Yohane 3:3 - BIBELE Mahungu Lamanene

³ Yesu a n'wi hlamula, a ku: “Ndzi tiyisisile ndzi ri ka wena, a ku na munhu la nga vonaka Mfumo wa Xikwembu, loko a nga tlhelanga a tswariwa ra vumbirhi.”

Testamente Leyimpsha Xichangana

³ Yesu amuhlamula aku: “Nitiyisile nili ka wena, aku na munhu lweyi angatavona Mfumu wa Xikwembu, loko angatlhelanga apsaliwa ra vumbirhi.”

Xitsonga (Bibele)

³ Yesu a hlamula, a ku eka yena: “Kunenenene ndzi ri eka wena: Loko munhu a nga tswariwi ra vumbirhi, a nga ka a nga voni ku fuma ka Xikwembu.”

Yohane 3:3 Iomraidhean Croise

Yeremiya 5:21

“Twanani leswi maphuphula ndzin'wina, n'wina vanhu vo pfumala mano: Mi ni mahlo, kambe a mi voni, ni tindleve mi na tona, kambe a mi twi.

Ezekiele 36:26

Ndzi ta mi nyika timbilu letintshwa, ndzi mi avela ni moya lowuntshwa; ndzi ta susa timbilu ta n'wina to nonon'hwa kukota maribye, ndzi mi nyika timbilu leto olova leti yingisaka.

Matewu 16:17

Yesu a hlamula a ku: “U katekile Simoni n'wana Yona, hikuva a hi munhu wa misava la nga ku pfuletela sweswo, kambe i Tata wa mina wa le tilweni.

Matewu 19:24

Ndzi engeta ndzi ku ka n'wina: Swi nga olovela kamela ku nghena hi ntuva wa neleta, ku ri ni leswaku mufuwi a nghena eMfun'weni wa matilo.”

Matewu 21:31

Xana eka vona lavambirhi, hi wihi loyi a nga endla ku rhandza ka tata wa yena xana?” Va ku ka yena: “Hi lowo rhanga.” Yesu a ku ka vona: “Ndzi tiyisile ndzi ri ka n'wina, valuvisi ni tinghwavava va mi rhangela ku nghena eMfun'weni wa Xikwembu.

Matewu 5:18

Ndzi tiyisile ndzi ri ka n'wina: Tilo ni misava swi nga si nyamalala, xihikwana kumbe xirhatana, hambi xi ri xin'we, xi nga ka xi nga susiwi eNawini, ku kondza loko swilo hinkwaswo swi ta va swi hetisekile.

Marka 10:14

Loko Yesu a swi vona, a vilela ngopfu, a ku ka vona: “Tshikani vana va ta ka mina, mi nga tshuki mi va sivela, hikuva Mfumo wa Xikwembu i wa lava fanaka na vona.

Marka 9:47

Ni loko tihlo ra wena ri ku khunguvanyisa, ri xokole; swi nga antswa loko u nghena eMfun'weni wa Xikwembu u fe tihlo rin'we, ku ri na ku hoxiwa eTiheleni u ri ni mahlo mambirhi.

Yohane 1:13

lava tswariweke, ku nga ri hi ndlela ya ntumbuluko, ku nga ri hi ku navela ka miri, ku nga ri hi ku rhandza ka wanuna, kambe ku ri hi Xikwembu.

Yohane 1:5

Ku vonakala ka ha vangama emunyameni, naswona munyama a wu kotanga ku ku hlula, ni siku ni rin'we.

Yohane 1:51

A engeta a ku ka yena: “Ndzi tiyisisile ndzi ri ka n'wina: Mi ta vona tilo ri pfulekile, ni tintsumi ta Xikwembu ti ri karhi ti tlhandlukela ehenhla ni ku xikela eka N'wana-wa-Munhu.”

Yohane 12:40

“Ú phumisile mahlo ya vona, ni ku tlanyata miehleketo ya vona, leswaku va nga ha voni, ni ku twisisa va nga ha twisisi, ni leswaku va nga hundzuki, na mina ndzi nga va hanyisi.”

Yohane 3:4

Nikodema a ku ka yena: “Loko munhu a dyuharile, swi nga endlekisa ku yini ku tlhela a tswariwa xana? Xana a nga swi kota ku vuyela endzeni ka mana wa yena, a tlhela a tswariwa ra vumbirhi xana?”

2 Vakorinto 4:4

xikwembu xa misava leyi xi pfarile miehleketo ya vanhu lava va nga pfumeriki; xi va sive mahlo leswaku va nga voni ku vangama ka Mahungu Lamanene lama twarisaka ku kwetsima ka Kriste, yena loyi a nga xifaniso xa Xikwembu.

2 Vakorinto 5:17

Loko munhu a ri ka Kriste, ku tumbuluka leswintshwa; swa khale swi hundzile, ku nghenile leswintshwa.

Vagalatiya 6:15

Hikuva, hambi munhu a yimbile kumbe a nga yimbanga, a swi vuli nchumu. Mhaka leyikulu i ku va xivumbiwa lexintshwa.

Vaefesa 2:1

Khale a mi file emoyeni hikwalaho ka swivi swa n'wina ni swidyoho swa n'wina.

Duteronoma 29:4

Kambe ku fikela namuntlha, HOSI Xikwembu a xi si mi pfula mahlo ni tindleve, mi kota ku twisisa leswi humeleleke.

Tito 3:5

xi hi ponisile. A ku nga ri hi mhaka ya mintirho leyo lulama leyi hina hi hexe hi yi endleke, kambe xi hi ponisile hi tintswalo ta xona, hi ku hlantswiwa loku endlaka leswaku Moya lowo Kwetsima wu hi nyika ku tswariwa ra vumbirhi, ni vutomi lebyintshwa.

Yakobo 3:17

Kambe vutlhari byo ta hi le henhla, byi ni ku rhula, ni ku olova, ni ku yingisela, byi tele musa ni mihandzu leyinene; kambe ngopfu-ngopfu byi tengile; a byi yi hi nghohe, kumbe ku kanganyisa.

1 Petro 1:3

A ku nkhensiwe Xikwembu, Tata wa Hosi ya hina Yesu Kriste! Hi musa wa yena lowukulu, ú hi tswarile ra vumbirhi, leswaku hi va ni ku tshemba loku hanyaka, hikwalaho ka ku pfuka ka Yesu Kriste exikarhi ka vafi,

1 Yohane 2:29

Loko mi tiva leswaku ú lulamile, mi nga kholwa swinene leswaku un'wana ni un'wana loyi a endlaka leswo lulama, ú tswariwe hi yena.

1 Yohane 3:9

Ku hava ni un'we loyi a tshamelaka ku dyoha, loko a tswariwile hi Xikwembu, hikuva mbewu ya Xikwembu yi mirile eka yena, kutani a nga ka a nga ha tshameli ku dyoha, hikuva ú tswariwile hi Xikwembu.

1 Yohane 5:1

Un'wana ni un'wana loyi a pfumelaka leswaku Yesu hi yena Mesiya, ú tswariwile hi Xikwembu, kutani un'wana ni un'wana loyi a rhandzaka mutswari, ú rhandza ni mutswariwa wa kona.

1 Yohane 5:18

Ha swi tiva leswaku un'wana ni un'wana la tswariweke hi Xikwembu, a nga ha tshameli ku dyoha, hikuva ú hlayisiwa hi N'wana wa Xikwembu, kutani Lowo biha a nga n'wi khumbi.

1 Yohane 5:4

Xin'wana ni xin'wana lexi tswariweke hi Xikwembu, xi hlula misava, kutani ku hlula loku hlulaka misava i ku pfumela ka hina.

Nhlavutelo 3:14

“Tsalela ni ntsumi ya kereke ya le Lawodikiya, u ku: “ ‘Marito ya loyi a nga Amen, mbhoni leyi tshembekeke ya ntiyiso, masungulo ya leswi tumbuluxiweke hi Xikwembu, hi lawa: