Yuda 1:15 - BIBELE Mahungu Lamanene

¹⁵ ku ta avanyisa hinkwavo; yi ta veka nandzu eka hinkwavo lava nga chaviki Xikwembu, hi mhaka ya mintirho ya vona hinkwayo leyi lwaka na xona, leyi va yi endleke hi ndlela yo pfumala xichavo eka xona. Hosi yi ta avanyisa ni swilo hinkwaswo leswo biha leswi vadyohi lava vo ka va nga chavi Xikwembu va swi vuleke ehenhla ka xona.”

Testamente Leyimpsha Xichangana

¹⁵ kutayavanyisa hinkwavu, ni kukholwisa hinkwavu va ka vona lavangaliki ni vukhongeli henhla ka mintirho ya vona hinkwayu leyi vayiyendleke hi kusandza, ni le henhla ka marito hinkwawu ya vusandzi lawa vajohi lavangaliki ni vukhongeli vamavuleke henhla ka yona.”

Xitsonga (Bibele)

¹⁵ “Vonani, Hosi yi tile ni vakwetsimi va yona va madzanadzana ku ta avanyisa hinkwavo, ni ku khorwisa hinkwavo va ka vona lava nga riki na vukhongeri, ehenhla ka mitirho ya vona hinkwayo leyi va yi endleke hi ku sandza, ni le henhla ka timhaka hinkwato ta vusandzi leti vadyohi lava nga riki na vukhongeri, va ti vuleke ehenhla ka yona.”

Yuda 1:15 Iomraidhean Croise

Pisalema 139:20

We HOSI vanhu lava va le ku ku lumbeteni, va hlambanya hi mavunwa, hikuva i valala va wena.

Pisalema 149:9

Va ta laya vamatiko valavo hilaha swi tsariweke hakona. Lava tshembaka HOSI Xikwembu, va ta kurisiwa hinkwavo hi ndlela yeleyo. Dzunisani HOSI!

Pisalema 31:18

Vahembi lava vo titshemba ni ku tikukumuxa, lava nga chaviki ku lumbeta munhu wo lulama, va hundzule timbheveve!

Pisalema 37:6

Xi ta ku khanisa, xi vangamisa ku lulama ka wena ku fana ni dyambu ninhlekanhi.

Pisalema 73:9

Va rhuketela Xikwembu xa le matilweni, ni laha misaveni tindzimi ta vona a ti tsetseleli munhu.

Pisalema 94:4

Hinkwavo lava endlaka leswo biha, a hi ku rhukana ka vona loko va vulavula, va tibumabuma ngopfu.

Pisalema 98:9

loko HOSI Xikwembu xi ta ku ta fuma misava. Xi ta yi avanyisa hi ku lulama, vamatiko xi ta va fambisa hi nawu.

Eksoda 16:8

Muxe a tlhela a ku: “HOSI Xikwembu hi xona lexi nga ta mi nyika nyama mi dya nimadyambu, ni vuswa lebyi mi nga ta dya mi xurha nimpundzu, hikuva xi mi twile loko mi xi dzumadzumela. Xana hina hi vamani xana? Loko mi dzumadzuma, a mi dzumadzumeli hina, kambe mi dzumadzumela HOSI Xikwembu.”

Eklesiasta 11:9

Wena lontshwa, tsakela vuntshwa bya wena, u tiphina emasikwini wolawo. Famba hi tindlela leti u ti rhandzaka, leti kokaka mahlo ya wena, kambe tiva leswaku Xikwembu xi ta ku avanyisa ehenhla ka leswi hinkwaswo.

Eklesiasta 12:14

Xikwembu xi ta kambela ntirho wun'wana ni wun'wana, hambi wu ri lowu endliweke exihundleni, ku vona loko wu ri lowunene kumbe lowo biha.

Ezekiele 35:13

Mi lwile na mina hi ku tikurisa ngopfu, mi nga hlawuli marito loko mi vulavula, kambe mina ndzi mi twile!

Daniele 11:36

“Mufumi wa tiko ú ta hamba a tiendlela hi ku rhandza, a tidzunisa, a tikurisa emahlweni ka xikwembu xin'wana ni xin'wana; ú ta vulavula swilo leswo biha ehenhla ka Xikwembu lexikulu. Eka hinkwaswo leswi a nga ta swi endla, ú ta humelela ku kondza nkarhi wa ku biwa wu fika, hikuva leswi bohiweke khale swi ta hetiseka.

Daniele 7:20

Ndzi navela ni ku twisisa ta timhondzo ta khume leti a ti ri enhlokweni ya xivandzana, ni ta rimhondzo lerin'wana leri nga mila exikarhi ka tona, kutani ri gula tinharhu eka leta khume, ri nga rimhondzo leri a ri ri ni mahlo ni nomo lowu humesaka marito yo tikurisa, naswona ri ri leri chavisaka ku tlula timhondzo letin'wana.

Yohane 5:27

Naswona, ú n'wi nyikile matimba ya ku avanyisa, hikuva i N'wana-wa-Munhu.

Timhaka 17:31

Hikuva xi vekile siku leri xi nga ta avanyisa misava eku lulameni, hi wanuna loyi xi n'wi hlawuleke; kutani xi kombisile vanhu hinkwavo ku tiya ka mhaka leyi hi ku pfuxa munhu loyi exikarhi ka vafi.”

Varhoma 14:10

Xana wena u avanyisela yini makwenu xana? Naswona u solela yini makwenu? Kasi hinkwerhu hi ta humelela emahlweni ka xiluvelo xa Xikwembu ku avanyisiwa.

Varhoma 2:16

swi ta va tano hi siku leri Xikwembu xi nga ta avanyisa swihundla swa vanhu ha Yesu Kriste, hilaha Evhangeli leyi ndzi yi dyondzisaka yi vulaka hakona.

Varhoma 2:5

Hi mbilu ya wena leyo nonon'hwa, leyi nga laviki ku hundzuka, u tihlengeletela vukari lebyi byi nga ta ku wela hi siku lero chavisa, leri ku avanyisa loku lulameke ka Xikwembu ku nga ta humelela ha rona.

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

1 Vakorinto 5:13

N'wina hi n'wexe mi avanyisa lava nga ndzeni ka kereke; a mi endlisi sweswo xana? Hlongolani lowo biha exikarhi ka n'wina.

1 Timotiya 1:9

a ri karhi a twisisa leswaku milawu a yi vekeriwanga lava lulameke, kambe yi vekeriwile lavo homboloka ni lava tiarisaka; yi endleriwile lava nga chaviki Xikwembu, ni lava dyohaka, ni lava nga khongeriki, ni lava sandzaka leswo hlawuleka, ni lava dlayaka vatata wa vona kumbe vamana wa vona; milawu leyi yi avanyisa swigevenga,

Yuda 1:16

Lava i vanhu vo tshamela ku ngurangureka ni ku vilela, lava susumetiwaka hi ku navela ka vona loko biha, vanhu va manyunyu lava tikurisaka, lava xisaka van'wana hi ku va bumabumela, kasi va lava ku vuyeriwa.

Nhlavutelo 13:11

Kutani ndzi vona xivandzana xin'wana lexi humaka hi le misaveni, xi ri ni timhondzo timbirhi ku fana ni Xinyimpfana, kambe xi vula-vula kukota dragona.

Nhlavutelo 22:20

Yena loyi a tivisaka ntiyiso wa timhaka leti, ú ri: “Hakunene, ndza ta sweswi-sweswi.” Amen, tana Hosi Yesu!

1 SAMIELE 2:3

Mi nga ha yi emahlweni mi tidzunisa, marito ya ku tikurisa ma nga ha humi emilon'wini ya n'wina, hikuva HOSI i Xikwembu xa vutivi, lexi kambisisaka mintirho ya vanhu.