Yuda 1:9 - BIBELE Mahungu Lamanene

⁹ Kasi Mikaele ntsumi leyikulu, loko a lwetana na Diyavulosi va phikisana hi ntsumbu wa Muxe, ú chavile ku avanyisa Diyavulosi ni ku humesa marito ya ku n'wi sandza, kambe ú te: “Hosi a yi ku tshinye!”

Testamente Leyimpsha Xichangana

⁹ Kasi Mikayele ntsuminkulu, loko alwetana na Diyavulosi vaphikizana hi ntsumbu wa Moxe, achavile kuyavanyisa Diyavulosi ni kuhumesa marito ya kumusandza, kambe ate: “AHosi ayikutshinye!”

Xitsonga (Bibele)

⁹ Kasi loko a ri Mikaele, ntsumi leyikulu, loko a kanetana na Diyavulosi, va ri karhi va lwetana hi ntsumbu wa Muxe, u chavile ku n'wi avanyisa hi mirhukano, kambe a ku: “Hosi a yi ku tshinye!”

Yuda 1:9 Iomraidhean Croise

1 TIKRONIKA 12:17

Kutani Davhida a va hlanganisa a ku: “Loko mi ri ni moya lowunene mi tela ku ta ndzi pfuna, hi ta twanana swinene. Kambe loko mi tile ku ta ndzi xenga, mi ndzi nyiketa eka valala va mina hambiloko ndzi nga onhanga nchumu, Xikwembu xa vatata wa hina xi ta mi vona, xi mi ba!”

Eksoda 22:28

“Mi nga tshuki mi ndzi sandza mina Xikwembu, kumbe ku rhuketela murhangeri wa vanhu va ka n'wina.

Daniele 10:13

Ntsumi leyi yimelaka mfumo wa Vaperesi ematilweni, yi ringetile ku hingakanya ndlela ya mina, yi ndzi sivela ku suka ku ringana masiku ya 21; kambe Mikaele, yin'wana ya tintsumi letikulu ta le tilweni, ú tile a ta ndzi lamulela, kutani ndzi n'wi siyile a ri karhi a lwa ni mfumo lowu wa Vaperesi.

Daniele 12:1

Munhu la ambaleke xiambalo xa ntsembyani a engeta a ku ka Daniele: “Enkarhini wolowo, ku ta humelela Mikaele, ntsumi leyikulu leyi yimelaka va ka n'wina etilweni; kutani ku ta va ni nkarhi wa maxangu lama nga si tshamaka ma humelela, himpfhuka vanhu va va kona emisaveni, naswona ma nge humeleli ku nga si fika masiku wolawo. Kutani hi kona ku nga ta kutsuriwa vamakwenu hinkwavo, lava mavito ya vona ma nga ta va ma tsariwile eka Buku ya vutomi.

Zakariya 3:2

Kutani ntsumi ya HOSI Xikwembu yi ku ka Sathana: “We Sathana, HOSI Xikwembu lexi hlawuleke Yerusalema, a xi ku laye xi ku pfala nomo. Xana Yoxuwa a nga fani ni rihunyi leri susiweke endzilweni xana?”

Marka 15:29

Vahundzi va ndlela va n'wi rhuketela, va hlakahla tinhloko va ku: “Ha! Wena la nhlanhlaka Tempele, u tlhela u yi pfuxa hi masiku manharhu,

Duteronoma 34:6

kutani a lahliwa enkoveni lowu langutaneke ni muti wa Beta-Peyori, kwale tikweni ra Mowabu; kambe, ku fikela namuntlha, a ku na munhu loyi a tivaka sirha ra yena.

1 Vatesalonika 4:16

hikuva Hosi hi xiviri xa yona yi ta xika hi le tilweni, hi mpfumawulo wa rito ra ku lerisa, hi ku huwelela ka ndhuna ya tintsumi, ni ku ba ka mhalamhala ya Xikwembu, kutani lava feleke ka Kriste, va ta rhanga va pfuka eku feni;

1 Petro 3:9

Mi nga tlheriseli ku biha hi ku biha, kumbe ndzhukano hi ndzhukano, kambe ematshan'wini ya sweswo, katekisani, hikuva hi leswi mi nga vitaneriwa ku endla swona, leswaku mi ta kuma nkateko na n'wina.

2 Petro 2:11

Kasi tintsumi, hambileswi ti va tlulaka hi vukulu ni matimba, a ti humesi marito ya ku va avanyisa hi ku va sandza emahlweni ka Hosi.

Nhlavutelo 12:7

Kutani ku pfuka nyimpi etilweni, ya Mikaele ni tintsumi ta yena loko va lwa ni dragona; na yona dragona yi lwa yi ri ni tintsumi ta yona.