Yohane 15:12 - BIBELE Mahungu Lamanene

¹² Nawu wa mina hi lowu: Hileswaku mi rhandzana, kukotisa leswi na mina ndzi mi rhandzeke.

Testamente Leyimpsha Xichangana

¹² Nawu wa mina hi lowu: Hi lesvaku mirhandzana, kukotisa lesvi na mina nimirhandzeke.

Xitsonga (Bibele)

¹² “Nawu wa mina hileswaku mi rhandzana kukotisa leswi ndzi mi rhandzeke.

Yohane 15:12 Iomraidhean Croise

Malakiya 1:2

HOSI Xikwembu xi ku ka Vaisraele: “Ndza mi rhandza, kambe n'wina mi ndzi vutisa, mi ku: ‘U hi komba ha yini leswaku wa hi rhandza xana?’ Kutani mina HOSI ndzi ri: Xana Esawu a hi makwavo wa Yakobo xana? Hambiswiritano, ndzi rhandzile Yakobo,

Yohane 13:34

Ndzi mi nyika nawu lowuntshwa ndzi ri: Rhandzanani! Kukotisa leswi mina ndzi mi rhandzeke, rhandzanani na n'wina.

Yohane 15:17

Leswi ndzi mi lerisaka swona hileswaku mi rhandzana.

Varhoma 12:10

Tolovelanani, mi rhandzana tanihi vamakwavo, mi tlula van'wana hi ku kombana xichavo.

Vaefesa 5:2

Hanyani hi moya wa rirhandzu, tanihi Kriste loyi a hi rhandzeke ni ku tinyiketa hikwalaho ka hina, a humesela Xikwembu gandzelo ra risima, leri ri xi tsakisaka.

1 Vatesalonika 3:12

Ingi Hosi yi nga kurisa ni ku andzisa rirhandzu leri mi rhandzanaka ha rona ni ku rhandza van'wana ha rona, ku fana ni leswi na hina hi mi rhandzisaka xiswona;

1 Vatesalonika 4:9

Loko ti ri ta ku rhandzana ni vamakwenu eHosini, a mi faneli ku tsaleriwa nchumu hi tona; hikuva i Xikwembu lexi xi mi dyondziseke ku rhandzana;

2 Vatesalonika 1:3

Swa hi fanela ku nkhensa Xikwembu masiku hinkwawo hikwalaho ka n'wina, vamakwerhu. Hakunene swa fanela sweswo, hikuva ku pfumela ka n'wina ku karhi ka kula ngopfu, ni ku rhandzana ka n'wina hinkwenu ku ya ku engeteleleka.

1 Petro 1:22

Leswi mi basiseke mimoya ya n'wina hi ku yingisa ntiyiso ni ku rhandza vamakwenu hi rirhandzu ra xiviri, rhandzanani swinene hi timbilu ta n'wina hinkwato.

1 Petro 3:8

Eku heteleleni: N'wina hinkwenu mi fanele ku va ni moya wun'we, mi twelana vusiwana, mi va ni rirhandzu eka vamakwenu, mi va ni mbilu ya vumunhu ni miehleketo ya ku titsongahata.

1 Petro 4:8

Ku tlula leswi hinkwaswo, tiyani eku rhandzaneni, hikuva rirhandzu ri funengeta swidyoho leswo tala.

1 Yohane 3:23

Kutani hi lowu nawu wa xona: Hileswaku hi pfumela eka N'wana wa xona Yesu Kriste, ni ku rhandzana hilaha xi hi leriseke hakona.

1 Yohane 4:21

Kutani nawu lowu xi hi nyikaka wona, hileswaku loyi a rhandzaka Xikwembu, ú fanele naswona ku rhandza makwavo.

2 Yohane 1:5

Kutani sweswi, ndza ku kombela we nkosikazi, ndzi ri, a hi kombaneni rirhandzu hinkwerhu. A ndzi ku tsaleli nawu lowuntshwa, kambe hi lowu hi nga nyikiwa wona ku sukela khale.