Yohane 8:12 - BIBELE Mahungu Lamanene

¹² Kutani Yesu a engeta a vulavula na vona, a ku: “Hi mina ku vonakala ka misava; loyi a ndzi landzelelaka a nga ka a nga fambi emunyameni ni siku ni rin'we, kambe ú ta va ni ku vonakala ka vutomi.”

Testamente Leyimpsha Xichangana

¹² Kutani Yesu atlhela avulavula na vona, aku: “Hi mina kuvonakala ka misava; lweyi anilandzelaka angakala angafambi munyameni ni siku ni rin'we, kambe atava ni kuvonakala ka vutomi.”

Xitsonga (Bibele)

¹² Kutani Yesu a tlhela a vulavula na vona, a ku: “Hi mina ku vonakala ka misava; la ndzi landzelaka, a nga ka a nga fambi emunyameni, kambe u ta va ni ku vonakala ka vutomi.”

Yohane 8:12 Iomraidhean Croise

Ntirho 33:28

A ndzi rhelela ndzi ya esirheni, kambe xi ndzi kutsurile; ndza ha ta hanya ndzi vona ku xa ka dyambu!’

Pisalema 18:28

Hakunene, hi wena la ndzi lumekelaka rivoni! We HOSI Xikwembu xa mina, wa ndzi voningela exinyamini.

Pisalema 49:19

kambe na yena ú ta fa a landza va ka vona, laha a nga ta ka a nga ha voni dyambu.

Pisalema 97:11

Lavo lulama va tlhavela hi ku vonakala, lava nga ni timbilu to basa va kuma ku tsaka.

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Esaya 50:10

Hinkwenu n'wina lava chavaka HOSI Xikwembu, lava yingisaka swileriso swa mina nandza wa xona hambiloko mi famba lomu ko chavisa, laha ku nga ni makhombo, tiyiselani eka HOSI Xikwembu xa n'wina, mi tshemba xona ntsena.

Esaya 9:2

Vanhu lava a va gugurhuteka emunyameni, sweswi va vona ku vonakala lokukulu; lava a va tshama exinyamini lexo chavisa va fikeriwe hi ku vonakala.

Hosiya 6:3

A hi tikarhateni, hi tikarhatela ku tirhela HOSI Xikwembu: Xikwembu xi fana ni vurhonga, xi nge tsandzeki ku humelela; xi ta ta eka hina ku fana ni mpfula ya xirimo, ku fana ni ku sewula ka mpfula ya ximun'wana.”

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Matewu 5:14

“N'wina mi ku vonakala ka misava; muti lowu akiweke entshaveni a wu tumbeli.

Luka 2:32

ku nga ku vonakala loku nga ta voninga matiko, ni loku Israele tiko ra wena ri nga ta tidzunisa ha kona.”

Yohane 12:35

Yesu a ku ka vona: “Ku vonakala ka ha ta va kona nkarhinyana exikarhi ka n'wina; fambani loko ma ha ri ni ku vonakala, leswaku munyama wu ta ka wu nga mi kumi; kasi loyi a fambaka emunyameni a nga tivi laha a yaka kona.

Yohane 12:36

Loko ma ha ri ni ku vonakala, pfumelani eka ku vonakala, leswaku mi hundzuka vanhu va ku vonakala.” Loko Yesu a vurile sweswo, a suka a ya tifihla kule na vona.

Yohane 12:46

Mina ndzi ku vonakala, kutani ndzi tile emisaveni leswaku un'wana ni un'wana la pfumelaka eka mina, a nga tshami emunyameni.

Yohane 14:6

Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

Yohane 3:19

Ku avanyisiwa ku ta hi mhaka leyi: Hileswaku ku vonakala ku tile emisaveni, kambe vanhu va rhandzile munyama ku tlula ku vonakala, hikuva mintirho ya vona a yi ri leyo biha.

Yohane 7:17

Loko munhu a navela ku endla ku rhandza ka Xikwembu, ú ta tiva loko dyondzo leyi yi huma eka Xikwembu, kumbe loko ndzi tivulavulela swa mina ntsena?

Yohane 9:5

Loko ndza ha ri laha misaveni, ndzi ku vonakala ka misava.”

Timhaka 13:47

Hikuva Hosi yi hi lerisile leswi, yi te: “ ‘Ndzi ku vekile ku va ku vonakala eka vamatiko, ni ku va ndlela ya ku ponisiwa ematlhelweni hinkwawo ya misava.’ ”

Timhaka 26:23

Hileswaku Mesiya ú ta twisiwa ku vaviseka, ni leswaku, hi ku va munhu wo rhanga loyi a nga ta pfuka eku feni, ú ta tivisa ku vonakala eka tiko leri ni ka vamatiko.”

2 Petro 2:17

Vanhu lava i swihlovo swo pfumala mati; i hunguva leyi fambisiwaka hi bubutsa; munyama lowukulu ngopfu wu va languterile.

2 Petro 2:4

Xikwembu a xi tsetselelanga tintsumi loko ti dyohile, kambe xi ti cukumetile eTiheleni, ni ku ti nghenisa emakorhweni ya xivandla xa vafi, laha ti pfaleriwaka kona ku fikela siku ra ku avanyisa;

1 Yohane 1:6

Loko hi vula leswaku hi ni xinakulobye na xona kambe hi ri karhi hi famba emunyameni, ha hemba, kutani a hi hanyi hi ku landza ntiyiso.

Yuda 1:13

i magandlati yo leva ya lwandle; mintirho ya vona ya tingana yi tlutlha ku fana ni xikhuvi; i tinyeleti ta vurhurha-rhurha leti hlayiseriweke munyama lowukulu ngopfu, hilaha ku nga heriki.

Yuda 1:6

Naswona ku ni tintsumi leti ti nga hlayisangiki xiyimo xa tona, kambe ti sukile laha a ku ri kaya ka tona ka xiviri; hikokwalaho, Xikwembu xi bohile tintsumi ta kona hi tinketani, xi ti pfalela hilaha ku nga heriki exinyamini lexi chavisaka ku fikela siku lerikulu ra ku avanyisiwa.

Nhlavutelo 21:24

Vanhu va matiko hinkwawo va ta famba eku vonakaleni ka wona, kutani tihosi ta misava ti ta wu tisela rifuwo ra tona.