Yohane 17:1 - BIBELE Mahungu Lamanene

¹ Yesu ú vurile timhaka leti. Kutani a tlakusa mahlo, a languta etilweni, a ku: “Tatana, nkarhi wu fikile; dzunisa N'wana wa wena, leswaku N'wana a ku dzunisa.

Testamente Leyimpsha Xichangana

¹ Yesu avulile timhaka leti. Kutani atlakusa mahlo, alanguta tilweni, aku: “Tatana, nkarhi wufikile; dzunisa N'wana wa wena, lesvaku N'wana akudzunisa.

Xitsonga (Bibele)

¹ Kuteloko Yesu u vurile timhaka leti, a tlakusela mahlo ya yena ehenhla, a ku: “Tatana, nkarhi wu tile, dzunisa N'wana wa wena, leswaku N'wana wa wena a ku dzunisa na yena;

Yohane 17:1 Iomraidhean Croise

Pisalema 123:1

Ndzi languta eka wena, wena la fumaka a ri ematilweni.

Esaya 38:14

“A ndzi rila kukota mbewulani, ndzi gomela ku fana ni tuva, mahlo ya mina ma karhala hi ku languta etilweni. We n'wini wanga, ndzi biyelele ekhombyeni leri ndzi nga ka rona.

Marka 14:41

Loko a vuya ra vunharhu, a ku ka vona: “Xana ma ha etlela ni ku wisa xana? Swi ringene! Nkarhi wu fikile, vonani, N'wana-wa-Munhu wa nyiketiwa emavokweni ya vadyohi.

Luka 18:13

Muluvisi yena a a yimele kule, a chava ni ku tlakusa mahlo a languta etilweni, kambe a a komba ku vaviseka, a ku: ‘Xikwembu, ndzi twele vusiwana, mina ndzi nga mudyohi.’

Luka 22:53

A ndzi ri na n'wina eTempeleni masiku hinkwawo; a mi ndzi khomanga. Kambe sweswi, hi wona nkarhi wa n'wina, hikuva ku fuma munyama.”

Yohane 11:4

Loko Yesu a twa sweswo, a ku: “Vuvabyi lebyi a byi nga yisi eku feni, kambe i bya ku dzunisa Xikwembu, ni leswaku N'wana wa Xikwembu a dzunisiwa hikwalaho ka byona.”

Yohane 11:41

Kavaloko va susa ribye, kutani Yesu a languta henhla, a ku: “Tatana, ndza ku nkhensa, hikuva u ndzi yingisile.

Yohane 12:23

Yesu a va hlamula, a ku: “Nkarhi wu fikile lowu N'wana-wa-Munhu a nga ta tlakuriwa ha wona.

Yohane 13:1

Nkhuvo wa Paseka a wu nga si fika, kambe Yesu a a tiva leswaku nkarhi wa yena wu fikile wa ku suka laha misaveni, a ya eka Tatana. A a rhandza vanhu va yena laha misaveni, kutani ú va rhandzile ngopfu ku yisa eku heteleleni.

Yohane 16:32

Vonani, nkarhi wa ta, ni sweswi wu fikile, lowu mi nga ta hangalaka ha wona, un'wana ni un'wana a tlhelela ekaya ka yena, mi ndzi siya ndzi ri ndzexe; hambiswiritano a ndzi ndzexe, hikuva Tatana ú na mina.

Yohane 7:30

Kutani va ringeta ku n'wi khoma; kambe a ku vanga na un'we la nga yisa voko eka yena, hikuva nkarhi wa yena a wu nga si fika.

Yohane 7:39

Hi ku vula sweswo, a a ringanisa Moya lowu lava pfumeleke eka yena va nga ta nyikiwa wona. Ku fikela nkarhi wolowo, Moya lowo Kwetsima a wu nga si nyikiwa, hikuva Yesu a a nga si tlakusiwa.

Yohane 8:20

Yesu ú vurile marito lawa loko a ri karhi a dyondzisa eTempeleni, laha swibya swa nhlengo a swi vekiwa kona; kutani a ku vanga na un'we la n'wi khomeke, hikuva nkarhi wa yena a wu nga si fika.

Timhaka 3:13

Xikwembu xa Abrahama ni xa Isaka ni xa Yakobo, Xikwembu xa vatata wa hina, xi dzunisile nandza wa xona Yesu, loyi mi n'wi nyiketeke, mi tlhela mi n'wi landzula emahlweni ka Pilato; kambe Pilato yena a a vurile leswaku a ntshunxiwa.

1 Petro 1:21

Hikwalaho ka yena, mi ni ku tshemba eka Xikwembu, lexi xi n'wi pfuxeke exikarhi ka vafi, xi n'wi nyika ku dzuneka, ku endlela leswaku ku pfumela ka n'wina ni ku tshemba ka n'wina swi va eka Xikwembu.