Yohane 21:12 - BIBELE Mahungu Lamanene

¹² Yesu a ku ka vona: “Tanani, mi ta fihlula.” Kambe a ku vanga na mudyondzisiwa na un'we la nga tiyela ku n'wi vutisa a ku: “U mani?” hikuva va swi tivile leswaku hi yena Hosi.

Testamente Leyimpsha Xichangana

¹² Yesu aku ka vona: “Tanani, mitafihlula.” Kambe akuvanga ni mujondzisiwa ni mun'we lweyi angamutiyela kumuvutisa aku: “U mani?”, hikuva vasvitivile lesvaku hi yena Hosi.

Xitsonga (Bibele)

¹² Yesu a ku eka vona: “Tanani mi dya.” Kambe a ku vanga na un'we wa vadyondzisiwa va yena, la nga tiyisa mbilu ku n'wi vutisa leswaku u mani? Hikuva a va swi tiva leswaku i Hosi.

Yohane 21:12 Iomraidhean Croise

Matewu 22:46

A ka ha vanga na un'we la tiveke ku n'wi hlamula nchumu; naswona, ku sukela enkarhini wolowo, a ka ha vanga na munhu la nga tiya nhlana ku n'wi vutisa xivutiso.

Marka 9:32

Kambe a va twisisanga marito lawa, naswona a va chava ku n'wi vutisa.

Luka 9:45

Kambe vadyondzisiwa a va twisisanga marito lawa, a ma tumberile eka vona, leswaku va nga ma twisisi; a va chava ni ku n'wi vutisa leswi ma vulaka swona.

Yohane 16:19

Yesu ú swi tivile leswaku va lava ku n'wi vutisa, kutani a ku ka vona: “Xana mi vutisana hi leto yini exikarhi ka n'wina? Xana hileswi ndzi nga te: ‘Endzhaku ka nkarhinyana, a mi nga ndzi voni, kutani endzhaku ka nkarhinyana kambe, mi ta ndzi vona’ ke?

Yohane 21:11

Simoni Petro a nghena ebyatsweni, a kokela rikoka eribuwini, ri tele hi tinhlampfi letikulu. A ti ri 153. Kambe hambileswi a ti tele ngopfu, rikoka a ri handzukanga.

Yohane 21:15

Kuteloko va fihlurile, Yesu a ku ka Simoni Petro: “Simoni, n'wana Yohane, xana wa ndzi rhandza ku tlula leswi hinkwaswo ke?” A ku ka yena: “Ina, Hosi, wa swi tiva leswaku ndza ku rhandza.” Yesu a ku ka yena: “Risa swinyimpfana swa mina.”

Yohane 4:27

Enkarhinyana wolowo vadyondzisiwa va Yesu va ta fika, kutani va hlamala hileswi a vulavulaka ni wansati; hambiswiritano, a ku vanga na un'we la nga te: “U lava yini?” kumbe: “U vulavulela yini na yena ke?”

Timhaka 10:41

ku nga ri ka tiko hinkwaro, kambe eka timbhoni leti xi ti hlawuleke ka ha ri ku sunguleni, hi nga hina lava hi nga dya na yena, hi nwa na yena, endzhaku ka loko a pfukile eku feni.