Gétsutsuéô 1:2 - New Testament in Mitsogo

² Jean amatenda metso mameenangô na mamookô angô gôénigôa tsangô éamaviga gôndé Nzambé. Te mabégô mapie mamatubédu angô na Jésus‐Christ.

Gétsutsuéô 1:2 Iomraidhean Croise

Jean 1:32

Jean amoomba énigôa mbe: Endéké te gavovi me. Me tsimenya ône amasevoa Nzambé gôéaanda me gô ngima. Ivô namatômu na Nzambé mbe: Kiaka ôkebatésa ome na meba. Va gatse ane angabatésuni, ôngeena Gédidi sami gésuma na vandé môma môvo. Menya mbe te angô angabatésa oma na Gédidi sami. Vane me Jean neeni Gédidi SaNzambé gésuma g’ôba gô gégoni saménga na vandé mômôgôône ôdôô.

Jean 12:17

Muetso ane amadenganô vamabambéa Jésus Lazare gô ngii gôémôkundua, ahmanigôa akaô mane mameenahngô.

Jean 19:35

One anônigôa tsangône édué, ameena yangô ti na miso medi. Ene énigôa angô anye asapata. Asabômu mbe mane mavovo angô te mapie. Buta mbe n’anye muetso nôétsa Nzambé mitémamie, gémôtsumé paga.

Jean 21:24

One anôkitséa ômbanzee aJésus te môneengine ône na tôsabômu mbe mane matendangô mandé mapie.

Jean 3:11

Me nagôbeenda na gô pie mbe tôvovo te éne ésabômu we. Tônigôa te éne émeena we, n’anye nôsasinga ômbangie wasô.

Mayanzame 22:15

Gôébégô éwe te mbangi éedi gôénigôa oma muetso éne émeenewe na éne émookô éwe.

Mayanzame 26:16

Timôgaka. Me natsutsugi gôndé éwe gôégôkoa môyanzi ami. Ewe te mbangine éami geeni éwe me deo noo. Onganigôa na mavo mabégô mangeena éwe gô mbene anzéa.

Mayanzame 4:20

Gôndé we, tôsangoongôa ékina évovo mane mameena we na mamookô we.

I Corinthiens 1:6

Mane manigôa me anye mbe Christ anyôngéô éénda va gatse anyô, neena mbe amani ééndéa anye mangô.

I Corinthiens 2:1

Vamaviga me Paul na gôndé anye ana aTéta gôénônigôa mabégô mapie maNzambé, mane masinigôganéô na mbeego, tsivovo mavovia mamôpingô gôétsapéda anye.

I Jean 1:1

We tônôtendéa gôébégô éone eendô mbe, Ogi aNzambé ôétsa monyo. Angô te mapanga na éôma éetso. Tômookô angô. Na tômeena angô na miso masô. Tômootôneegeda. Na tômoobanda na mogo masô.

I Jean 4:14

We tômamôenani tôtsua tsangône mbe: Téta Nzambé amakudéga Muanedi Jésus gôéba Mooboyi oma muetso.

III Jean 1:12

Muetso anigôa mane mamisôba meenda mômôgôône eendô mbe Démétrius. Buéyé na mabégô mapie matôtubéda mbe Démétrius eenda ti mane mapie. Na tsangône éami gôndé Démétrius to épo na éne énigôa akasô. Nôsabômu mbe éne évovo me kaka éoboe.

Gétsutsuéô 1:11

Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.

Gétsutsuéô 1:19

Tendaka metso mane meenewe. Otenda te mane mabuéa n’atsatsee na mane mangabuéani.

Gétsutsuéô 1:9

Oô te me, muana aTétee n’anyô Jean. Gôndé wa n’anyô môvo na Jésus, nawanya n’anye gô maguga meena wa n’anyô. Nandé môvo n’anyô dôta gôéenéa ôkumu aNzambé na môvinéné. Atômi atsenge amaaganéda me n’omami na mbôkami. Namakedu na gô nengé étetu mbe Patmos te gô tsôgôô émeetsô me gôébégô nameekéda Mane Mamavovo Nzambé, mangô mandé mapie mamatévédu me na Jésus.

Gétsutsuéô 12:11

Na ana a Tétee n’asô n’anyô ahmadiia gô ébadie émagenyahngô. Ahmadiia te gô ngudi yanzina yaMôpaga Endombo na gô ngudi yamabégô mapie mameekédangô. N’ahngô asikiné éétsa mionyo miaô gôéwa.

Gétsutsuéô 12:17

Sangô gémakambôga gômawatô sangô môgetone na gémakea gôégenya n’anedi amasanéani, te ane agobeda mitôma na mige miaNzambé na ahsanzeegeda mabégô mapie mamatubédu ahngô na Jésus.

Gétsutsuéô 20:4

Nameena édigaa éokumaka. Ane amadigaa gô éangô ameetsô ôtômu gôétsundéda. Me nameena dôta édidi éane amayôhu gô gékuanô gôébégô amatsua Mabégô Mapie mamatsutsua Jésus na ameekéda Mane Mamavovo Nzambé. Ahngô asingeegede Gényamanyamage na gégonige sedi. Na ahmakina éetsô ndémbone gô panza na g’ôgogo. Ahngakunduga g’ôwa gôétôma ôtômu ôvo na Christ, ône ameetsô na Nzambé gôétôma tsinane môtônisa amipuma.

Gétsutsuéô 22:21

Te mbe mate maKumu Jésus mabaké gôndé muetso.

Gétsutsuéô 6:9

Na vane Môpaga ômapaba môkatékôe amôtayi. Nameena gévumbéô sadigondoku. Gô tsina agévumbéôge nameena édidie éane amayôhuni ameekéda Tsangô Eamôsôba éaNzambé na amadigaa na mavôma gô mane maJésus.