Yohane 5:6 - BIBELE Mahungu Lamanene

⁶ Loko Yesu a n'wi vona a etlele kwalaho, ni loko a tivile leswaku ú vabyile nkarhi lowo leha, a ku ka yena: “Xana wa swi lava ku hanyisiwa xana?”

Testamente Leyimpsha Xichangana

⁶ Loko Yesu amuvona na ayetlele kolaho, ni loko ativile lesvaku avabzile nkarhi lowoleha, aku ka yena: “Xana wasvilava kuhanyisiwa ke?”

Xitsonga (Bibele)

⁶ Yesu loko a n'wi vona a etlele, kambe a a tiva leswaku a vabyile khale, a ku eka yena: “U rhandza ku hanyisiwa xana?”

Yohane 5:6 Iomraidhean Croise

Pisalema 142:3

Loko ndzi hela matimba, we Xikwembu u tiva leswi swi ndzi humelelaka. Lomu ndzi yaka kona, va ringeta ku ndzi phasa hi ntlhamu.

Esaya 65:1

HOSI Xikwembu xi ri: “A ndzi tiyimiserile ku hlamula swikhongelo swa vanhu va mina, kambe a va khongelanga, a ndzi tilulamisele ku kumiwa hi vona, kambe a va ringetanga ku ndzi lava. A ndzi ri karhi ndzi ku: ‘Hi mina loyi, hi mina loyi’, kambe vanhu lava a va ndzi khongelanga.

Yeremiya 13:27

Vuoswi lebyi u byi endlaka le handle eswitsungeni, ni ku navela ka wena ka manyala, ni vunghwavava bya wena, ndzi swi vonile hinkwaswo. We Yerusalema, u le khombyeni, hikuva u tsandzeka ku susa thyaka leri! Xana u ta tsandzeka ku fikela rini ke?”

Luka 18:41

“Xana u lava leswaku ndzi ku endlela yini ke?” Yena a ku: “Hosi, ndzi navela ku tlhela ndzi vona!”

Yohane 21:17

A engeta ra vunharhu a ku ka yena: “Simoni, n'wana Yohane, xana wa ndzi rhandza xana?” Petro a khomiwa hi gome, hi mhaka ya leswi a n'wi vutiseke ra vunharhu a ku: “Xana wa ndzi rhandza xana?” Kutani a ku ka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku ka Petro: “Risa tinyimpfu ta mina.

Yohane 5:5

Kona kwalaho, a ku ri ni munhu loyi a a ri ni malembe ya 38 a ri karhi a vabya.

Yohane 5:7

Muvabyi a n'wi hlamula, a ku: “Hosi, a ndzi na munhu loyi a ndzi petaka evuhlambelweni, loko mati ma ha ku pfindluka; kutani loko ndzi ku ndzi ya kona, un'wana a ndzi rhangela, a nghena.”

Vaheveru 4:13

Emahlweni ka Xikwembu, ku hava ni xivumbiwa ni xin'we lexi tumbeleke. Hinkwaswo swi lo tlàngàndlà, erivaleni, emahlweni ka Loyi hi fanelaka ku tihlamulela eka yena.

Vaheveru 4:15

Hikuva Muprista Lonkulu loyi hi nga na yena a hi loyi a tsandzekaka ku hi twela vusiwana emikarhalweni ya hina, kambe hi loyi a ringiweke hi matlhelo hinkwawo ku fana na hina, ntsena yena a nga dyohanga.