Yuda 1:12 - BIBELE Mahungu Lamanene

¹² Vanhu lava i swivati eminkhubyeni ya n'wina ya ntwanano, loko va ri karhi va cina va nwa ngopfu va nga ri na tingana, va tiphina. I mapapa lawa ya nga hava mpfula, lama yisiwaka hala ni hala hi ku hunga ka mimoya; i mirhi ya vuxika yo pfumala mihandzu, yo fa kambirhi hi ku tsuvuriwa;

Testamente Leyimpsha Xichangana

¹² Vanhu lava i svivati minkhubzeni ya n'wina ya rirhandzu, loko vali karhi vacina vanwa ngopfu na vangali na tingana, vatiphina voxe. I marefu lawa mangahava mpfula, lawa mayisiwaka hala ni hala hi kuhunga ka mimoya; i minsinya ya vuxika yopfumala mihandzu, leyidlayiweke kambirhi hi kutsuvuliwa ni timintsu;

Xitsonga (Bibele)

¹² Valavo i swivati emikhubyeni ya n'wina ya rirhandzu, loko va ri karhi va dya na n'wina, va nga chavi nchumu loko va tixurhisa. I mapapa lama nga riki na mpfula, lama yisiwaka hala ni hala hi mheho; i mirhi leyi hlanhliweke hi vuxika, leyi nga velekiki, leyi feke kambirhi, leyi tsuvuriweke.

Yuda 1:12 Iomraidhean Croise

2 TIKRONIKA 7:20

ndzi ta mi susa etikweni leri ndzi mi nyikeke rona. Na yona Tempele leyi ndzi yi hlawuleke ku twarisa vito ra mina eka yona, ndzi ta yi cukumeta kule na mina; kutani mi ta hundzuka xihlambanyiso ni xihlekiso exikarhi ka vamatiko hinkwavo.

Ntirho 8:17

timitsu ta wona ti nga tlhava erikhwarheni, ti nga pandza ni maribye lamakulu;

Pisalema 1:3

Ú fana ni murhi lowu mileke etlhelo ka mati lama khulukaka, lowu vekaka mihandzu ya wona hi nguva ya kona, lowu nga dzudzekiki matluka. Eka hinkwaswo leswi a swi endlaka, wa humelela.

Pisalema 37:2

Va ta hatla va oma kukota byanyi, va vuna ku fana ni swimilana swa rihlaza.

Swivuriso 25:14

Munhu loyi a tinyungubyisaka hi tinyiko leti a nga ti humesangiki, ú fana ni xihuhuri ni mapapa yo kala mpfula.

Ezekiele 17:9

“Kambe byela Vaisraele leswaku mina HOSI N'wini wa hinkwaswo ndza vutisa, ndzi ri: Xana murhi lowu wa vhinya wa ha ta hluka xana? E-e! Gama lero sungula ri ta wu tsuvula, ri herisa ni mihandzu ya wona, kutani matluka ya wona hinkwawo ma ta vuna; wu ta tsuvuleka hi ku olova, swi nga lavi vanhu vo tala va matimba!

Ezekiele 34:10

xi ri: “Mina HOSI N'wini wa hinkwaswo ndzi lwa ni varisi volavo! Ndzi ta susa tinyimpfu ta mina emavokweni ya vona leswaku va nga ha vi varisi va tona, naswona va nga ha tiphini va ri voxe; varisi lava va ta tshika ku dya nyama ya tinyimpfu ta mina, hikuva ndzi ta ti susa emavokweni ya vona.

Ezekiele 34:18

Xana mi ri, i mhaka leyitsongo loko van'wana exikarhi ka n'wina va dya emadyelweni lamanene, kambe va kandziyela byanyi lebyi saleke xana? Kumbe loko va nwa mati layo tenga, va pfindlusa ni lama saleke, a swi na mhaka sweswo ke?

Ezekiele 34:2

“Wena munhu, yana u ya tshinya tihosi leti risaka tiko ra Israele; tshinya varisi lava, u va byela leswaku mina HOSI N'wini wa hinkwaswo ndzi ni rito eka vona leri nge: ‘Mi ni khombo n'wina varisi va Israele, hikuva mi le ku tihlayiseni n'wina ntsena! Xana ntirho wa varisi a hi ku hlayisa tinyimpfu xana?

Ezekiele 34:8

Yena N'wini wa hinkwaswo ú tiyisa a ku: “Tinyimpfu ta mina ti khomiwile hi swiharhi swa tinxaka-xaka ti dyiwa ha swona, hikuva a ti pfumala varisi; leti nga lahleka, varisi a va ti landzanga va vuya na tona, hikuva a va anakanya ntsena ku tihlayisa vona vinyi ematshan'weni ya ku hlayisa tinyimpfu ta mina!”

Hosiya 6:4

Xana ndzi ta endla yini hi n'wina va ka Efrayimi xana? Na n'wina va ka Yuda, ndzi ta endla yini hi n'wina xana? Ku tshembeka ka n'wina ku fana ni hunguva nimixo, ku fana ni mberha leyi hatlisaka ku dzudzeka.

Levhitika 14:43

“Nkurhe wu nga tshuka wu hangalaka ni yindlu hambiloko maribye ma susiwile ni loko khumbi ri hariwile ri tlhela ri phamiwa nakambe.

Matewu 13:6

Kambe loko dyambu ri tlhava, swimila swi vuna kutani swi oma hi ku pfumala timitsu.

Matewu 15:13

A hlamula, a ku: “Ximila xin'wana ni xin'wana lexi nga simekiwangiki hi Tata wa mina wa le tilweni, xi ta tsuvuriwa.

Marka 4:6

Kambe loko dyambu ri tlhava, swimila swi vuna, kutani swi oma hi ku pfumala timitsu.

Luka 12:45

Kambe loko nandza yoloye a ehleketa embilwini ya yena, a ku: ‘N'wini wa mina wa hlwela ku fika’, kutani a sungula ku ba malandza-kulobye ya xinuna ni ya xisati, a dya, a nwa, a pyopyiwa,

Luka 16:19

“A ku ri ni mufuwi la ambaleke nguvu yo vangama ya xivunguvungu ni ya ntsembyani lowo saseka, a tshama eku tsakeni a tiphina hi masiku hinkwawo.

Luka 21:34

“Tivoneleni leswaku timbilu ta n'wina ti nga tikeriwi hi makolo ni ku pyopyiwa, ni ku vilela hi swa vutomi lebyi, na swona tivoneleni leswaku siku rero ri nga mi tshuketi;

Luka 8:6

Tin'wana ti wela emaribyeni, kutani loko ti mila, swimila swi vuna hi ku pfumala ndzhongho.

Vaefesa 4:14

Kutani a hi nga ha vi swihlangi leswi tlhekatlhekisiwaka ni ku yisiwa hala ni hala hi mheho yihi ni yihi ya dyondzo yo hambuka, hi ku xisetela ka vanhu lava kanganyisaka van'wana ni ku va hambukisa hi mano ya vona.

Vafilipiya 3:19

Makumu ya vona i ku lova; Xikwembu xa vona i khwiri ra vona; va tidzunisa hi leswi a va ta fanela ku va ni tingana ha swona; va anakanya swa misava leyi ntsena.

1 Timotiya 5:6

Kasi loyi a navelaka ku tikorwisa ntsena, ú file hambiloko a ha hanya.

Vaheveru 13:9

Mi nga kanganyisiwi hi tidyondzo ta tinxaka-xaka leti nga tivikaniki. Swi lulamile loko mbilu yi tiyisiwa hi tintswalo ta Xikwembu, ku nga ri hi milawu hi tlhelo ra swakudya, leyi nga pfuniki nchumu eka lava va yi landzelelaka.

Yakobo 5:5

Emisaveni, mi hanyile emafurheni mi ri karhi mi tiphina; kambe mi lo tinonisela ntsena siku ra ku dlayiwa ka n'wina.