Yohane 8:21 - BIBELE Mahungu Lamanene

²¹ Yesu a engeta a ku ka vona: “Ndza famba, kutani mi ta ndzi lava, kambe mi ta fela eku dyoheni ka n'wina. Laha ndzi yaka kona, mi nga ka mi nga yi.”

Testamente Leyimpsha Xichangana

²¹ Yesu atlhela kambe aku ka vona: “Mina nasuka, nafamba, kutani mitanilava, kambe mitafela kujoheni ka n'wina. Laha mina niyaka kona, mingakala mingayi.”

Xitsonga (Bibele)

²¹ A tlhela a ku eka vona: “Ndza famba, kutani mi ta ndzi lava, kambe mi ta fela eku dyoheni ka n'wina; laha ndzi yaka kona, mi nga ka mi nga ti.”

Yohane 8:21 Iomraidhean Croise

1 TIHOSI 18:10

Ndza tiyisa emahlweni ka HOSI Xikwembu xa wena lexi hanyaka ndzi ri: N'wini wa mina ú rhumerile malandza evanhwini va tinxaka hinkwato ni va mimfumo hinkwayo, ma famba ma ku lava hinkwako. Kutani loko va hlamula Akabu va ku: ‘Eliya a nga kona laha ka hina’, yena a a sindzisa vanhu va mimfumo yoleyo ni va tinxaka toleto leswaku va hlambanya, kutani a va hlambanya va ku: ‘Eliya a hi si n'wi vona haleno.’

Ntirho 20:11

Hambiloko miri wa yena wa ha tiyile, matimba lawa a nga na wona, ma ta lahliwa na yena esirheni.

Swivuriso 11:7

Loko lowo homboloka a fa, ku tshemba ka yena ka hela, ni rifuwo leri a tisetelaka ha rona a ra ha n'wi pfuni nchumu.

Swivuriso 14:32

Munhu wo homboloka ú wisiwa hi mintirho ya yena leyo biha, kasi lowo lulama ú sirheleriwa hi mahanyelo ya yena lamanene.

Esaya 65:20

EYerusalema, swihlangi a swi nga ha fi, hambi va ri lavakulu, va ta hanya nkarhi wo leha; loyi a faka a ri ni malembe ya dzana, ú ta va a nga si kula; lava faka va nga si va ni malembe ya dzana, va ta va va rhuketeriwile.

Matewu 23:39

naswona ndza mi tivisa leswaku ku sukela sweswi, a mi nga ha ndzi voni, ku ko ku fika siku leri mi nga ta ku: ‘A ku dzunisiwe la taka hi vito ra Hosi.’ ”

Matewu 25:41

“Kutani Hosi yi ta byela lava nge vokweni ra yona ra ximatsi yi ku: ‘Sukani ka mina, n'wina lava rhukaniweke hi Xikwembu; yanani endzilweni lowu nga timekiki, lowu lunghiseriweke Diyavulosi ni tintsumi ta yena;

Matewu 25:46

Kutani volavo va ta ya eku biweni loku nga heriki, kambe lavo lulama va ta ya evutomini lebyi nga heriki.”

Yohane 12:33

A a vurisa sweswo hi ku ringanisa rifu leri a nga ta fa ha rona.

Yohane 12:35

Yesu a ku ka vona: “Ku vonakala ka ha ta va kona nkarhinyana exikarhi ka n'wina; fambani loko ma ha ri ni ku vonakala, leswaku munyama wu ta ka wu nga mi kumi; kasi loyi a fambaka emunyameni a nga tivi laha a yaka kona.

Yohane 13:33

Vana vanga, ndza ha ta va na n'wina nkarhinyana; mi ta ndzi lava, kambe hilaha ndzi byeleke Vayuda hakona loko ndzi te: ‘Laha ndzi yaka kona mi nga ka mi nga ti’, na n'wina sweswi ndza mi byela mhaka leyi.

Yohane 7:34

Mi ta ndzi lava, kambe a mi nga ndzi kumi; ni laha ndzi nga ta va kona, mi nga ka mi nga ti.”

Yohane 7:36

Xana ú vula yini, loko a ku: ‘Mi ta ndzi lava, kambe a mi nga ndzi kumi’, ni loko a ku: ‘Laha ndzi nga ta va kona, mi nga ka mi nga ti?’ ”

Yohane 8:24

Hi swo leswi ndzi mi byeleke swona, loko ndzi te: ‘Mi ta fela eswidyohweni swa n'wina.’ Hikuva loko mi nga pfumeri leswaku ‘Mina ndzi yena’, mi ta fela eswidyohweni swa n'wina.”

Vaefesa 2:1

Khale a mi file emoyeni hikwalaho ka swivi swa n'wina ni swidyoho swa n'wina.