôndé anye gôébégô vagésangananye maguga mavo n’asô, anye nôngagésangana dôta évo n’asô gô éne ésipédu we.

Philippiens 1:7

Gényôngage géôkô me gôndé anye, kaka sabobo. Géndé n’ebandô. Anye nôndé pepe gô môtémami gôébégô anye nômagésangana n’ami gésoo gévo gémeetsô me na Nzambé. Anye nôndé n’ami nane, buéyé mbe gandé me n’atsatsee gô eba atsôgôô, buéyé mbe gamabaka me gébé gô tsôgôô, namabaka gôésungéa na gôéékéda Tsangô Eamôsôba, n’anye nômabaka n’ami môtémovo.

Philippiens 4:14

Buéyé nane, nôéndi ti éamôsôba gôégésangana n’ami gô maguga mami.

II Thessaloniciens 3:5

Tônyôngéô mbe Kumu Jésus aweseda mitéma mianyô gôévamba na vitoo na Nzambé. Na mbe ayuéséda mitéma mianyô n’obibô ôviga gôndé amuene Christ.

II Timothée 1:8

Nigôa na bôkédé ômbanza aKumu Jésus, gébé na tsoyi. Ombieena tsoyi, tsangô mbe me Paul nandé gô tsôgôô gô inedi. Ene éôtéa ényepani te mbe n’ewe muetso ôsinga magugame matubédu éwe gô Tsangô Eamôsôba éaJésus‐Christ. Amuene Nzambé angagôétsa ngudi gôésipa.

Hébreux 10:36

Buedi mbe nôyanza na mavôma mane manyôngéô Nzambé. Vane nôngadiia éne émavanga angô gôndé anye.

I Pierre 5:1

Natenda ndongi yedi gôndé anye nôndé peeye yenyanga gô mbumu éaNzambé. Me nandé payi gandé anye. Me nandé mbangi gô maguga mameena Christ. Me nangadenga ôkabô g’ôndômba ôvigani.

Gétsutsuéô 1:1

Gô gésangô gegé nôngookô tsangô éamane mamatsutsua Jésus‐Christ. Nzambé amasingéa Jésus‐Christ gôétsutsua mangô gômbe angatévéda ayanzi edi mane mangabuéani. Amakudéga môsi g’ôba na gôndé môyanzi edi Jean, gôémôtévéda mabégô mema.

Gétsutsuéô 1:2

Jean amatenda metso mameenangô na mamookô angô gôénigôa tsangô éamaviga gôndé Nzambé. Te mabégô mapie mamatubédu angô na Jésus‐Christ.

Gétsutsuéô 1:4

Oô te me Jean nanôtendéa anye asi mbumu éaNzambé gô mbôka tsambué gô tsenge étetu mbe Asie. Te mbe mate na gétabé gébaké gôndé anye. Eetso éne nôédiia te gôndé Nzambé. Angô amabakani, na andéké, na te angô angavigani. Nôédiia te gôndé édidi tsambué éndé va kôbangô éagédigaa sokumaka gédigaa Nzambé g’ôba.

Gétsutsuéô 1:6

Wa n’anyô tôengédu gô géômbé s’okumu edi tôka te asungéyi oma va mbene aTéta Nzambé. Tôétsa Jésus‐Christ ékasôga na émbô mbe: Ondômbee na ôkumakee wetso ôbaké gôndé angô na ngudiye yetso dibaké gôndé angô môbô na môbo. Amen.

Gétsutsuéô 11:7

Vangamanahngô énigôa ébégôe éndé n’ahngô, Génamanyama géngakusa gô édukue éamongodi géngagenya n’ahngô, na géngayôha mbangiye.

Gétsutsuéô 12:11

Na ana a Tétee n’asô n’anyô ahmadiia gô ébadie émagenyahngô. Ahmadiia te gô ngudi yanzina yaMôpaga Endombo na gô ngudi yamabégô mapie mameekédangô. N’ahngô asikiné éétsa mionyo miaô gôéwa.

Gétsutsuéô 12:17

Sangô gémakambôga gômawatô sangô môgetone na gémakea gôégenya n’anedi amasanéani, te ane agobeda mitôma na mige miaNzambé na ahsanzeegeda mabégô mapie mamatubédu ahngô na Jésus.

Gétsutsuéô 13:10

One ameendô mbe angatsôpu na gô tsôgôô, angatsôpu te na gô tsôgôô. One ameendô mbe angayôhu n’ebaga, angayôhu te n’ebaga. Nôeni ébandôe émeendô asi mbumu éaNzambé mbe: Bakani nômasipa n’obibô génôtôgé gôndé Jésus ône ameetsanye mitémamie gébé na buétsé.

Gétsutsuéô 14:12

Nôeni ébandôe ésipa asi mbumu éaNzambé na bôkédé, te ane ahgobeda mitôma na mige miedi na ahsanôtôga gôndé Jésus ône ameetsangô mitémamie gébé na buétsé.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.

Gétsutsuéô 20:4

Nameena édigaa éokumaka. Ane amadigaa gô éangô ameetsô ôtômu gôétsundéda. Me nameena dôta édidi éane amayôhu gô gékuanô gôébégô amatsua Mabégô Mapie mamatsutsua Jésus na ameekéda Mane Mamavovo Nzambé. Ahngô asingeegede Gényamanyamage na gégonige sedi. Na ahmakina éetsô ndémbone gô panza na g’ôgogo. Ahngakunduga g’ôwa gôétôma ôtômu ôvo na Christ, ône ameetsô na Nzambé gôétôma tsinane môtônisa amipuma.

Gétsutsuéô 3:10

Anye nôsikiné môtômee wami gôéenea me na môvinéné. Na me dôta nanganôkenea gô ndéô éagékuanô gévôni géngeenanô gô tsina gôékanéga asi tsengeye yetso yava tsina.

Gétsutsuéô 6:9

Na vane Môpaga ômapaba môkatékôe amôtayi. Nameena gévumbéô sadigondoku. Gô tsina agévumbéôge nameena édidie éane amayôhuni ameekéda Tsangô Eamôsôba éaNzambé na amadigaa na mavôma gô mane maJésus.

Gétsutsuéô 7:14

Me namamôaabéa mbe: Me tsamenya téta, ômuene ôsabômu beenda me. Na payi nene amanigôa me mbe: Ahngô te ane amabaka gô tsina agékuanô gévôni. Ahmoovôa mikanda miaô gôéminyepeda na vee te gô nzina yaMôpaga.