Yohane 19:5 - BIBELE Mahungu Lamanene

⁵ Yesu a huma, a tlhandlekiwile harhi ya mitwa enhlokweni, a ambarile nguvu yo vangama ya xivunguvungu. Pilato a ku ka vona: “Vonani, hi yoloye munhu wa n'wina!”

Testamente Leyimpsha Xichangana

⁵ Yesu ahuma, na atlhantekiwile hari ya mintwa nhlokweni, na ayambalile xiyambalu xovangama xa xivunguvungu. Pilato aku ka vona: “Vonani, hi yelweyi munhu wa n'wina!”

Xitsonga (Bibele)

⁵ Yesu a humela ehandle, a tlhandlekiwile harhi ya mitwa enhlokweni, a funengele xivunguvungu. Kutani Pilato a ku eka vona: Hi yeloye munhu.

Yohane 19:5 Iomraidhean Croise

Esaya 40:9

Khandziya entshaveni leyo leha, u tivisa mahungu lamanene, we Siyoni. We Yerusalema, tlakusa rito u huwelela hi matimba, u byela van'wana mahungu lamanene. U nga chavi, huwelela swinene, u byela miti ya tiko ra Yuda, u ku: “Vonani, Xikwembu xa n'wina hi lexi!”

Esaya 43:1

N'wina va ka Yakobo, HOSI Xikwembu lexi xi mi tumbuluxeke, xona muvumbi wa n'wina Vaisraele, xi vurisa sweswo xi ri: “Mi nga chavi, hikuva ndzi ta mi kutsula, ndzi mi vitanile hi mavito ya n'wina, mi va mina.

Esaya 7:14

Sweswi, N'wini wa hinkwaswo ú lava ku mi nyika xikombiso: Ku na nhwana loyi a tikeke; ú ta veleka n'wana wa mufana, a n'wi thya vito ra Emanuwele.

Swirilo 1:12

“N'wina hinkwenu vahundzi va ndlela, xana swilo leswi a swi vuli nchumu eka n'wina xana? Xiyaxiyani mi vona loko ku ri ni munhu la nga ni nhlomulo wo fana ni wa mina, lowu HOSI yi ndzi vangeleke wona siku leri yi ndzi hlundzukeleke ha rona.

Matewu 27:29

kutani va luka harhi ya mitwa, va n'wi tlhandleka enhlokweni, va n'wi tamerisa nhonga evokweni ra xinene; kutani va nkhinsama hi matsolo emahlweni ka yena, va n'wi tseketsela, va ku: “Xewani, Hosi ya Vayuda!”

Yohane 1:29

Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

Yohane 19:2

Kutani masocha ma luka harhi ya mitwa, ma yi tlhandleka enhlokweni ya yena, ma n'wi ambexa nguvu yo vangama ya xivunguvungu;

Vaheveru 12:2

A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.